Me mbërritjen e tij, temperatura arrin 19 gradë Celsius. Në topin e futbollit amerikan që mban në dorë lexohet “Together We Are America”. “Mbreti latin” ngjitet në kabllot elektrike dhe valëvit flamurin portorikan ndërsa interpreton El Apagón, i shoqëruar nga kërcimtarë që tundin flamujt e vendeve latinoamerikane, si edhe të Shteteve të Bashkuara dhe Kanadasë. Në uniformën e tij të futbollit ngjyrë kremi bie në sy numri 64. Një numër për t’u deshifruar: nëna e tij, Lysaurie Ocasio, ka lindur në vitin 1964, por mund të lidhet edhe me bilancin fillestar (të rremë) të viktimave të uraganit María të vitit 2017 ose me Kongresin e 64-të të Shteteve të Bashkuara, që miratoi Aktin historik Jones-Shafroth duke u garantuar portorikanëve shtetësinë statutore në vitin 1917.

Fillon me Tití Me Preguntó, kushtuar njërës prej hallave të reperit që e pyet për të gjitha të dashurat që ka pasur; Bad Bunny zhytet në një peizazh tipik portorikan, ku marrin pjesë madje edhe boksierë, dhe në një “pushtim” kapelash karakteristike (“pava” ose “sombrero de pava”). Skena paraqet “la casita”, shtëpinë klasike të fshatit portorikan, e shfaqur në performancat e Bad Bunny-t në ishull. Cardi B, Karol G, Alix Earle dhe Pedro Pascal gjenden mes mureve pastel të shtwpizws. Seguimo’ Aquí, jo rastësisht, është përvoja imersive e Bad Bunny-t dhe Vibee-s e vendosur në Plaza Las Américas në San Juan, Puerto Rico; një tunel autobiografik, i pasur me elemente hiper-simbolike të karrierës së artistit, përfshirë rindërtimin e studios së tij të regjistrimit dhe, pikërisht, një shtwpizë. Nën sytë e gjithë botës, Bad Bunny nuk humb kohë: “Po dëgjoni muzikë nga Puerto Rico, nga lagjet, nga barakat”. Luhet një copëz e Gasolina e Daddy Yankee, dhe ai thotë: “Arsyeja pse jam këtu është sepse nuk kam reshtur kurrë së besuari te vetja”.

Pas një vrapimi drejt Voy a Llevarte a PR dhe Safaera, vjen surpriza më e madhe: Lady Gaga i bashkohet festës dhe interpreton një version salsa të Die With a Smile. Në sfond, banda shoqëruese Los Pleneros de la Cresta luan aranzhimin e përditësuar, duke kaluar nga Baile Inolvidable, Café con Ron dhe DtMf mes një shiu fishekzjarresh. Në shenjë mbështetjeje, Ricky Martin këndon Lo Que Le Pasó a Hawaii, një këngë proteste për të paralajmëruar Puerto Rico-n që të mos pësojë të njëjtin fat si Hawaii, e cila ka humbur një pjesë të kulturës së saj për shkak të ndikimit amerikan. Në vitin 2019, kur Bad Bunny u bashkua me reperin Residente dhe këngëtaren iLe për të lançuar këngën Afilando los Cuchillos mes revoltave kundër guvernatorit të atëhershëm të Puerto Rico-s, Ricardo Rosselló, politikisht i izoluar përpara dorëheqjes, edhe Martin kishte zgjedhur të dëgjohej, duke hipur mbi tavanin e një kamioni mes turmës dhe duke valëvitur një flamur ylberi. Në mes të performancës, i shoqëruar në qiell nga një tabelë me shkrimin “E vetmja gjë më e fuqishme se urrejtja është dashuria”, një thirrje çliruese: “Zoti e bekoftë Amerikën!”.

