Fondi konsideron se një element i rëndësishëm i evazionit janë individët relativisht të pasur. Këto individë depozitojnë sasi të mëdha parash në parajsat fiskale që ndër të tjera i shmangen edhe taksimit.

Shqipëria tashmë ka miratuar kuadrin ligjor për shkëmbimin automatik të informacionit dhe në këtë mënyrë mund të fillojë të marrë informacione për shqiptarët rezidente që kanë depozita jashtë vendit.

FMN sugjeron që një grup audituesish të aftë duhet të funksionojnë për të përfshirë në taksim me metoda alternative fondet dhe asetet e brendshme të pataksuara.

Megjithatë, gjenerimi i të ardhurave nga individët e pasur do të varet nga kapaciteti i Drejtorisë së Përgjithshme të Tatimeve për të zbuluar paratë e padeklaruara të mbajtura në institucionet financiare vendase.

Fondi sugjeron se një Task Forcë e dedikuar hetimi do të ndihmonte në forcimin e besueshmërisë së taksimit te të padeklaruar të personave të pasur në vend.

“Mblidhni taksat e shmangura nga korrupsioni dhe krimet e tjera financiare duke përmirësuar bashkëpunimin ndërmjet agjencive të të ardhurave dhe organeve të tjera zbatuese. Autoritetet e të ardhurave mund të jenë aktorët kryesorë në luftën kundër krimit financiar dhe korrupsionit” këshillon FMN.

Sakaq në vijim të këshillave të FMN, Drejtoria e Përgjithshme e Tatimeve është angazhuar të krijojë një listë me 650 individët më të pasur në vend, pasuria e të cilëve do të hetohet për arsye të mbledhjes së taksave dhe reduktimit të informalitetit ne tre vitet në vijim.

Në Programin e ri Ekonomik të Qeverisë 2022-2024, përcaktohet se lista do të përmbushet gjatë tre viteve, ku në vitin 2022 do të listohen 100 persona, më 2023 do të evidentohen edhe 200 dhe gjatë 2024 edhe 350 individë të pasur, duke e çuar listën totale në 650 individë.

Për nga stili i jetës që bëjnë, Shqipëria ka shumë individë që kanë pasuri, të cilët nuk i kanë të deklaruara burimet e të ardhurave e për rrjedhojë nuk janë të fiskalizuar. Pasuria e këtyre individëve mund të burojë nga burime të ligjshme dhe të paligjshme të ardhurash, por Drejtoria e Përgjithshme e Tatimeve synon që të paktën të fiskalizojë një pjesë të pasurisë së fshehtë dhe të nëndeklaruar.

Hetimet paraprake të Tatimeve kanë gjetur se, ka më shumë individë që marrin paga të larta se sa vetëdeklarohen në Tatime. Lista që do të krijohet, do të azhurnojë informacione nga palë të treta, të tilla si hipotekat, pagesa e energjisë dhe ujit dhe synon të rrisë tatimin nga të ardhurat dhe pasuritë e këtyre individëve.

Shumë individë në Shqipëri kanë krijuar pasuri në mënyrë të jashtëligjshme, por institucionet financiare ndërkombëtare e kanë këshilluar autoritetin fiskal në vend që së paku kjo pasuri të fiskalizohet./Monitor

The post FMN zbardh skemën si të zbulohen dhe taksohen shqiptarët e pasur, që depozitojnë në parajsat fiskale appeared first on Albeu.com.

Ai theksoi se asnjë vend në Europë nuk ka taksë kaq të lartë për produktet ushqimore. Zusi rreshtoi disa argumente për mbështetjen e kësaj kërkese, duke vendosur të parin atë moral.

“Së pari është argumenti moral. Nuk mund të taksojmë ushqimin me 20%. Nuk e bën asnjë vend i Europës. Në Europë taksimi i ushqimeve bazë taksohen deri në 6%. Produktet e përpunuara shkojnë deri në 10%. Dhe pastaj taksa për produktet e luksit është 20%. Argumenti i parë është ai moral. Nuk mundet shoqëria të bëjë luksin e saj me taksën e ushqimit.

Në Shqipëri në sektorin e produkteve ushqimore evazionin mund ta kemi deri në 80%. Një taksë e lartë vetëm e favorizon këtë evazion. Duke ulur në 6% ne zgjerojmë bazën dhe jo që mund të humbasë nga kjo ulje ka gjasa të rikuperohet. Me 6% janë të gjithë të motivuar. Sot në Shqipëri ti nuk ke asnjë lloj statistike. Nuk ke statistika në Shqipëri. Sot ka evazion dhe informalitet total. Ti nuk bën dot politika sot.

Mbi bazën e këtyre politikave ka gjasa të marrësh më shumë të ardhura dhe të kompensosh atë që po humbet sot. Në 2014 kompanitë që deklaronin një vlerë kaluan në disa fish deklarim brenda disa vitesh. Bankat filluan të japin kredi për fermerët sepse ata që nuk ekzistonin për ta filluan të figuronin me para në bankë. U formalizua gjithçka. Kompani me 70 vetë të deklaruar shkuan në 270. Duhet bërë kjo punë sepse është sektori më informal që kemi”, deklaroi Zusi.

Ndërsa eksperti për ekonominë Eduart Gjokutaj deklaroi se politika nuk mund të ndryshojë kaq shpesh si “fizarmonikë” duke theksuar se kjo nuk jep mesazhin e duhur.

“TVSH për bujqësinë ka ndryshuar katër herë nga 2014. Kjo është qasje që me politikat është luajtur nga çdo qeveri. Nuk ka ndikuar për mirë. Baza e paedukuar është kthyer prapë në nivelet ku ka qenë. TVSH është taksë konsumi. Atë e mbart konsumatori. Biznesi siç e merr do ta japë. Në shëndetësi dhe arsim u bë zero. Nuk bëhet politika kaq e shpejt si fizarmonikë. Nuk merren mesazhe”, deklaroi Gjokutaj./Abcnews.al

The post Zusi: Ushqimi në Shqipëri taksohet sa produktet e luksit në Europë appeared first on Albeu.com.