Telomerët shkurtohen natyrshëm me kalimin e moshës, çka shoqërohet me rritjen e rrezikut për sëmundje të lidhura me moshën dhe vdekshmëri të parakohshme.

Sipas studimit të botuar në The American Journal of Clinical Nutrition, vitamina D ndihmon në ngadalësimin e këtij shkurtimi, veçanërisht te leukocitet (qelizat e bardha të gjakut).

Çfarë tregoi studimi?

Studimi përfshiu të rritur amerikanë mbi 50 vjeç. Pjesëmarrësit morën suplemente me vitaminë D3, acide yndyrore omega-3, të dyja, ose placebo, për një periudhë prej pesë vitesh.

Rezultatet treguan se:

▪ Grupi që mori vitaminë D pati një shkurtim minimal të telomerëve pas 2 dhe 4 vitesh.
▪ Grupi placebo pësoi një shkurtim të konsiderueshëm të telomerëve.
▪ Omega-3 nuk pati efekt të dukshëm në telomerë.
▪ Efekti pozitiv i vitaminës D ishte më i dukshëm te pjesëmarrësit që nuk merrnin ilaçe për kolesterol dhe tek ata që nuk ishin obezë.

Çfarë nënkuptojnë këto rezultate?

Ruajtja e gjatësisë së telomerëve mund të përkthehet në një ngadalësim të procesit të plakjes biologjike me rreth 3 vjet.

Dr. Yoshua Quinones theksoi se kjo përforcon rolin e vitaminës D jo vetëm në shëndetin e kockave dhe imunitet, por edhe në parandalimin e plakjes qelizore, shkruan MedicalNewsToday.

Kufizime të studimit

▪ Studimi ishte një analizë sekondare dhe nuk ishte fillimisht projektuar për të matur efektet mbi telomerët.
▪ Mostra ishte kryesisht me pjesëmarrës të bardhë mbi moshën 50 vjeç.
▪ 37% e të dhënave mungonin pas 4 vitesh.
▪ Efekti u vëzhgua vetëm në qelizat e bardha të gjakut dhe nuk u analizuan pasojat e drejtpërdrejta klinike.

Dr. David Cutler paralajmëron se benefitet e mundshme të vitaminës D duhen peshuar kundrejt rreziqeve të saj. Marrja e tepërt mund të çojë në dëmtime të veshkave dhe toksicitet, për shkak se është një vitaminë që grumbullohet në trup.

Si përfundim, ky studim shton prova në favor të rolit mbrojtës të vitaminës D kundër plakjes dhe hap rrugën për kërkime të mëtejshme mbi ndikimin e saj në shëndetin qelizor.

Megjithatë, përpara se të përfshihet në udhëzimet zyrtare, nevojiten më shumë studime me popullata më të gjera dhe të larmishme, citon Anabel.

Kujdes: Përpara fillimit të çdo suplementi, konsultohuni me mjekun – sidomos nëse merrni medikamente ose keni sëmundje kronike.

The post Plakeni më ngadalë? Këto suplemente kanë një efekt befasues appeared first on Albeu.com.

Është një alkool natyral i sheqerit që gjendet në sasi të vogla në shumë fruta dhe perime, me më pak kalori. Megjithatë, hulumtimi i ri nga Klinika Cleveland, i botuar në Gazetën Evropiane të Zemrës, sugjeron se konsumimi i niveleve të larta të ksilitolit mund të çojë në formimin e mpiksjes së gjakut, duke rritur rrezikun e ngjarjeve serioze kardiovaskulare si sulmi në zemër dhe goditje në tru.

Udhëhequr nga Dr. Stanley Hazen, ekipi hulumtues i Cleveland Clinic analizoi të dhënat nga më shumë se 3000 pacientë në SHBA dhe Evropë. Ai zbuloi se njerëzit me nivelet më të larta të ksilitolit në gjakun e tyre kishin një rrezik 33% më të madh për të pasur një atak në zemër brenda tre viteve në krahasim me ata me nivelet më të ulëta.