Lavdia për emigrantët e Nju Jorkut

Në Nuevayol, Benito/Bad Bunny mostron Un verano en Nueva York të orkestrës portorikane të salsës El Gran Combo, një këngë që lëvdon praninë e emigrantëve latinë në New York City. Me këtë rast, videoklipi i tij muzikor, i publikuar më 4 korrik, Ditën e Pavarësisë së SHBA-së, përfshin një imitim gazmor të Donald Trump-it, që nënvizon rëndësinë e komunitetit latin në “Mollën e Madhe”. Bad Bunny jo vetëm që është artisti i parë latin që fitoi, pak më shumë se një javë më parë, Grammy-n për Albumin e Vitit, por është edhe “hispaniku” i parë që shkaktoi debat në momentin e shpalljes si headliner. “Nuk e mbështes. Mendoj se është një zgjedhje e tmerrshme”, kishte komentuar presidenti Donald Trump të nesërmen e njoftimit zyrtar. “Ai vetëm sa mbjell urrejtje”. Fjalimi i El Conejo Malo në Grammy Awards shënoi një pikë pa kthim në përplasjen me administratën Trump dhe zemëroi shumë konservatorët: “Para se të falënderoj Zotin, do të them një gjë: ICE jashtë, jashtë ICE. Nuk jemi të egër, nuk jemi kafshë. Jemi qenie njerëzore dhe jemi amerikanë”.

Në të vërtetë, tabu-në e Halftime Show-t Bad Bunny e kishte thyer që në vitin 2020, duke performuar I Like It dhe Callaíta së bashku me Shakira-n, paralelisht me yllin kolumbian të reggaeton-it J Balvin, i ftuar bashkë me Jennifer Lopez-in, e lindur në Bronx dhe me prejardhje portorikane. Ndikimi kulturor i Bad Bunny-t nuk njeh kufij. Mbërritja e tij në Super Bowl vjen pas një viti historik 2025. I lindur dhe rritur në Vega Baja, Puerto Rico, ai ka thyer rekorde streaming-u dhe ka realizuar albumin e tij më politik, introspektiv dhe “portorikan” deri më sot, DeBÍ TiRAR MáS FOToS, duke goditur tema si kolonizimi dhe gentrifikimi. Siç dokumenton The Athletic, Distrito T-Mobile në San Juan, Puerto Rico, dy orë para fillimit të ndeshjes, u mbush përplot.

Mbështetja në rrjetet sociale e Jennifer Lopez

Një det fansash të Bad Bunny-t u paraqit me bluza ku shkruhej “Jam këtu vetëm për Benito Bowl” dhe me kapele e fanella të WBC të Puerto Rico-s. Në sinkron, Jennifer Lopez “bllokon” X me mesazhin e saj të mbështetjes: “Bad Bunny… të dërgoj gjithë dashurinë, pozitivitetin dhe përqafimin më të madh në botë. Jemi të gjithë me ty sonte! E di që do ta shkatërrosh skenën. Jam këtu me ty ashtu siç ke qenë ti me mua. Kaq krenare! Jepi Benito! Ashtu siç di vetëm ti! #LatinoGangGang”. Më pas, postimi i Shakira-s i lidhur me videon e vitit 2020: “Duke kujtuar performancën tonë të parë së bashku në Super Bowl 2020 dhe duke të uruar, Benito, gjithë të mirat sonte”. Ylli i Hamilton, Lin-Manuel Miranda, publikoi një foto të tij me një xhaketë me flamurin portorikan. Ashtu si Bad Bunny, aktori-kantautor ka pjesërisht prejardhje portorikane. “Po bëj tifo për Puerto Rico gjatë pushimit”, shkroi ai në Instagram. Që Seattle Seahawks të përballen me New England Patriots tani është dytësore. Seattle Seahawks fituan 29-13, duke marrë titullin e dytë në historinë e tyre, të gjithë ishin me sytw te stadiumi për Bad Bunny-n. Por përpara mbërritjes së tij, mbi bar kalon një skuadër anekdotash dhe kuriozitetesh që tregojnë mirë gjendjen shëndetësore të Shteteve të Bashkuara.

