45-vjeçari është larguar nga shteti grek përmes pikës kufitare të Kakavijës në Shqipëri më 27 tetor. Që prej asaj dite shqiptari është në kërkim nga policia greke, për akuzën e përdhunimit.

Siç raportojnë mediet vendase, ministri grek i kërkoi Çuçit mobilizim maksimal të organeve shqiptare për gjetjen dhe arrestimin e 45-vjeçarit të akuzuar për përdhunimin e një vajze në Paleo Faliro, si dhe vazhdimin e bashkëpunimit të mirë të organeve të prokurorisë së dy vendet.

Sipas asaj që shkruajnë mediat greke 45-vjeçari shqiptar prej dy vitesh ishte i divorcuar dhe kishte dy fëmijë. Ai jetonte në zonën e Paleo Faliro sëbashku me nënë e tij. Fqinjët e tij kanë rrëfyer se ai ka pasur probleme të theksuara me alkoolin, ku shpesh shihej duke bërtitur.

Madje në shumë raste ai ki ushtruar edhe dhunë kundër nënës së tij. 45-vjeçari shqiptar kërcënoi me një thikë shtetasen greke dhe më pas e përdhunoi atë. Ndaj tij është lëshuar një urdhër arresti ndërkombëtar.

The post Ministri grek telefonon Çuçin: Kërkoj mobilizim maksimal të policisë tuaj për gjetjen e përdhunuesit shqiptar të arratisur në atdhe appeared first on Albeu.com.