Mirlind Daku u përball me një situatë të rëndë vetëm pak ditë pasi vendosi ta vijonte karrierën te Spartak Moska.

Futbollisti i Kombëtares së Shqipërisë ndoqi nga stadiumi ndeshjen e Kupës së Rusisë ndërmjet klubit të tij të ri dhe Orenburgut, ndërsa ngjarjet në tribuna tërhoqën vëmendje po aq sa ato në fushë.

Një pjesë e madhe e mbështetësve të Spartak Moskës shpalosën pankarta dhe lëshuan brohoritje me përmbajtje politike e fyese kundër Kosovës dhe shqiptarëve.

Në pamjet e publikuara nga mediumi rus Bombardir dëgjohen qartë thirrjet “Kosova – Serbia”. Në tribunë u shfaq gjithashtu një flamur gjigant ku shkruhej “Kosova është Serbi”.

Sipas raportimit të mediumit rus Inkazan, gjatë takimit pati edhe brohoritje me frazën “Rusët dhe serbët janë vëllezër përgjithmonë”, krahas thirrjeve fyese ndaj shqiptarëve.

Spartaku vlerësohet si një prej klubeve më të mëdha ruse dhe Daku pritet të sigurojë një kontratë shumë të majme financiarisht. Megjithatë, episodi i parë që e përfshiu në mjedisin e ri riktheu vëmendjen te qëndrimi që një pjesë e tifozëve të klubit mban ndaj Kosovës.

The post Tifozët e Spartak Moskës provokojnë Mirlind Dakun me thirrjet “Kosova është Serbi appeared first on Albeu.com.

Ndonëse ende nuk ka një njoftim zyrtar, mundësia që Mirlind Daku të transferohet te Spartak Moska ka nxitur reagime të shumta në Rusi.

“Crazy North”, grupimi i tifozëve të Spartakut, ka dalë kundër transferimit të sulmuesit shqiptar nga Rubin Kazani. Më herët, ky grup publikoi edhe një deklaratë që përmbante fyerje ndaj shqiptarëve dhe kosovarëve.

Qëndrimin e tifozëve e ka kundërshtuar ish-futbollisti i Spartakut, Andrei Tikhonov. Ai ka kërkuar që politika të mos përzihet me futbollin dhe që klubi t’u kushtojë vëmendje nevojave sportive të skuadrës.

Sipas Tikhonovit, Spartakut i duhet aktualisht një sulmues, ndaj transferimi i Dakut do të përbënte një përforcim të rëndësishëm.

Në një kanal në YouTube, Tikhonov deklaroi se Spartaku ka nevojë për një sulmues dhe se Daku do të paguhet nga klubi. Ai e cilësoi bashkimin me një skuadër që luan mirë si një bekim për futbollistin, duke nënvizuar se bëhet fjalë për futboll.

Daku është afër kalimit te një nga klubet më të mëdha ruse. Sipas raportimeve të mediave në Rusi, Spartak Moska dhe sulmuesi kanë gjetur gjuhën e përbashkët për kushtet personale, ndërsa zyrtarizimi pritet të ndodhë së shpejti.

Futbollisti 28-vjeçar pritet të largohet nga Rubin Kazani pas një etape të suksesshme. Ai ka realizuar 38 gola në 93 paraqitje, shifra që e kanë renditur mes sulmuesve më produktivë të kampionatit rus.

Edhe pse një pjesë e tifozëve e kundërshton afrimin e tij, Daku konsiderohet tashmë një objektiv konkret i Spartakut. Klubi pritet të vendosë nëse do ta çojë përpara transferimin.

The post Andrei Tikhonov mbron Mirlind Dakun pas kundërshtimeve të tifozëve të Spartak Moskës appeared first on Albeu.com.

Oferta e majme financiare duket se ka luajtur rol vendimtar në zgjedhjen e Mirlind Dakut për ta vijuar karrierën në kampionatin rus.

Futbollisti kosovar është shumë pranë largimit nga Rubin Kazani për t’iu bashkuar Spartak Moskës, transferim nga i cili pritet të sigurojë të ardhura të konsiderueshme në vitet e ardhshme.

Sports.ru, duke iu referuar raportimeve të mediave ruse, shkruan se Daku do të fitojë afërsisht 3.75 milionë euro për sezon. Paga e tij fikse do të jetë 2.5 milionë euro, kurse 1.25 milionë euro të tjera do t’i jepen çdo vit si shpërblim për besnikërinë ndaj klubit.

Vetëm për hedhjen e firmës në kontratën me Spartakun, sulmuesi 27-vjeçar do të marrë gjithashtu një bonus prej 1.5 milionë eurosh.

Palët pritet të nënshkruajnë një marrëveshje trevjeçare, e cila do të përmbajë mundësinë e zgjatjes edhe për një sezon. Në rast se kontrata përmbushet deri në përfundim, përfitimet e Dakut mund të arrijnë në 16.5 milionë euro, duke e kthyer këtë lëvizje në një nga marrëveshjet më fitimprurëse të karrierës së tij.

Për ta realizuar transferimin, Spartak Moska pritet të paguajë klauzolën e lirimit prej 11 milionë eurosh që sulmuesi ka në marrëveshjen e tij me Rubin Kazanin.

Daku bënte pjesë ndër lojtarët me pagën më të lartë edhe te Rubini, por kalimi në radhët e Spartakut do t’i sjellë përfitime financiare edhe më të mëdha.

Sidoqoftë, afrimi i sulmuesit kosovar ka shkaktuar pakënaqësi te një grup tifozësh të Spartak Moskës, të cilët e kanë kundërshtuar publikisht transferimin e tij.

The post Milionat e Spartakut, faktori kryesor që e bindi Dakun të qëndrojë në Rusi appeared first on Albeu.com.

Mirlind Daku pritet të jetë një nga emrat më të përfolur të merkatos verore në futbollin rus.

Mediat në Rusi raportojnë se CSKA Moska është e gatshme të aktivizojë klauzolën e lirimit të sulmuesit të Rubin Kazanit, duke paguar 10 milionë euro për transferimin e tij gjatë këtij afati kalimtar.

Pavarësisht interesimit konkret, palët nuk e kanë mbyllur ende marrëveshjen. Dy klubet nuk kanë gjetur një akord për transferimin, ndërsa Daku dhe CSKA-ja nuk janë pajtuar as për kushtet personale.

Përfaqësuesit e futbollistit të Kombëtares së Shqipërisë kanë bërë të ditur se CSKA Moska nuk është skuadra e vetme që po e kërkon atë.

“Ka disa ekipe të interesuara për Dakun, por në fillim të sezonit ai është i përqendruar te Rubini. Do të shohim se çfarë do të sjellë afati kalimtar i transferimeve”, ka deklaruar agjencia e sulmuesit.

Për ta bindur 28-vjeçarin që të kalojë në kryeqytetin rus, CSKA Moska raportohet se ka përgatitur një pagë prej 3 milionë eurosh në sezon.

Te Rubin Kazani, Daku është kthyer në një prej futbollistëve më me peshë dhe vlerësohet si sulmuesi kryesor i ekipit.

Reprezentuesi shqiptar iu bashkua klubit rus në verën e vitit 2023, pas transferimit nga Osijeku për 1.2 milionë euro. Kontrata e tij me Rubin Kazanin është e vlefshme deri në verën e vitit 2029.

The post CSKA Moska synon Mirlind Dakun, oferta mund të arrijë në 10 milionë euro appeared first on Albeu.com.