Në Truth, rrjetin social të Donald Trump-it, presidenti komentoi menjëherë: “Kjo shfaqje është një fyerje ndaj Madhështisë së Amerikës dhe nuk përfaqëson standardet tona të suksesit, kreativitetit apo përsosmërisë. Askush nuk kupton asnjë fjalë nga ato që thotë ky tipi (Bad Bunny këndon vetëm në spanjisht) dhe kwrcimi është i neveritshëm, sidomos për fëmijët që po shikojnë nga e gjithë Amerika dhe nga e gjithë bota”. Me nisjen e ndeshjes vetëm pak orë larg, presidenti Donald Trump kishte parashikuar një Super Bowl “madhështor” në një video-mesazh të publikuar nga Shtëpia e Bardhë në rrjetet sociale. “Kam ndjesinë se ky do të jetë një Super Bowl i madh. E kam ndjekur gjithë sezonin. I kam parë këto dy skuadra të fitojnë, fitojnë, fitojnë”, kishte thënë, ulur pas Resolute Desk. Videoja ndërpritet në mënyrë komike pikërisht kur Trump është gati të zbulojë kë favorizon si fitues të ndeshjes. Jo rastësisht, Trump nuk mori pjesë në Super Bowl këtë vit. Kujtojmë se vitin e kaluar ishte presidenti i parë në detyrë i SHBA-së që e bëri këtë, por për këtë edicion zgjodhi një watch party në Palm Beach, Florida. “Është thjesht shumë larg”, i tha New York Post. Ndoshta nuk e imagjinonte fuqinë muzikore të Coco Jones, ish-yll i Disney Channel, që këndoi Lift Every Voice and Sing, “shkruar si himn nga udhëheqësi i NAACP James Weldon Johnson dhe përdorur gjerësisht gjatë Lëvizjes për të Drejtat Civile si thirrje beteje për afrikano-amerikanët”. Veshje e frymëzuar nga Whitney Houston, vija të kuqe, të zeza dhe të gjelbra. “Këto janë ngjyrat e flamurit panafrikan. E kuqja përfaqëson gjakun e derdhur nga populli, e zeza përfaqëson popullin dhe e gjelbra tokën e Afrikës”. Brandi Carlile intonon America the Beautiful, “një këngë shprese të brishtë për atë që Amerika mund të jetë”, e pasuruar nga SistaStrings, dueti i violinistes Chauntee dhe violonçelistes Monique Ross — dhe interpretimi i The Star-Spangled Banner nga Charlie Puth i lë të gjithë pa fjalë. Zgjat 1 minutë e 51,37 sekonda, një nga interpretimet më të shkurtra të viteve të fundit. Për krahasim, himni i vitit të kaluar, i kënduar nga Jon Batiste, zgjati 1 minutë e 59 sekonda. Relativisht të padëmshëm, Green Day, me një set prej tre këngësh, Holiday, Boulevard of Broken Dreams dhe një version “të zbutur” të American Idiot, për të festuar breza të Super Bowlit, mes tyre Emmitt Smith, Jerry Rice dhe Peyton e Eli Manning. Dy ditë para pjesëmarrjes në ceremoninë e hapjes, Billie Joe Armstrong dukej një roker tjetër krahasuar me atë të parë pasdite në Levi’s Stadium: ai vuri në dukje se ethet për futbollin nuk ia kanë shuar ndërgjegjen për ngjarjet aktuale, duke u drejtuar madje edhe agjentëve të ICE-s: “Të gjithë agjentëve të ICE-s atje jashtë, kudo që të jeni: lini punën tuaj të mjerë. Sepse kur kjo të mbarojë, dhe do të mbarojë në një moment, Kristi Noem, Stephen Miller, JD Vance, Donald Trump, do t’ju lënë si një ves të keq. Ejani në këtë anë të vijës”.

