Zikaltërit besohet se kanë paguar një shifër prej shtatë milionë euro, plus tre milionë euro të tjera në bonuse për shërbimet e Buchanan.

Kanadezi ka nënshkruar një kontratë katërvjeçare e gjysmë, e cila do të zgjasë deri në verën e vitit 2028, transmeton Klankosova.tv.

Buchanan mbërriti në aeroportin Linate në Milano të enjten në mëngjes, ku përfundoi mjekësore dhe nënshkroi ujdinë më vonë gjatë ditës.

24-vjeçari do t’i japë Simone Inzaghit një tjetër opsion në pozicionin e krahut të djathtë dhe pritet të konkurrojë me Denzel Dumfries për një vend në formacionin titullar.

Buchanan do të bëhet kanadezi i parë ndonjëherë që do të luajë në Serie A. Deri më tani, ai ka 35 paraqitje dhe katër gola për vendin e tij. /klankosova/

The post Tajon Buchanan te Interi, bëhet kanadezi i parë në Serie A appeared first on Albeu.com.

Interi u detyrua të lëvizte në merkato për arsye se Cuadrado u detyrua t’i nënshtrohej një operacioni. Për kanadezin, Marotta ka rënë dakord me klubin belg që ta transferojë për 8 milionë euro.

Bruges, i cili fillimisht kërkoi rreth 12 milionë euro, ka ardhur për të takuar drejtuesit e Interit në Milano dhe kanë rënë dakord përfundimisht për shifrën e 8 milionë eurove.

Kanë mbetur edhe detajet e fundit të kontratës për t’u vendosur dhe fill pas natës së Vitit të Ri Buchanan pritet në Milano për të kryer vizitat mjekësore. /abcnews.al

The post Inter godet në merkato, pothuajse e kryer me kanadezin e Club Brugge appeared first on Albeu.com.