The post Sekuestrohet superjahti rus, do të shitet në ankand në Gjibraltar (VIDEO) appeared first on Albeu.com.

Grupi i punës KleptoCapture në Departamentin amerikan të Drejtësisë është përqëndruar në sekuestrimin e jahteve dhe pasurive të tjera luksoze të oligarkëve rusë në një përpjekje për të ushtruar presion ndaj Presidentit rus Vladimir Putin për luftën në Ukrainë.

Jahti Amadea, 106 metra i gjatë, mbërriti në Fixhi më 13 prill pas një udhëtimi 18-ditor nga Meksika. Ai u sekuestrua nga autoritetet e Fixhit pasi Gjykata e Lartë e vendit miratoi një fletëporosi të Shteteve të Bashkuara muajin e kaluar që lidhte jahtin me oligarkun rus të sanksionuar Suleiman Kerimov.

FBI-ja ka thënë se anija luksoze prej 300 milionë dollarësh kishte kosto funksionimi prej 25 deri në 30 milionë dollarë në vit dhe Shtetet e Bashkuara do të paguanin për mirëmbajtjen e anijes pasi të kapej.

Sidoqoftë, qeveria e Fixhit e ka përballuar faturën ndërsa një apel nga pronari i regjistruar i anijes, kompania Millemarin Investments, po shqyrtohet në gjykatat e Fixhit.

Gjykata e Lartë vendosi të martën se interesi publik kërkon që jahti “të lundrojë jashtë ujërave të Fixhit”, sepse sipas vendimit, ankorimi i tij në Fixhi po “i kushtonte shtrenjtë qeverisë së Fixhit”.

Anija “lundroi në ujërat e Fixhit pa asnjë leje dhe me shumë mundësi për t’iu shmangur ndjekjes penale nga Shtetet e Bashkuara”, shtoi gjykata.

Shtetet e Bashkuara pretendojnë se zoti Kerimov është pronari i jahtit Amadea, megjithëse avokatët e anijes e kanë mohuar këtë dhe i thanë gjykatës se ishte në pronësi të një oligarku tjetër rus, Eduard Khudainatov, ish-shefi i gjigantit rus të energjisë Rosneft, i cili nuk është sanksionuar.

Muajin e kaluar, një tjetër jaht luksoz me vlerë rreth 700 milionë dollarë që thuhet se është në pronësi të Khudainatovit, u sekuestrua nga policia në Itali.

FBI-ja tha në fletëporosinë e sekuestrimit se jahti Amadea ishte përpjekur të shmangte kapjen “pothuajse menjëherë” pasi trupat ruse hynë në Ukrainë, duke fikur sistemin e automatizuar të gjurmimit më 24 shkurt.

Avokati i anijes, Feizal Haniff, nuk pranoi të komentojë mbi vendimin.

“Vendimi njeh angazhimin e Fixhit për të respektuar kërkesat ndërkombëtare të ndihmës reciproke dhe detyrimet ndërkombëtare të Fixhit”, tha në një deklaratë Drejtori i Prokurorisë Publike të Fixhit, Christopher Pryde.

Ai tha se gjykata ra dakord që “çështjet në lidhje me pastrimin e parave dhe pronësinë” duhet të vendosen në SHBA, ku janë ngritur akuzat fillestare.

“Amadea u është dorëzuar autoriteteve amerikane dhe tani do të largohet nga Fixhi”, shtoi ai.

Ambasada amerikane në Suva nuk iu përgjigj menjëherë një kërkese për koment.VOA

The post Superjahti rus do të largohet nga Fixhi appeared first on Albeu.com.

Gjykatësi Deepthi Amaratunga dha urdhrin e SHBA-së për sekuestrimin e superjahtit, thuhet në një deklaratë të lëshuar të martën. Jahti është i regjistruar në Millemarin Investments Ltd, por SHBA pretendon se është “përfitues” në pronësi të Kerimov, sipas një zëdhënësi të DPP, i cili shtoi se çështja e pronësisë ka të ngjarë të vendoset në një gjykatë amerikane.

Avokati mbrojtës Feizal Haniff, duke vepruar për Millemarin, i kërkoi gjykatës një pezullim pas vendimit.

“Ka disa indikacione se autoritetet amerikane duan ta largojnë këtë varkë. Gjyqtari tha se ne kemi të drejtë të apelojmë dhe padyshim që ai tha se ne do të sigurojmë që anija të jetë në Fixhi derisa të bëhet kërkesa për qëndrim.”-u tha Haniff gazetarëve jashtë gjykatës.

Kerimov, një anëtar i Këshillit të Federatës Ruse, është sanksionuar nga Thesari i SHBA-së që nga viti 2018 si përgjigje ndaj aktivitetit të Rusisë në Krime dhe mbështetjes për presidentin sirian Bashar al-Assad. Ai është sanksionuar gjithashtu nga Britania e Madhe dhe Bashkimi Evropian në përgjigje të pushtimit rus të Ukrainës.

Lajmi vjen gati një javë pasi presidenti i SHBA Joe Biden përshkroi një propozim që do të bënte presion të mëtejshëm mbi oligarkët rusë për luftën në Ukrainë, duke përfshirë përdorimin e parave nga asetet e tyre të sekuestruara për të financuar mbrojtjen e Ukrainës. Ai tha se propozimi do të forcojë aftësitë e zbatimit të ligjit të SHBA për të sekuestruar prona të lidhura me kleptokracinë ruse.

“Do të krijojë procedura të reja të përshpejtuara për konfiskimin dhe sekuestrimin e këtyre pronave dhe do të sigurojë që kur asetet e oligarkëve të shiten, fondet mund të përdoren drejtpërdrejt për të korrigjuar dëmin e shkaktuar nga Rusia dhe për të ndihmuar në rindërtimin e Ukrainës,” tha Biden.

Paketa, e zhvilluar përmes një procesi ndërinstitucional, duke përfshirë Departamentin e Thesarit, Departamentin e Drejtësisë, Departamentin e Shtetit dhe Departamentin e Tregtisë, do të “krijojë autoritete të reja për konfiskimin e pronave të lidhura me kleptokracinë ruse, do të lejojë qeverinë të përdorë të ardhurat për të mbështetur Ukrainën dhe për të forcuar më tej mjetet përkatëse të zbatimit të ligjit”, tha Shtëpia e Bardhë në një fletë faktesh./albeu.com

The post Gjykata e Fixhit: SHBA le të sekuestrojë superjahtin e oligarkut rus appeared first on Albeu.com.