Super Mario Archives - Albeu.com

Arrestohet “Super Mario”, kush ishte shqiptari që “mbyti” me kokainë Chietin dhe s’kishte mëshirë për klientët

admin — Mon, 30 May 2022 07:31:40 +0000

Një shtetas 33-vjeçar me origjinë shqiptare, Mareglen Metushi, ka rënë dy netë më parë në prangat e karabinierëve italianë.

Ai akuzohet për trafik droge, grabitje dhe krime të tjera të kryera mes viteve 2014 dhe 2015, për të cilat duhet të vuajë 9 vite e gjysmë burg.

Madje ai shkoi aq larg sa tmerroi një klient që nuk paguante kokainën duke qëlluar drejt tij, por arma u bllokua.

Hetuesit i kishin vënë nofkën “Super Mario”, sepse emri shqiptar Mareglen ishte italianizuar në Mario. 33-vjeçari ishte në krye të një bande të madhe trafikantësh që shisnin kryesisht kokainë në zonat Chietino dhe Lancianese. Ashtu si protagonisti i videolojës së famshme të viteve 1980, edhe Metushi dilte çdo mëngjes me çantën e veglave, tuta blu dhe florinj, por në vend që të punonte (zyrtarisht ai merrej me rinovimin e ndërtesave), ai shiste drogë.

Por ishte personazh shumë i zoti, që nuk e mbante kurrë drogën me vete, por e fshihte në pyll, nën tokë, dhe ishte i vëmendshëm ndaj lëvizjeve të tij dhe të bashkëpunëtorëve.

Operacioni për kapjen e tij nisi kur në prangat në flagrancë të krimit u vunë në zonën e Frentanos për pesë persona: me atë rast u sekuestruan rreth 160 gram kokainë, e cila, ishte shumë e pastër. Hetimet nisën pasi një narkoman denoncoi se kërcënohej nga furnitorët e tij pasi kishte 5 mijë euro borxh, kuota për disa doza kokaine.

Gjurmimi, ndjekja dhe përgjimet zbuluan ekzistencën e grupit kriminal ku ai bënte pjesë.

The post Arrestohet “Super Mario”, kush ishte shqiptari që “mbyti” me kokainë Chietin dhe s’kishte mëshirë për klientët appeared first on Albeu.com.

Super Mario tronditi sërish botën, lojtari shfaqi tatuazhe të reja në fytyrë (FOTO LAJM)

admin — Tue, 29 Mar 2022 14:16:51 +0000

Kur flasim për gjëra të çuditshme, personi i pashmangshëm në atë temë është sigurisht Mario Balotelli.

Futbollisti i njohur italian edhe një herë tërhoqi vëmendjen me një lëvizje të pazakontë.

Ai publikoi fotot e tatuazheve të tij të reja, të cilat i bëri në fytyrë.

Balotelli ka bërë tatuazh inicialet e emrit dhe një shkronjë në anën e majtë të fytyrës, ndërsa në anën e djathtë ka “vizatuar” një kryq dhe mesazhin “Black power”. /albeu.com/

The post Super Mario tronditi sërish botën, lojtari shfaqi tatuazhe të reja në fytyrë (FOTO LAJM) appeared first on Albeu.com.

Shifra të kripura! “Super Mario” thyen rekord, kaseta e vjetër e videolojës shitet për çmimin marramendës

E S — Tue, 13 Jul 2021 19:43:00 +0000

Super Mario 64 ishte loja më e shitur për sistemin Nintendo 64 dhe njihet gjerësisht si një lojë e rëndësishme në historinë e videolojërave.

Shumë prej nesh janë rritur me videolojën “Super Mario” që tanimë është kthyer në nostalgji të fëmijërisë.

Së fundmi, një kopje e rallë e kësaj loje ka thyer të gjitha rekordet dhe është shitur në ankand për më shumë se 1.5 milion dollarë. Kaseta e vitit 1996 ishte një nga platformat 3D më të hershme.

Ajo ishte gati si e re dhe shtëpia e ankandit tha se kishte më pak se 5 kopje në gjendje kaq të mirë. Kopjet më të rralla të lojërave të famshme tërheqin shumë oferta.

Super Mario 64 ishte loja më e shitur për sistemin Nintendo 64 dhe njihet gjerësisht si një lojë e rëndësishme në historinë e videolojërave dhe ende konsiderohet ndër ato më të mirat të realizuara ndonjëherë. Kompania që qëndron pas shitjes “Heritage Auctions”, u surprizuua me çmimin e madh që u ofrua për të.

Shumë njerëz u shprehën të habitur që videoloja Super Mario – e cila shiti miliona dhe miliona kopje në gjithë botën – të kishte një vlerë moetare kaq të madhe pas shumë vitesh.

Kjo theu një tjetër rekord të vendosur vetëm dy ditë më parë, të mbajtur nga një kasetë origjinale “Legend of Zelda”.

Ajo u shit për 870,000 dollarë të premten, duke e bërë atë për pak kohë lojën më të shtrenjtë në botë, por vetëm për pak pasi “SuperMario” e rrëzoi shumë shpejt nga froni.

The post Shifra të kripura! “Super Mario” thyen rekord, kaseta e vjetër e videolojës shitet për çmimin marramendës appeared first on Albeu.com.