Pak orë para gongut të Super Bowl-it, protestues anti-ICE dolën në rrugë dhe zunë mbikalime me pankarta “ICE Out” përgjatë autostradës 101. Peshqirë stadiumi bardh e zi u shpërndanë tifozëve jashtë Levi’s Stadium nga grupi Contra-ICE, me një kod QR që i ftonte tifozët t’i ngrinin peshqirët me anën “ICE Out” të kthyer nga fusha sa herë që një arbitër hidhte një flamur ndëshkimi, si “flamuj ndëshkimi kolektivë kundër ICE-s”. Ana tjetër e peshqirit ka një lepur që godet një top futbolli brenda një blloku akulli. Si kundërpeshë “avangardë” e protestave, një shfaqje alternative ndaj Halftime Show-t u transmetua nga një vendndodhje ende e pazbuluar, e promovuar nga organizata konservatore Turning Point USA, me Kid Rock si headliner dhe artistët country Brantley Gilbert, Gabby Barrett dhe Lee Brice në skenën anti-Bad Bunny. Disa minuta para fillimit të eventit, Turning Point USA nuk arriti ta transmetojë në streaming The All-American Halftime Show në X për shkak të problemeve të licencimit. Kush, mes shikuesve, zgjodhi Kid Rock & Co. gjatë pushimit, u detyrua të kalojë në kanalin YouTube të Turning Point USA.

NBC njoftoi se do të transmetojë një pjesë të shfaqjes para-ndeshjes nga Ishulli i Alcatraz-it, që dikur strehonte një burg federal të sigurisë së lartë. Ish-burgu federal më i famshëm në botë, në Gjirin e San Franciscos, 2 km larg bregut, është shndërruar në një muze popullor që tërheq më shumë se 1 milion vizitorë çdo vit. Herë e parë absolute për një program të transmetuar drejtpërdrejt prej andej. Super Bowl rimon edhe me establishment-in: disa nga trailer-at e filmave më të rëndësishëm të vitit u shfaqën gjatë eventit. Nga Disney, që vuri gjithçka në promovimin e The Mandalorian & Grogu, filmi i parë kinematografik i Star Wars që nga viti 2019, te Paramount, me lançimin e një spoti të ri për Scream 7, i pari i serisë i projektuar në IMAX. Më pas, Toy Story 5, që del këtë verë, thriller-i me alienë i Steven Spielberg Disclosure Day, The Super Mario Galaxy Movie, Jumpers dhe Minions 3.

Reklamat fokusohen te shëndeti, solidariteti dhe e qeshura

Sa i përket Hollywood-it, në ekran shfaqet aktori Kevin Costner, më i njohur për bejsbollin sesa për futbollin. Mjafton të rikujtohen Bull Durham (1988), ku luan Crash Davis, një lojtar me përvojë i ligave të vogla; Field of Dreams (1989), filmi i tij më i njohur për bejsbollin, në rolin e Ray Kinsella-s, një fermer nga Iowa që ndërton një fushë për “sportin e diamantit” në arën e misrit; For Love of the Game (1999), si Billy Chapel, një hedhës veteran i Detroit Tigers. Tifozët e futbollit në Levi’s Stadium i dhanë një duartrokitje të ngrohtë. Reklamat e Super Bowl-it nuk duhen nënvlerësuar, të zhytura në një “reçel” kohësh të vështira. Reklamuesit u fokusuan te shëndeti, solidariteti dhe e qeshura. Sabrina Carpenter përpiqet të ndërtojë burrin perfekt me Pringles, Benson Boone dhe Ben Stiller luajnë një duo disko që bën salto për Instacart, Andy Samberg, në rolin e “Meal Diamond”, spërkat majonezë Hellmann’s mbi sanduiçët e Elle Fanning dhe klientëve të tjerë të delikatesës. Gjithashtu, arinjtë polarë, maskotat tradicionale të Coca-Cola-s, ndajnë një Pepsi në një parodi të kiss cam të vitit të kaluar; George Clooney shfaqet në një spot të Grubhub për të promovuar dërgesën falas për porosi 50 dollarë e sipër; Uber Eats rekruton Matthew McConaughey-n për të bindur Bradley Cooper-in dhe Parker Posey-n se futbolli është një komplot për t’i bërë njerëzit të kenë uri. Dhe reperi 50 Cent tallet me Sean “Diddy” Combs për DoorDash. Nuk mungon fokusi te mirëqenia dhe mjekësia. Octavia Spencer dhe Sofia Vergara i nxisin njerëzit të bëjnë testin për sëmundjet e veshkave për Boehringer Ingelheim dhe Mike Tyson flet për vdekjen e motrës së tij nga obeziteti në një promovim që i nxit njerëzit të hanë ushqim të shëndetshëm, jo të përpunuar (gjithçka e financuar nga MAHA Center Inc., një organizatë jofitimprurëse e drejtuar nga Tony Lyons, botues dhe aleat i ngushtë i Sekretarit të Shëndetësisë së SHBA-së Robert F. Kennedy Jr.). Barnat GLP-1 për humbje peshe gjejnë hapësirë gjatë Super Bowl-it. Novo Nordisk promovon pilulat e reja Wegovy, kompania e telemjekësisë Ro mbështet GLP-1-at e saj përmes Serena Williams dhe Hims & Hers premton t’u japë të gjithëve akses në një kujdes shëndetësor më të mirë, jo vetëm të pasurve.

