Lista e Kombëtares do të ketë ndryshime të detyruara, për shkak se mund të përmendim rastin e Marash Kumbullës që është i dëmtuar. Grumbullimi do të nisë ndërkohë zyrtarisht të hënën.

Njoftimi i FSHF-së:

“Kombëtarja shqiptare do të rikthehet në aksion për ndeshjen e radhës kualifikuese të Kupës së Botës 2026 ndaj Serbisë dhe për sfidën miqësore ndaj Jordanisë.

Grumbullimi zyrtar do të nisë ditën e hënë, më 6 tetor, ndërsa shpallja e listës së lojtarëve të grumbulluar nga trajneri Sylvinho është programuar këtë të premte, më 3 tetor. Në të njëjtën ditë, në orën 11:00, do të mbahet edhe konferenca për shtyp e trajnerit në ambientet e “Shtëpisë së Futbollit”.

Seanca e parë stërvitore e Kombëtares do të zhvillohet më 6 tetor.

Ndeshja Serbi – Shqipëri do të luhet më 11 tetor, në stadiumin “Gradski stadion Dubočica” në Leskovac, në orën 20:45.

Ndërsa miqësorja Shqipëri – Jordani do të zhvillohet më 14 tetor, në stadiumin “Air Albania”, në orën 19:00.

Ashtu siç është bërë e ditur, sipas marrëveshjes së arritur para nisjes së edicionit kualifikues, nuk do të ketë tifozë shqiptarë në Leskovac, ashtu siç nuk kishte tifozë serbë në Tiranë”.

The post Ndryshime në listën e Kombëtares, Silvinjo zbulon zgjedhjet. Zyrtarizohet axhenda para sfidës me Serbinë appeared first on Albeu.com.

Në trasfertën në Londër, për debutimin në edicionin e ri kundër Anglisë, çdo lëvizje e futbollistëve do të bëhet me lejen e stafit teknik. Gjatë akomodimit në një prej hoteleve pranë stadiumit “Wembley”, lojtarët nuk do të mund të konsumojnë as kafe me familjarët apo miqtë e tyre në holl.

Ajo që ka ndodhur shpesh në të kaluarën, tashmë do të jetë kategorikisht e ndaluar. Gjithashtu futbollistët e Kombëtares duhet të qëndrojnë në dhomë për të pushuar, teksa nuk lejohet dalja pas orës 22:00 të mbrëmjes. Nëse dikush nga kuqezinjtë kërkon të kalojë pak nga koha e lirë në pishinë dhe SPA, apo për të bërë një ecje në ajër të pastër, atëherë duhet të marrë leje te përgatitësi atletik.

Këto rregulla hasen rëndom nëpër klube pjesa më e madhe e futbollistëve i njohin, duke qenë se aktivizohen në kampionatet e mëdha europiane. Megjithatë, rregullorja strikte në Kombëtare tregon seriozitetin metë cilin po përgatitet ndeshja e 21 marsit me Anglinë, por edhe i gjithë edicioni kualifikues.

The post Sylvinho vendos rregulla strikte në kombëtare appeared first on Albeu.com.

Nga lista e bërë publike ra në sy mungesa e Mirlind Daku-t, trajneri Sylvinho tha në konferncën e sotme për shtyp se sulmuesi kuqezi që luan në Rusi te Rubin Kazan nuk është thirrur për shkak dëmtimi.

Reagimi i Sylvinho-s siç duket nuk ka mjaftuar dhe në rrjetet sociale pati një lum komentesh dhe kritikash ndaj trajnerit brazilian, pse e la jashtë Daku-n, duke dyshuar se ai është vërtet i dëmtuar.

Në një prononcim të shkurtër për GazetaBlic Sport në Kosovë, Mirlind Daku ka pohuar që është lënë jashtë për shkak dëmtimi. “Në konsultim me doktorin dhe Sylvinho-n, kemi vendos që unë të pushoj dhe të rikuperohem plotësisht”, ka thënë Daku.

The post Mirlind Daku tregon pse nuk u ftua nga Sylvinho për ndeshjet eliminatore appeared first on Albeu.com.