Superliga Evropes Archives - Albeu.com

Laporta i nxjerr zbuluar: Liverpooli dhe Manchester United e themeluan Superligën e Evropës

E S — Sun, 20 Jun 2021 20:09:43 +0000

Presidenti i Barcelonës, Joan Laporta ka konfirmuar në Asamble se nuk do të ketë asnjë votim për pjesëmarrjen e klubit në Super League sepse kjo garë nuk ekziston sot, por beson se ky projekt është ende gjallë.

Ai është ankuar në vendimin e klubeve angleze për tu tërhequr nga projekti, ngase sipas tij janë vetë ato që e kanë nisur.

“Liverpooli dhe Manchester United janë themeluesit e vërtetë të Superligës. Klubet që kanë mbetur pjesë e këtij projekti, kanë dështuar që të arrijnë një marrëveshje me UEFA-n për tu larguar nga Superliga” deklaroi Laporta.

The post Laporta i nxjerr zbuluar: Liverpooli dhe Manchester United e themeluan Superligën e Evropës appeared first on Albeu.com.

Dy klubet e Premierligë po humbin durimin, po mendojnë largimin nga Superliga e Evropës

E S — Tue, 20 Apr 2021 08:26:03 +0000

Dy klube angleze kanë nisur të humbin durimin dhe të ndryshojnë planet e formimit të Superligës së re Evropiane.

Manchester United, City, Liverpool, Chelsea, Arsenal dhe Tottenham kanë njoftuar se do t’i bashkohen kësaj gare, por tani disa klube kanë ndryshimet e tyre.

Sipas Daily Mail, dy klube të Premierligës kanë nisur të humbin durimin dhe ndoshta do largohen nga Superliga.

Trajneri i Liverpoolit, Jurgen Klopp nuk dukej i lumtur me këtë Superligë, derisa i Chelseas, Thomas Tuchel tha se e mbështet klubin londinez.

Mbetet të shihet nëse vërtetë do largohen dy klubet angleze që ndoshta do dërgonte deri te rënia e Superligës Evropiane.

Sidoqoftë, Florentino Perez dje ka konfirmuar që klubet që marrin pjesë nuk kanë mundësi të largohen.

The post Dy klubet e Premierligë po humbin durimin, po mendojnë largimin nga Superliga e Evropës appeared first on Albeu.com.

Superliga e Evropës, Beckham: Loja që ne e duam është në rrezik

E S — Tue, 20 Apr 2021 07:39:03 +0000

David Beckham është legjenda e radhës që ka dalë kundër themelimit të Superligës së Europës.

Të dielën në mbrëmje, 12 klube (Chelsea, Manchester City, Manchester United, Liverpool, Arsenal, Tottenham, Real Madrid, Barcelona, Ateltico Madrid, Inter, Juventus, Milan), janë larguar përfundimisht nga Champions League dhe kanë krijuar ‘European Super League’.

Shumë yje dhe njerëz të futbollit kanë dalë kundër themelimit të Superligës Europiane, ashtu edhe ish-lojtari i Real Madridit e Manchester Unitedit, Beckham.

Ai thotë se futbolli që ne e duam është në një rrezik të madh!

“Unë jam dikush që e dua futbollin. Ishte jeta ime, prej se mbaj në mend. E dua që kur isha një fëmijë. Unë jam tifoz edhe tani. Si ish-futbollist edhe tani si pronar, unë e di që pa tifozë, futbolli s’është asgjë. Ne duam që futbolli të jetë për të gjithë. Ne duam që futbolli të jetë korrekt dhe na duhen kompeticione që bazohen në merita. Nëse nuk i mbrojmë këto vlera, loja që ne duam është në rrezik”, ka shkruar Beckham në rrjetet sociale.

David Beckham speaks out against the Super League ✊ pic.twitter.com/9VYHJdR059

— utdreport (@utdreport) April 19, 2021

The post Superliga e Evropës, Beckham: Loja që ne e duam është në rrezik appeared first on Albeu.com.