Basel Action Network, një organizatë jofitimprurëse me bazë në SHBA që gjurmonte dërgesën e paligjshme dhe Ecological Alert and Recovery-Thailand (Earth), një grup qytetar që monitoron mbetjet industriale, punuan me qeverinë tajlandeze për të penguar përpjekjen e kontrabandës.

Dy anijet, Maersk Candor dhe Maersk Campton, raportohet se mbanin rreth 100 kontejnerë me pluhur toksik të destinuara për në Portin Laem Chabang në provincën Chon Buri këtë javë. Qeveria shqiptare dhe ajo tajlandeze nuk miratuan dërgesën e mbetjeve toksike.

Ngarkesa e dyshuar në 40 kontejnerë në Maersk Campton do të kthehet në Itali, sipas faqes së internetit të gjurmimit të ngarkesave detare të MSC Mediterranean Shipping Company, e cila do të transportojë ngarkesën përsëri në Evropë.

Rasti i fundit vetëm konfirmon se Tajlanda është bërë një vend depozitimi për mbetjet elektronike dhe toksike. Kina ishte vendi kryesor i hedhjes së mbetjeve elektronike dhe toksike në botë përpara se Pekini të godiste operacionet në vitin 2018. Si rezultat, importi i mbetjeve është ndaluar dhe duket se operacionet kanë migruar në Tajlandë dhe ndoshta vende të tjera në Azinë Jugore dhe Juglindore.

Politika e qeverisë tajlandeze për promovimin e industrisë së riciklimit të mbetjeve, së bashku me zbatimin e dobët të ligjit, ka mundësuar që kontrabanda e mbetjeve toksike të depërtojë.

Ndërsa komunitetet në të gjithë vendin vuajnë nga ndotja nga fabrikat e papërgjegjshme, qeveritë, përfshirë atë të ish-kryeministrit Srettha Thavisin, janë fokusuar në akomodimin e investitorëve.

Për shembull, në maj, kabineti i Srettha urdhëroi zyrtarët të përshpejtojnë 100 aplikime për hapjen e fabrikave pavarësisht mungesës së disa dokumenteve mjedisore.

The post Anijet me mbetje toksike, media tajlandeze: Dyshohet se erdhën nga Shqipëria dhe një vend tjetër europian appeared first on Albeu.com.

Nga veprimet hetimore ka rezultuar se 42-vjeçari i kishte siguruar dokumentet e falsifikuara kësaj shtetasje, me qëllim për ta trafikuar në Suedi, për ta shfrytëzuar për prostitucion.

Tiranë/Finalizohet operacioni policor i koduar “False”, i zhvilluar nga Seksioni për Hetimin e Trafiqeve të Paligjshme dhe Komisariati i Policisë Rinas.

Vihet në pranga një 42-vjeçar (shtetas suedez) që ndihmoi një shtetase tajlandeze, që të kalonte kufirin në mënyrë të paligjshme, duke i siguruar asaj, dokumente identifikimi të falsifikuara.

Nga veprimet hetimore dyshohet se 42-vjeçari do ta trafikonte këtë shtetase, në Suedi, për ta shfrytëzuar për prostitucion.

Sekuestrohen mjete identifikimi të shtetësive të ndryshme, të dyshuara të falsifikuara, që dyshohet se 42-vjeçari ia jepte shtetasve të ndryshëm, për të kaluar ilegalisht kufirin.

Shërbimet e Seksionit për Hetimin e Trafiqeve të Paligjshme dhe ato të Komisariatit të Policisë Rinas, në zbatim të planit të masave të përbashkët për goditjen e krimeve kufitare, bazuar në informacionet e siguruara nga inteligjenca policore se në pkk Rinas, do të kalonin dy shtetas, kanë organizuar dhe finalizuar operacionin policor të koduar “False”.

Si rezultat i këtij operacioni u bë arrestimi në flagrancë i shtetasit S. O., 42 vjeç, banues në Suedi.

42-vjeçari i ka siguruar dokumente të dyshuara të falsifikuara një shtetaseje tajlandeze 26 vjeçe, me të cilën ka udhëtuar nga Turqia drejt Shqipërisë. Nga veprimet hetimore ka rezultuar se 42-vjeçari i kishte siguruar dokumentet e falsifikuara kësaj shtetasje, me qëllim për ta trafikuar në Suedi, për ta shfrytëzuar për prostitucion.

Gjithashtu, nga verifikimet e kryera ka rezultuar se 42-vjeçari iu siguronte dokumente identifikimi të dyshuara të falsifikuara, edhe shtetasve të tjerë, me qëllim kalimin e paligjshëm të kufijve.

Në cilësinë e provës materiale u sekuestruan mjete identifikimi të shtetësive të ndryshme, të dyshuara të falsifikuara.

Vijon puna për identifikimin dhe kapjen e shtetasve të tjerë të implikuar në këtë veprimtari kriminale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

The post I dha dokumente false tajlandezes për ta trafikuar për prostitucion, arrestohet suedezi në Rinas appeared first on Albeu.com.

“Pagat dhe taksat janë të ulëta dhe vendi ynë është konkurrues në rajon. Mbështetja ligjore për investimet e huaja është e sigurt,” tha ajo.

Osmani është shprehur se bizneset tajlandeze përmes Kosovës mund të kenë qasje në tregun evropian.

“Dhe sigurisht, pasi që ne kemi një Marrëveshje të Tregtisë së Lirë me Bashkimin Evropian dhe me Ballkanin Perëndimor dhe vendet më gjerë, bizneset tajlandeze mund të kenë qasje jo vetëm në tregun e Kosovës, por në një treg me qindra miliona njerëz përmes Kosovës. Pra, ne besojmë se do të jemi destinacioni tjetër ideal i biznesit për investime nga bizneset tajlandeze dhe të tjerë nga kjo pjesë e Azisë,” tha ajo.

Tutje, ajo ka thënë se ekziston vullneti politik dhe interesi i bizneseve për bashkëpunim mes Kosovës dhe shtetit aziatik.

“Vullneti politik është aty. Interesi nga bizneset është aty. Njerëzit janë aty për të krijuar lidhje. Pra, nuk shoh ndonjë problem që bashkëpunimi biznesor dhe tregtar mes dy vendeve të shumëfishohet”, ka thënë Osmani./express

The post Osmani thirrje tajlandezëve: Ejani investoni në Kosovë, rrogat dhe taksat janë të ulëta appeared first on Albeu.com.