tajani Archives - Albeu.com

Ministri italian Tajani viziton sot në Shqipërinë, në fokus marrëveshja për emigrantët

V K — Fri, 22 Dec 2023 07:46:30 +0000

Ditën e sotme, ministri i Jashtëm italian, Antonio Tajani, do të vizitojë Shqipërinë, ndërsa do të takohet edhe me kryeministrin Edi Rama.

Fokusi i kësaj vizite, është çështja e marrëveshjes mes dy vendeve për emigrantët.

Ministri i Jashtëm Italian, pritet të vizitojë gjithashtu edhe Shëngjinin.

Kujtojmë se Gjykata Kushtetuese në 13 dhjetor, mori në shqyrtim kërkesën e bërë nga 30 deputetë të grupit Bardhi-Berisha kundër marrëveshjes me Italinë për emigrantët afrikanë, duke sjellë automatikisht pezullimin e saj deri në një vendim përfundimtar të dhënë nga gjykata.

Seanca e parë, pritet të mbahet në 18 janar, 2024 ku palët do të paraqesin pretendimet e tyre dhe më pas brenda 3 muajve, Gjykata Kushtetuese duhet të marrë një vendim mbi marrëveshjen.

Kryemistrja italiane, Giorgia Meloni u shpreh se e respektonte vendimin e gjykatës dhe se do të priste deri në një vendim përfundimtar.

Sipas marrëveshjes porti i zbarkimit do të jetë Shëngjini, ndërsa Gjadri do të jetë kampi ku do të ndërtohet vendqëndrimi i tyre.

Kapaciteti maksimal pritës është 3 mijë shtretër.

The post Ministri italian Tajani viziton sot në Shqipërinë, në fokus marrëveshja për emigrantët appeared first on Albeu.com.

Rama në konferencë me Tajanin: Marrëveshja për njohjen e pensioneve pothuajse në përfundim

K Agaj — Wed, 27 Sep 2023 12:40:46 +0000

Kryeministri i Shqipërisë Edi Rama ka dal në një konferencë për shtyp paraditen e sotme në Itali, ku po zhvillon një takim zyrtar me qeveritarët e vendit fqinjë. Në konferencë Edi Rama është shoqëruar nga zv.Kryeministri dhe njëkohësisht Ministri Jashtëm italian Antonio Tajani.

Në fjalën e tij Kryeministri Edi Rama ka vendosur theksin në falenderimin ndaj qeverisë italiane për avokatin në arenë europiane dhe për marrëveshjen

“Midis Italisë dhe Shqipërisë. Ka qenë kënaqësi që të shkosh me një delagacion kaq të madh në Itali dhe mos të ketë nevojë për kufjen. Kjo do të thotë se gjuha italiane është gjuha e dytë e shqiptarëve. Ne kemi pothuajse të njëjtat qëndrime në të gjitha cështjet. Italia është avokati ynë më i madh në arenën evropiane dhe e ballkanit perëndimor. Kënaqem që kjo qeveri ka angazhime më të ngushta për ti bërë premtimet fakte konkrete në ekonomi dhe siguri. Nuk duhet të përsëris ato që tha zv kryeministri, dua vetëm tu them shqiptarëve të italisë që kontribojnë në Itali, marrëveshja për pensionet është pikë arritje dhe kemi fituar që kjo pik arritje nuk duhet të ketë një pikënisje tjetër. Të gjithë shqiptarët që punojnë në Itali ta falenderojnë këtë qeveri se do ta cojë këtë nismë shumë të rëndësishme përpara dhe kjo është një falenderim për njerëzit”, tha Rama.

The post Rama në konferencë me Tajanin: Marrëveshja për njohjen e pensioneve pothuajse në përfundim appeared first on Albeu.com.

Ministri i Jashtëm italian: Po punojmë për të përforcuar praninë e KFOR-it në kufirin Kosovë – Serbi

E B — Tue, 26 Sep 2023 05:07:13 +0000

Shefi i diplomacisë italiane Antonio Tajani paralajmëroi përforcimin e pranisë së trupave të NATO-s në kufirin Kosovë-Serbi, për të parandaluar përleshjet e mëtejshme, mes shqetësimeve për ripërtëritjen e dhunës në rajon.

Ai e bëri këtë paralajmërim në rrjetin X, i njohur deri vonë si Twitter, në të cilin tha se ka biseduar me presidentin (e Serbisë Aleksandar). Vuçiç dhe me kryeministrin (e Kosovës Albin) Kurti, duke u bërë thirrje për inkurajim të dialogut mes palëve.

“Në marrëveshje me (ministrin Italian të Mbrojtjes) Guido Crosetto ne punojmë për të forcuar praninë e KFOR-it në kufirin ndërmjet Serbisë dhe Kosovës dhe parandalimin e përleshjeve të mëtejshme”, thuhet në postim.

Paralajmërimi pasoi përleshjet e së dielës në fshatin Banjskë në veri të Kosovës, ku një grup personash të maskuar dhe me uniforma ushtarake sulmoi policinë e Kosovës duke vrarë një oficer dhe plagosur një tjetër.

Grupi më pas hyri me forcë në manastirin ortodoks në fshatin Banjskë duke vazhduar të qëllojë mbi policinë. Përleshja përfundoi kur shumica e sulmuesve u arratisën. Tre nga sulmuesit e armatosur mbetën të vrarë, ndërsa gjashtë veta u arrestuan.

Sulmi u cilësua si akt terrorist nga institucionet e Kosovës dhe diplomatët perëndimorë. Kryeministri Kurti tha se grupi i armatosur kishte mbështetjen e autoriteteve në Serbi, ndërsa presidenti serb Aleksandar Vuçiç, mohoi çfarëdo lidhjeje me grupin.

Të hënën i dërguari i evropian për bisedimet Kosovë-Serbi, Miroslav Lajçak dhe këshilltarët diplomatikë të udhëheqësve të Francës, Gjermanisë dhe Italisë, si dhe i dërguari i posaçëm amerikan për Ballkanin Perëndimor, Gabriel Escobar, diskutuan për situatën në Kosovë dhe bisedimet mes palëve.

“Këshillime të ngjeshura dhe shumë thelbësore me këshilltarët kryesorë diplomatikë (të Francës, Emmanuel) Bonne, (të Gjermanisë, Jens) Plotner, (të Italisë, Francesco) Talo dhe të dërguarin Escobar. Diskutuam për hapat e ardhshëm në zbatimin e Marrëveshjes drejt normalizimit dhe situatën në veri. Mirënjohës për mbështetjen e tyre”, shkroi zoti Lajçak.

Zyrtarë të BE-së thanë se ai është vënë në përpjekje për takime të reja në Prishtinë dhe Beograd në orvatje për ripërtëritjen e bisedimeve, raundi i fundit i të cilave që u mbajt më 14 shtator në Bruksel, nuk shënoi ndonjë përparim.

Sulmi i së dielës shënon një nga ngjarjet më të rënda në Kosovë që nga përfundimi i luftës së viteve 1998-1999 që mori fund me ndërhyrjen e NATO-s për t’u dhënë fund mizorive të forcave serbe në Kosovë.

Nëntë vjet pas përfundimit të luftës Kosova shpalli pavarësinë e saj me mbështetjen e Shteteve të Bashkuara dhe vendeve kryesore perëndimore, por kundërshtohet nga Serbia dhe aleatja e saj Rusia./voa

The post Ministri i Jashtëm italian: Po punojmë për të përforcuar praninë e KFOR-it në kufirin Kosovë – Serbi appeared first on Albeu.com.