Gjergji Kote do ta vazhdojë karrierën te Drenica. Mesfushori 21-vjeçar ka lënë Partizanin për t’iu bashkuar skuadrës kuqezi në Superligën e Kosovës.

Kalimi i Kotes nuk është përfundimtar, pasi ai do të luajë për ekipin e ri në formë huazimi. Marrëveshja do të qëndrojë në fuqi deri në mbyllje të sezonit 2026/2027, pra deri në verën e ardhshme.

Futbollisti 21-vjeçar i hodhi hapat e parë të karrierës te Skënderbeu, ndërsa më pas u aktivizua edhe me Internacional Tiranën dhe Mladostin në Kroaci. Kote nuk bënte pjesë në planet e trajnerit të Partizanit, Florin Bratu, ndaj u detyrua të largohej.

The post Gjergji Kote ndahet papritur me Partizanin, huazohet te Drenica appeared first on Albeu.com.

Skuadra e Drenicës ka zyrtarizuar afrimin e Donat Mehmetit, një talent premtues 20-vjeçar. Futbollisti ka vendosur të lërë Tiranën për t’iu përkushtuar një sfide të re me fanellën kuqezi në elitën e futbollit kosovar.

Kjo lëvizje cilësohet si një hap i papritur për shumëkënd, ndërsa për lojtarin shënon një rikthim në vendlindje. Ai hodhi hapat e parë te grupmoshat e Llapit, përpara se të kalonte në Shqipëri te Besa e Kavajës. Më vonë, karriera e tij vazhdoi sërish në Kosovë, me fanellat e 2 Korrikut dhe Prishtinës, përpara transferimit te bardheblutë e kryeqytetit shqiptar.

I lindur në Podujevë, Mehmeti ka nënshkruar një marrëveshje njëvjeçare me klubin e tij të ri, e cila e lidh atë me Drenicën deri në përfundim të sezonit veror 2027. Sipas të dhënave nga platforma “Transfermarkt”, vlera aktualizuar e kartonit të tij qëndron në 125 mijë euro.

The post Donat Mehmeti rikthehet në Kosovë, sulmuesi nënshkruan me Drenicën pas largimit nga Tirana appeared first on Albeu.com.

Bleart Tolaj është shndërruar në qendrën e një situate të pazakontë mes Ballkanit dhe Gjilanit. Dy klubet e Superligës së Kosovës e bënë publik zyrtarizimin e anësorit pothuajse në të njëjtën kohë.

Klubi i Ballkanit njoftoi se 26-vjeçari nga Deçani ka rinovuar kontratën me skuadrën e Suharekës edhe për 2 vite të tjera. Ndërkohë, në të njëjtin interval kohor, edhe Gjilani publikoi në rrjetet sociale prezantimin e Bleart Tolajt.

Për momentin, nuk ka ende një qartësi të plotë nëse futbollisti ka zgjatur marrëveshjen me Ballkanin apo ka kaluar te Gjilani. Një episod i tillë mbetet i pazakontë dhe vështirë se kujtohet të ketë ndodhur më parë nga një klub shqiptar.

Sa i përket paraqitjeve në fushë, Tolaj njihet si një lojtar shumë i dobishëm në repartin ofensiv, jo vetëm për finalizimin e aksioneve, por edhe për asistet. Sipas “Transfermarkt”, vlera e tij është 600 mijë euro. Sulmuesi ka fituar edhe titullin kampion në Superligën e Kosovës me Ballkanin, në periudhën kur në stol ishte Ilir Daja.

The post Bleart Tolaj krijon konfuzion mes Ballkanit dhe Gjilanit, anësori zyrtarizohet në të njëjtën kohë nga dy rivalë appeared first on Albeu.com.

Anteo Osmanllari nuk do të vijojë më te Drenica. Mbrojtësi 27-vjeçar dhe klubi i Superligës së Kosovës kanë vendosur me marrëveshje të përbashkët të mbyllin bashkëpunimin, pas vetëm një sezoni.

Osmanllari iu bashkua Drenicës në gusht të vitit 2025, menjëherë pasi u largua nga Partizani. Gjatë karrierës së tij, ai ka qenë gjithashtu pjesë e Erzenit, Turbinës, Pogradecit, Skënderbeut, Burrelit dhe Korabit.

Njoftimi i Osmanllarit:

Pas një viti të vështirë, por edhe të paharrueshëm me Drenicën, ka ardhur koha që bashkëpunimi ynë të përfundojë. Dua të shpreh mirënjohjen time për klubin, drejtuesit, stafin, bashkëlojtarët dhe të gjithë qytetin për respektin dhe mbështetjen që më kanë dhënë gjatë kësaj kohe.

Një falënderim të veçantë kam për tifozët e mrekullueshëm, që kanë qenë gjithmonë pranë skuadrës në çdo çast. Dashuria dhe përkrahja juaj do të mbeten përgjithmonë në kujtesën time. Faleminderit, KF Drenica!

The post Ish-i Partizanit ndahet me Drenicën, 27-vjeçari zyrtarizon largimin appeared first on Albeu.com.