Mediat e huaja raportojnë se të paktën dy persona kanë humbur jetën dhe 115 të tjerë kanë mbetur të plagosur .

Kujtojmë se që nga dita e diel autoritetet japoneze kanë lëshuar një njoftim evakuimi, ndërsa deri më tani janë evakuuar të paktën 9 milionë njerëz në rajonet jugperëndimore të vendit dhe më shumë se 350,000 shtëpi janë pa energji elektrike.

The post Tajfuni “Nanmadol” goditi Japoninë, të paktën 2 viktima dhe 115 të plagosur appeared first on Albeu.com.

Tajfuni Nanmadol pritet të bjerë në tokë në ishullin Kyushu.

Erërat mund të arrijnë shpejtësinë 250 km/h (155 mph) dhe në disa zona mund të ketë 500 mm (20 inç) reshje në vetëm 24 orë.

Një “alarm special” është në fuqi për Kyushu, me paralajmërime për rrëshqitje dheu dhe përmbytje. Shërbimet e trenave dhe fluturimet janë anuluar.

Agjencia Meteorologjike e Japonisë tha se tajfuni do të sillte shira të rrëmbyeshëm, stuhi përgjatë bregut dhe erëra aq të fuqishme sa që ekzistonte rreziku që shtëpitë të mund të shembenin.

Tajfuni pritet të përfshijë pjesën tjetër të Japonisë në ditët në vijim.

Kyushu është më jugori nga katër ishujt që përbëjnë pjesën kryesore të Japonisë dhe ka një popullsi prej më shumë se 13 milionë njerëz.

Ky është alarmi i parë special i lëshuar ndonjëherë jashtë prefekturës Okinawa, e cila përbëhet nga ishujt më të vegjël dhe të largët në Detin e Kinës Lindore, raporton Japan Times.

Sapo tajfuni të arrijë në tokë, pritet të kthehet në veri-lindje dhe të lëvizë lart përmes Japonisë qendrore drejt Tokios.

Gjithashtu pritet të ruajë një pjesë të madhe të fuqisë së saj edhe pasi të bjerë në tokë./albeu.com

The post Tajfuni shkatërrimtar po i afrohet Japonisë, miliona banorë të jugut po evakuohen appeared first on Albeu.com.