Komisioni Qendror i Zgjedhjeve po pret vendimet e Gjykatës Supreme në lidhje me ankesat që janë dorëzuar ndaj rezultateve të shpallura më 27 qershor, bëri të ditur zëdhënësi i KQZ-së, Valmir Elezi.

Siç sqaroi Elezi, në rast se këto vendime nuk parashehin obligime për KQZ-në, atëherë mund të vazhdohet me certifikimin e rezultateve. Ai theksoi se, nëse vendimet përmbajnë obligime për KQZ-në, fillimisht do të zbatohet ajo që kërkohet dhe vetëm më pas do të procedohet me certifikimin e rezultateve.

KQZ, më 27.06.2026, ka publikuar rezultatet përfundimtare të zgjedhjeve parlamentare që janë mbajtur më 7 qershor.

Sipas këtyre rezultateve, Lëvizja Vetëvendosje është renditur si partia e parë me 47.13 % të votave. Partia Demokratike e Kosovës ka marrë 19.44 % të votave, ndërsa Lidhja Demokratike e Kosovës ka fituar 16.69 % të votave.

Aleanca për Ardhmërinë e Kosovës ka siguruar 6.74 % të votave dhe shtatë mandate, ndërsa Lista Serbe ka marrë 5.40 % të votave.

The post Elezi: KQZ-ja në pritje të vendimeve të Gjykatës Supreme për certifikimin e rezultateve appeared first on Albeu.com.