Zëdhënësi i Shtëpisë së Bardhë për Siguri Kombëtare, John Kirby, u ka thënë gazetarëve ditë më parë se menaxhimi i konkurencës ekonomike mes dy shteteve do të jetë në fokus të bisedës.

Kjo do të jetë biseda e pestë telefonike mes dy liderëve dhe vjen në kohën kur Kina ka rritur paralajmërimet për administratën Biden rreth një vizite të mundshme të udhëheqëses së Dhomës së Përfaqësuesve, Nancy Pelosi, në Tajvan.

Këtë ishull që vetëqeveriset, Pekini e konsideron si territorin e saj.

“Gjithçka, nga tensionet për Tajvanin, për luftën në Ukrainë, si dhe për mënyrën si menaxhojmë konkurrencën mes dy shteteve, natyrisht në fushën e ekonomisë”, ka thënë Kirby kur ka folur për temat që do të diskutohen.

“Kjo thirrje është planifikuar që një kohë të gjatë dhe tashmë ekziston agjenda për gjërat që do të diskutohen”, ka thënë ai.

I pyetur për një bisedë të tillë, Ministria e Jashtme kineze, ka thënë se nuk ka informacione për të bërë publike.

Nëse vizita realizohet, Pelosi do të bëhet ligjvënësja me pozitën me të lartë në SHBA që viziton këtë ishull, pas paraardhësit të saj, Newt Gingrich, që ka vepruar njëjtë 25 vjet më parë.

Kina është zotuar se do të aneksojë Tajvanin edhe me forcë, nëse e nevojshme, dhe ka dërguar aeroplanë luftarakë afër hapësirës ajrore tajvaneze, si dhe ka mbajtur stërvitje ushtarake të bazuara në skenarë pushtimi.

Vizita e Pelosit “do të dëmtonte integritetin territorial dhe sovranitetin e Kinës, do të ndikonte në marrëdhëniet Kinë-SHBA dhe do të dërgonte mesazh të keq te forcat e pavarura tajvaneze”, ka thënë zëdhënësi i Ministrisë së Jashtme kineze, Zhao Lijiang më 19 korrik.

Raportet mes Kinës dhe Tajvanit

Pse Kina dhe Tajvani kanë marrëdhënie të tensionuara? Kina dhe Tajvani janë ndarë gjatë luftës civile më 1940, mirëpo Pekini insiston se ishulli do t’i kthehet dikur, qoftë edhe me forcë.

Si qeveriset Tajvani? Ky ishull ka kushtetutën e vet, liderët e zgjedhur në mënyrë demokratike, dhe rreth 300,000 trupa aktive ushtarake në mesin e forcave të armatosura.

Kush e njeh Tajvanin? Vetëm pak shtete. Shtetet e Bashkuara nuk kanë lidhje zyrtare me Tajvanin, mirëpo kanë një ligj që parasheh dërgimin e mjeteve që i duhen ishullit për ta mbrojtur veten./REL

The post Biden dhe Xi diskutime për tensionet rreth Tajvanit appeared first on Albeu.com.

Ishte Ministri i Jashtëm kinez ëang Yi i cili ka paralajmëruar SHBA-të e aleatët e saj të mos ndërhyjnë në çështjen e Tajvanit, pasi sipas tij atyre do u duhet të paguajnë një çmim të shtrenjtë për këtë gjë.

Nga ana tjetër ka qenë presidenti rus, Vladimir Putin i cili ka shprehur pakënaqësinë e tij në lidhje me mosmiratimin e vaksinave të prodhuara në vendin e tij.

Ai ka kërkuar njohjen reciproke të certifikatave të vaksinës antiCovid.

Gjithashtu janë diskutuar edhe një sërë çështjesh të tjera me rëndësi që prekin tematika të ndryshme për të gjithë botën.

Shëndeti, ekonomia, klima globale janë tre temat e mëdha me pritshmëri konkrete nga vendet më të fuqishme të botës të mbledhur në Romë në samitin dy ditor të grupit G20.

Gjithashtu në fjalën e tij Presidenti Francez Emmanuel Macron ka premtuar se brenda vitit 2020 Franca do të dhuroj 120 milionë doza vaksinë vendeve në nevojë e deri më sot ka shpërndarë 67 milionë në ndihmë të tyre.

“Solidaritet, transparencë e prodhim të përbashkët qe apeli i Francës ndaj vendeve partnere të grupit G20.

Presidenti amerikan Biden, në mënyrë të veçantë deklaroi se komuniteti ndërkombëtar, falë kësaj marrëveshje do të mund të mbështesë personat në mënyrë që të jenë kompanitë kontribuese në pagesën e kuotës së tyre.

Italia ka propozuar ngritjen e një Task Force globale për shëndetin e financës që do të favorizoj bashkëpunimin mes këtyre dy fushave./albeu.com/

The post “Dueli” në Samitin e G20! Kina “i tërheq veshin” SHBA-së, çfarë pretendon Putin appeared first on Albeu.com.