Një nga reklamat më të paharrueshme të Super Bowl-it të këtij viti promovon të ashtuquajturat Trump Accounts, një program i ri investimi i mbështetur nga qeveria për fëmijët. Spot-i financohet nga Invest America, një grup advokimi me lidhje me liderë biznesi dhe aleatë të Trump-it. Në reklamë, një montazh fëmijësh u kujton shikuesve se “çdo fëmijë amerikan merr një llogari investimi” dhe se “miliona do të parapaguhen”. Trump Accounts, të quajtura edhe llogari 530A, u krijuan si pjesë e Big Beautiful Bill të administratës, miratuar vitin e kaluar. Fëmijët e lindur mes viteve 2025 dhe 2028 kanë të drejtë për një kontribut unik nga Thesari prej 1.000 dollarësh, ndërsa prindërit mund të shtojnë deri në 5.000 dollarë në vit. Prania në Super Bowl është vetëm një pjesë e një lançimi më të gjerë që përfshiu një tabelw gjigante në Times Square, një samit prezantimi të transmetuar drejtpërdrejt nga Uashingtoni dhe një faqe interneti që u lejon prindërve të regjistrohen përmes deklaratave të tyre të të ardhurave. Sipas Shtëpisë së Bardhë, mbi 1 milion familje janë regjistruar tashmë. Falë Super Bowl-it.

The post Bad Bunny ndez Super Bowl-in me mesazh për emigrantët, Trump shpërthen: Shfaqja më e shëmtuar ndonjëherë appeared first on Albeu.com.

Çfarë është Super Bowl? Super Bowl përfaqëson ajkën e sezonit të futbollit amerikan, një ndeshje teke, ku akordohet titulli kampion në NFL mes dy skuadrave më të mira në Konferencat respektive. Ajo që teknikisht është akti përmbyllës i një rrugëtimi të gjatë që fillon me sezonin e rregullt, me kalimin e kohës është transformuar gati në një festë kombëtare jozyrtare, “Super Bowl Sunday”.

Atë ditë në SHBA ndalon gjithçka, të gjithë mblidhen në shtëpi dhe lokale për të ndjekur një ndeshje, që tashmë është sinonim i ekselencës sportive dhe patriotizmit.

Super Bowl nuk është thjesht një ndeshje, është një event, një levë e kulturës pop globale. Një pjesë e rëndësishme që tërheq njerëzit ka të bëjë me Halftime Show, koncertin në mes të ndeshjes, ku marrin pjesë yjet më të mëdha të muzikës botërore. Vëmendje marrin edhe spotet spektakolare publicitare, të prodhuar enkas për këtë rast.

Mes argëtimit të luksit, ceremonive solemne dhe një impakti të jashtëzakonshëm mediatik, finalja e NFL-së arrin të përcjellë në mënyrë perfekte shpirtin agonistik me “show business”, duke u bërë çdo vit transmetimi më i ndjekur televiziv.

