Ky takim u diskutua mes presidentit francez Emannuel Macron dhe presidentit rus.

Por zëdhënësi i Vladimir Putinit, Dmitri Peskov, tha se është ende herët të flasim për plane specifike për një samit midis presidentit rus dhe Joe Biden. Peskov tha se Putin dhe Biden mund të takohen nëse e konsiderojnë të nevojshme, por theksoi se është ende herët për të përcaktuar nëse do të ndodhë apo jo një takim midis tyre, shkruan The Guardian.

Sipas agjencisë së lajmeve Tass, ai tha: Situata në Donbas është shumë e tensionuar dhe deri më tani nuk ka shenja të uljes së tensioneve. Provokimet dhe granatimet po bëhen gjithnjë e më intensive, sigurisht që diçka e tillë ka rritur shqetësimet.

Pavarësisht pretendimeve të përsëritura ruse, gazetarët në terren nuk kanë parë asnjë provë të granatimeve nga forcat ukrainase ndaj popullatës lokale.

Ndërkohë sipas informacioneve, Presidenti rus Vladimir Putin pritet të mbajë një takim të Këshillit të Sigurimit Rus gjatë ditës së sotme, për të diskutuar mbi çështjen e Ukrainës./albeu.com/

The post U përfol për takim Biden-Putin, reagon për herë të parë Moska appeared first on Albeu.com.

Takimi pritet të mbahet në një samit të propozuar nga homologu i tyre francez Emmanuel Macron.

Ministri francez i Çështjeve Evropiane, Clement Beaune, tha se një samit midis presidentëve amerikanë dhe rus “nuk do të ndodhë përpara të enjtes”.

Kushti i Shtëpisë së Bardhë është që takimi të mbahet vetëm nëse Rusia nuk pushton Ukrainën.

Nga ana tjetër Ministri i Jashtëm rus Sergej Lavrov do të flasë me homologun e tij francez, Jean-Yves Le Drian, të hënën dhe Sekretarin e Shtetit të SHBA Anthony Blinken të enjten.

Beaune i përshkroi këto takime si “takime përgatitore” për një samit midis dy presidentëve.

“Ne do ta shohim situatën” pas atyre diskutimeve, tha ai.

Liderët rusë dhe amerikanë kanë rënë dakord në parim për një takim dypalësh për të diskutuar tensionet rreth Ukrainës, pas thirrjeve me presidentin francez Emmanuel Macron, duke përfshirë tre orë diskutim me Putinin, sipas Beaune.

“Shpresa diplomatike është rikthyer nga Macron”, tha ai./albeu.com/

The post Franca zbulon negociatat: Kur mund të ndodh takimi Putin-Biden appeared first on Albeu.com.

E para ishte një skulpturë kristali e një bizoni amerikan. “Një nga gjitarët më madhështorë të kombit të Amerikës dhe përfaqësues i forcës, unitetit, qëndrueshmërisë”, thuhet në deklaratën e Shtëpisë së Bardhë për dhuratat e Biden.

Presidenti amerikan gjithashtu i dha Presidentit Putin një palë syze dielli sportive të stilit “Aviator”, të cilat duket se i ka të preferuarat e tij.

Takimi Biden-Putin përfundoi pas më shumë se tri orësh. Dy presidentët fillimisht u takuan në një seancë më të vogël, ndërsa më vonë u përfshinë edhe zyrtarë të të dyja palëve.

Në një konferencë të ndarë për media, Putin tha se nuk kishte armiqësi gjatë takimit dhe se bisedimet ishin “mjaft konstruktive”.

“Vlerësimi ynë për shumë çështje ndryshon, por, sipas mendimit tim, të dyja palët demonstruan dëshirën për të kuptuar njëra-tjetrën dhe për të kërkuar mënyra për t’u afruar me njëra-tjetrën”, tha Putin.

Ai tha se u pajtua me Bidenin që t’i kthejnë ambasadorët në postet e tyre, në përpjekje për të ulur tensionet.

Ndërsa Presidenti i Shteteve të Bashkuara, Joe Biden, tha se agjenda e tij “nuk është kundër Rusisë apo dikujt tjetër, por është për Amerikën”.

Biden tha se ia ka dhënë këtë mesazh presidentit rus, Vladimir Puti.

“Aty ku kemi dallime, dua që presidenti Putin të kuptojë përse e them atë që them dhe përse e bëj atë që bëj”, tha Biden në konferencën për gazetarë pas takimit

The post Jo një, por dy dhurata: Çfarë i dha Biden Putinit në takimin e sotëm appeared first on Albeu.com.

Biden dhe Putin u takuan së pari të shoqëruar nga Sekretari Amerikan i Shtetit Anthony Blinken, Ministri i Jashtëm rus Sergei Lavrov dhe disa përkthyesë.

Dy seanca shtesë janë planifikuar të mërkurën pasdite ndërsa udhëheqësve pritet që t’i bashkohen edhe disa këshilltarë.

Delegacioni i SHBA përfshin Sekretarin Amerikan të Shtetit Blinken, Këshilltarin e Sigurisë Kombëtare Jake Sullivan, Nënsekretarin e Shtetit për Çështjet Politike Victoria Nuland, Ambasadorin e SHBA në Rusi John Sullivan dhe ekspertët Eric Green dhe Stergos Kaloudis.