Për të konfirmuar këto gjetje, studiuesit kryen teste laboratorike që treguan se ksilitoli shkakton një reagim më të madh të trombociteve, qelizave të gjakut përgjegjëse për mpiksjen. Ky aktivitet i rritur i trombociteve mund të çojë në formimin e mpiksjes së gjakut, duke rritur rrezikun e sulmit në zemër dhe goditjes në tru. Në një provë klinike të mëvonshme, pjesëmarrësit që konsumuan një pije të ëmbëlsuar me ksilitol përjetuan një rritje të menjëhershme të reaktivitetit të trombociteve në krahasim me ata që pinin një pije të ëmbëlsuar me glukozë.

“Ky studim tregon sërish nevojën urgjente për të hetuar alkoolet e sheqerit dhe ëmbëltuesit artificialë, veçanërisht pasi ato vazhdojnë të rekomandohen për të luftuar sëmundje të tilla si obeziteti apo diabeti ”, tha Dr. Hazen. “Kjo nuk do të thotë që ju duhet të hidhni pastën tuaj të dhëmbëve nëse përmban ksilitol, por duhet të jemi të vetëdijshëm se konsumimi i një produkti që përmban nivele të larta mund të rrisë rrezikun e ngjarjeve të lidhura me mpiksjen e gjakut”, sqaron ai.

Ndërsa ky studim ofron informacion të rëndësishëm në lidhje me rreziqet e mundshme të zemrës që lidhen me konsumimin e ksilitolit, është e rëndësishme të theksohet se hulumtimi demonstron një lidhje, jo një marrëdhënie të drejtpërdrejtë shkak-pasojë. Prandaj, do të nevojiten më shumë studime për të vlerësuar sigurinë afatgjatë të ksilitolit.

The post Gjendet në ushqimet që hamë, ky suplement po bën kërdinë me mpiksjen e gjakut appeared first on Albeu.com.

Nutricionisjta shtoi se nuk duhet abuzuar gjithashtu dhe me suplementet pasi mund të dëmtojnë veshkat. “Zakonisht një person që merret me aktivitet fizik ka nevojë për suplemente shtesë, proteinike dhe në formën e mineraleve dhe vitaminave. Është një formë energjie e përdorshme për muskujt dhe personat që duan të rrisin masën muskulare për një kohë të shkurtër përdorin keratinën në sasi të ekzagjeruara.

Nëse merret më shumë se 3 muaj shikojmë një prishje të funksionit të veshkës. Suplementet janë të domosdoshme sepse gjatë rritjes së metabolizmit shtohen radikalet e lira. Për t’i hequr marrim antioksidantë si zinku, vitamina D etj por duhen të jenë në sasi të monitorueshme. Nuk mund të marrin suplemente pa bërë një check up. Sot mendohet se ata që merren me aktivitet fizik duhet të dominohet nga karbohidratet.

Si para dhe pas stërvitjes, vakti ushqimor duhet të dominohet nga karbohidratet. Për një person që është 60 kg, i duhen përafërsisht 50-60 gr protein në ditë. Për një profesionist duhet të jetë 1.2 gr në ditë që i merr nga vaktet ushqimore. Nuk këshillohen asnjëherë periudha e gjata fasting tek ata që merren me aktivitet fizik.

Nuk mund të rrijë më shumë se 4-5 orë pa konsumuar diçka sepse ka një metabolizëm të shpejtë dhe kryen në mënyrë intensivet ë gjitha reaksionet dhe do karburant në mënyrë të vazhdueshme.”, tha Daka. Dr. Albana thotë se gjatë stërvitjes humbi një sërë elementësh për shkak të djersitjes dhe për t’i “rimbursuar” duhet të merrni ujë me minerale të shtuara.

“Kalciumi është i nevojshëm sepse gjatë aktiviteti fizik kemi dalje të lëngjeve në djersë dhe përveç ujit nxjerrim dhe elementë të tillë si kalciumi, natriumi, klori dhe magneziumi. Prandaj duhet të përdorim ujë me minerale të shtuar sepse sasia e mineraleve që humbim me djersitjen është e konsiderueshme. Te futbollistët mund të hedhim kripë dhe lëng molle për të rritur elektrolitet sepse humbja e ujit dhe dehidrimi i organizmit çakërdon metabolizmin.“, thotë ajo.

The post As më pak e as më shumë, mjekja e njohur: Kjo kategori duhet të konsumojë 60 gramë në ditë nga ky suplement appeared first on Albeu.com.