Sipas “Mundo Deportivo”, trajneri Tata Martino do të largohet nga drejtimi i skuadrës dhe Silvinjo është mes kandidatëve, për të drejtuar Leo Messi-n me shokë.

Favoritë për stolin e Inter Miami aktualisht janë Xavi Hernandez dhe Javier Mascherano, por edhe tekniku aktual i Kombëtares shqiptare.

Emrat e lidhur me skuadrën e MLS, janë kryesisht ish-lojtarë të Barcelonës, kjo edhe për shkak se pjesë e ekipit, janë futbollistë që kanë kaluar te katalanasit, si Leo Messi, Jordi Alba, Luis Suarez dhe Sergi Busquets.

Kujtojmë se Silvinjo rinovoi me Federatën Shqiptare të Futbollit në verë, me kontratën aktuale që është e vlefshme deri në muajin Dhjetor të vitit 2025.

The post Silvinjo, mes kandidatëve për stolin e Inter Miami appeared first on Albeu.com.

Disa prej lojtarëve kanë mbërritur në Tiranë, ndërsa grupit pritet të jetë i plotë ditën e martë.

Në seancën e zhvilluar sot në stadiumin “Air Albania” morën pjesë Ylber Ramadani, Myrto Uzuni, Ivan Balliu, Kristjan Asllani, Ardian Ismajli, Arbër Hoxha, Mario Mitaj, Alen Sherri, Simon Simoni, Elseid Hysaj, Andi Hadroj, Thomas Strakosha dhe Feta Fetai.

Me grupin kuqezi u bashkuan dhe një pjesë të mirë të lojtarëve të Kombëtares U-21, që janë grumbulluar në kuadër të dy ndeshjeve miqësore me Moldavinë që luhen në Shqipëri në datat 15 dhe 18 nëntor.

Departamenti i Komunikimit në FSHF bën me dije se Berat Gjimshiti, Keidi Bare dhe Marash Kumbulla nuk do të jenë pjesë e grupit për dy ndeshjet e nëntorit.

Gjimshiti u dëmtua në ndeshjen e fundit në kampionat ndaj Udinese-s, ndërsa Bare dhe Kumbulla ishin të dëmtuar dhe pas komunikimit të stafit mjekësor të Kombëtares me klubet përkatëse është vendosur që futbollistët të vazhdojnë rikuperimin.

Sakaq, Rey Manaj ka mbërritur sot në grumbullim dhe i është nënshtruar menjëherë testeve mjekësore.

Pas shqyrtimit nga ana e stafi mjekësor u konkludua se sulmuesi nuk mund të rikuperohet në kohë dhe u vendos që Manaj të rikthehet në klubin e tij për të vijuar me programin e rekuperimit.

Për shkak të këtyre katër mungesave trajneri Silvinjo ka vendosur të grumbullojë për dy ndeshjet e nëntorit Adrian Bajramin, Jon Mersinajn dhe Arbnor Mujën. Lojtarët pritet të bashkohen me kuqezinjtë gjatë të martës për të nisur stërvitjen.

The post Ndryshime drastike në listën e Kombëtares, Gjimshiti, Bare, Manaj dhe Kumbulla të dëmtuar appeared first on Albeu.com.

Në Spanjë, “Diario AS” i kushton një artikull teknikut brazilian. “Sylvinho godet me Shqipërinë”, shkruan në titull Shefi i sektorit ndërkombëtar të kësaj gazetë, Pablo Fuentenebro!

Në artikull përmend pothuajse gjithçka, që nga ndryshimet e shumta, ndihmën që po jepet edhe nga stafi, deri te mundësitë për t’u kualifikuar në një Kampionat Botëror.

“Shqipëria është gati të shkruajë histori dhe për këtë ka merita trajneri brazilian Sylvinho. Në vetëm gjashtë ndeshje, ai ka ndryshuar fytyrën e skuadrës shqiptare dhe ëndrra për të shkuar në Euro 2024 në Gjermani është një hap larg. Trajneri brazilian ka një mundësi për ta rikthyer Shqipërinë në një Europian, që do të ishte pjesëmarrja e dytë e saj pas Kampionatit Evropian 2016. Një arritje historike për vendin ballkanik. Një moment historik vendimtar për Shqipërinë, e cila nuk ka luajtur kurrë në një Botëror dhe me vendin e saj pothuajse të mbyllur në Euro, ëndërron të jetë në një Kampionat Botëror” , shkruhet në artikull.

The post Emri i Sylvinhos jehonë në Spanjë, Shqipëria me trajnerin brazilian ëndërron shumë appeared first on Albeu.com.