Delegacioni rus do të përfshijë, ministrin e Jashtëm rus Lavrov, këshilltarin e punëve të jashtme të Putinit, Yuri Ushakov, zëvendësin e Lavrov, Sergei Ryabkov, shefin e Shtabit të Përgjithshëm të ushtrisë ruse Gjeneral Valery Gerasimov, ambasadorin rus në Uashington Anatoly Antonov, si dhe të dërguarit e Kremlinit për Ukrainën dhe Sirinë dhe zëdhënësin e Putinit, Dmitry Peskov.

Ndërkohë bëhet me dije se ka ndodhur një incident me përleshje fizike mes gazetarëve amerikanë dhe sigurimit rus.Reporterët të ardhur nga SHBA posaçërisht për takimin në Gjenevë vërshuan për të hyrë brenda dhomës ku zhvillohet takimi Biden-Putin. Ishte lajmëruar se vetëm disa gazetarë do të lejoheshin, por sigurimi rus vendosi shiritin e kuq para tyre duke përdorur dhe forcë për t’i shtyrë ata.

Fox News thotë se pamja ishte kaotike dhe Biden me Putin panë gjithë skenën. Qëllimi i sigurimit rus ishte mos lejonin gazetarët amerikanë të futeshin brenda dhomës, por ata përdorën edhe forcën duke shtyrë dhe kapur prej rrobash gazetarët.

Të pranishëm kanë qenë dhe zyrtarë të Shtëpisë së Bardhë që u bënë thirrje agjentëve rusë të ndalonin menjëherë.

The post Përfundon para kohe takimi mes Vladimir Putin dhe Joe Biden appeared first on Albeu.com.

Të dyja palët kanë thënë se takimi në vilën piktoreske buzë liqenit në Gjenevë do të sjellë marrëdhënie më të stabilizuara, megjithëse të dyja palët u përmbahen qëndrimeve diametralisht të kundërta për pika fërkimi si ndërhyrja ruse në zgjedhjet amerikane, sulmet kibernetike dhe agresioni rus në Ukrainë.

“Nuk presim një listë të gjatë arritjesh nga ky takim,” tha një zyrtar amerikan gjatë udhëtimit me avionin presidencial për në Gjenevë, duke shtuar se dy udhëheqësit pritet të dikutojnë për orë të tëra.

Marrëdhëniet janë acaruar prej vitesh, duke filluar me aneksimin e Krimesë nga Rusia në 2014, ndërhyrjen e rusëve në Siri në 2015 dhe akuzat amerikane, të kundërshtuara nga Kremlini, se Rusia është përzjerë në zgjedhjet amerikane.

Komenti i Presidentit Biden në mars se Putini është “vrasës” e acaruan edhe më tej situatën, duke rezultuar në thirrjen nga Kremlini të ambasadorit të tij në Uashington. Në prill, SHBA thirrën ambasadorin e tyre në Moskë. Asnjë prej tyre nuk është kthyer ende në post.

Një zyrtar i lartë amerikan tha se SHBA synon të arrijë një numër “ndarje detyrash” që në zhargonin qeveritar në Uashington nënkupton emërimin e disa funksionarëve nga të dyja palët për të vazhduar diskutimet në nivel më të ulët “për tema ku mund të punohet bashkarisht për të avancuar interesat kombëtare dhe për ta bërë botën më të sigurtë”.

Kontrolli i armëve është një nga temat ku gjatë viteve është regjistruar mirëkuptim, megjithë fërkimet në fusha të tjera.

Vladimir Frolov, ish-diplomat rus, tha për agjencinë e lajmeve Reuters se Presidenti Putin dëshiron marrëdhënie me respekt dhe kërkon të trajtohet si anëtarët e ish-Byrosë Politike të Bashkimit Sovjetik në vitet 1960-1980, që “një trajtim që në mënyrë simbolike ta vlerësojë Rusinë si një fuqi e barabartë strategjike me Shtetet e Bashkuaraa”.

“Në këmbim, Moska mund të tregohet e gatshme të reduktojë disa nga marrëzitë që ka bërë,” tha zoti Frolov, duke shtuar se me këtë term nënkupton se “s’do ketë më helmime, dhunë fizike, arrestime e rrëmbime të shtetasve amerikanë e rusë. S’do të ketë ndërhyrje në punët e brendshme”.

Dmitri Trenin, drejtor i Qendrës Carnegie në Moskë thotë se për takimin janë paracaktuar synime modeste:

“Suksesi i parë nga ky takim në Gjenevë do të jetë fakti që palët nuk u zunë me grushte, pra nuk do të ketë nevojë për një konflikt ushtarak,” thotë ai.

Një shenjë simbolike e tensionit mes dy udhëheqësve është fakti që nuk është planifikuar drekë e përbashkët Biden-Putin dhe secili prej tyre do të zhvillojë një konferencë të veçantë për shtyp.

“(Biden dhe Putin) nuk do ndajnë bukë bashkë,” tha zyrtari i lartë amerikan.

The post Tensione të larta, synime modeste në takimin Biden-Putin appeared first on Albeu.com.