Konflikti, që nisi pas një shkëmbimi zjarri në një segment 200-kilometërsh të kufirit të tyre të përbashkët, u përshkallëzua shpejt dhe solli pasoja të rënda diplomatike e ushtarake.

Përpjekjet për ndalimin e luftës fillimisht erdhën nga Kryeministri i Malajzisë dhe më pas nga Kina, por ishte vetëm pas një telefonate të Presidentit Trump me kryeministrin e përkohshëm tajlandez, Phumtham Wechayachai, që Tajlanda pranoi të merrte pjesë në negociata me Kamboxhian. Bisedimet u mbajtën në Putrajaya të Malajzisë, nën kujdesin e kryeministrit Anwar Ibrahim, aktualisht edhe kryesues i ASEAN-it, raporton ekskluzivisht Reuters.

Burime qeveritare tajlandeze thanë për Reuters se Trump kishte kërcënuar me pezullimin e negociatave tregtare nëse nuk gjendej një zgjidhje paqësore. Kjo ndikoi drejtpërdrejt në gatishmërinë e Tajlandës për të negociuar. Tajlanda kërkoi që takimi të zhvillohej në një vend neutral dhe vetëm mes kryeministrave, gjë që çoi në përzgjedhjen e Malajzisë si vend pritës.

Pavarësisht mosbesimit të ndërsjellë, armëpushimi që hyri në fuqi të hënën në mesnatë po respektohej deri të enjten, edhe pse të dyja palët nuk kishin tërhequr trupat nga kufiri. Ndërkohë, marrëdhëniet tregtare SHBA–Tajlandë dhe SHBA–Kamboxhia pritet të rifillojnë pas arritjes së marrëveshjes së armëpushimit.

Trump dhe administrata e tij janë vlerësuar nga të dy liderët si faktor vendimtar në ndaljen e konfliktit dhe ringritjen e dialogut mes fqinjëve të tensionuar.

The post Telefonata e Trump ndali luftën mes Tajlandës dhe Kamboxhias appeared first on Albeu.com.

Sipas Associated Press, Tajlanda është vendi i tretë në të gjithë Azinë që legalizon martesat e të njëjtit seks, së bashku me Tajvanin dhe Nepalin.

Projektligji për barazinë martesore, i cili u jep të drejta të plota ligjore, financiare dhe mjekësore partnerëve të çdo gjinie, kaloi Dhomën e Përfaqësuesve pak përpara përfundimit të seancës së mëparshme parlamentare në prill, me miratimin e 400 nga 415 anëtarët.

Megjithatë, nga sot, e martë, 18 qershor, projektligji është finalizuar, pasi 130 nga 152 anëtarët e pranishëm votuan pro, 4 votuan kundër dhe 18 abstenuan.

Projektligji tani ka nevojë për miratimin proforma të mbretit Maha Vajiralongkorn, i ndjekur nga botimi në Gazetën e Qeverisë, i cili do të caktojë një datë brenda 120 ditëve kur do të hyjë në fuqi.

The post Tajlanda legalizon martesat e të njëjtit seks appeared first on Albeu.com.