Pavarësisht se 4 finalet e para NFL-AFL janë sot në albumin e artë, emri Super Bowl u bë zyrtar në vitin 1971, me edicionin e 5-të, të fituar nga Baltimore Colts. Zgjedhja për të identifikuar çdo ndeshje me numra romakë nuk është thjesht estetike, por një zgjedhje praktike për të evituar konfuzionin. Duke qenë se finalja luhet në vitin kalendarik pasardhës në raport me fillimin e sezonit, numërimi klasik lejon dallimin e çdo edicioni pa iu referuar vitit në kalendar. Super Bowl 2026 është Super Bowl LX.

Super Bowl 2026 zhvillohet më 9 shkurt 2026, ora 00:30 (ora shqiptare). Finalja luhet në “Levi’s Stadium”, Santa Clara (California). New England Patriots sfidojnë Seattle Seahawks, ashtu si në vitin 2015.

Green Day do të këndojnë në spektaklin e hapjes. Banda punk rock do të sjellë një miks të këngëve më të mira. Në pushim do të jetë radha e Bad Bunny, këngëtarit portorikan. Himnin amerikan do ta këndojë Charlie Puth. Brandi Carlie do të performojë në America The Beautiful.

The post Çfarë është Super Bowl, sfida e dy Konferencave NFL! Detajet e spektaklit të madh të 9 shkurtit appeared first on Albeu.com.

Të premten, Swift bëri dy donacione të veçanta prej 50,000 dollarësh në faqen GoFundMe që është krijuar për të ndihmuar familjen e Lopez-Galvan pas vdekjes së saj.

“Duke dërguar ngushëllimet e mia më të thella për humbjen tuaj shkatërruese. Me dashuri, Taylor Swift”, shkroi këngëtarja në rubrikën “Fjalët e mbështetjes”.

Lopez-Galvan, 43 vjeçe, u qëllua në fund të paradës së Shefave në Kansas City. Punëdhënësi i saj, konfirmoi se ajo u vra në incident në një postim në mediat sociale këtë javë.

Kansas City Star raportoi se Lopez-Galvan vdiq gjatë operacionit pasi u plagos me armë zjarri në bark. Ndërsa Swift mori pjesë në lojën e Super Bowl, ajo nuk ishte e pranishme në paradë.

The post Taylor Swift dhuron 100,000 dollarë për gruan e vrarë në Super Bowl appeared first on Albeu.com.

“Nuk ka probleme mes Usher dhe Justin. Justin thjesht nuk ishte i gatshëm për këtë, ai thjesht nuk po e ndjente.”

Usher bëri çmos për të bindur Bieber-in pasi donte të krijonte një moment që historik mes tyre së bashku. Justin e ndoqi shfaqjen nga turma ku ndau në Instagram-in e tij një foto nga performanca e Usher në faqen e tij në Instagram të hënën dhe shkruante:

“Të dua vëllai im, askush nuk mund të kërcejë dhe të këndojë ashtu si ti.”

The post Ja pse Justin Bieber e refuzoi Usher për të performuar me të në Super Bowl appeared first on Albeu.com.

Ylli i popit, 34 vjeçe, veshi një gjerdan varëse ari që mbante numrin e fanellës së tij, teksa hynte në stadiumin Allegiant së bashku me shoqëruesit e saj.

Varësja kushton mjaft shtrenjtë, gjerdani Stephanie Gottlieb kushton 4250 dollarë (3,934 euro), shkruan DailyMail.

Jo vetëm kaq, por ajo mbante një tufë të vogël në formë futbolli nga Judith Leiber, të stolisur me numrin e fanellës së tij dhe një xhaketë të kuqe “Kansas City Chiefs”.

Xhaketa e Erin Andrews kushton 129 dollarë (119 euro), ndërsa çanta kushton 4,495 dollarë (4,160 euro).

Ajo dukej mahnitëse me një bluzë të zezë të stilit korse, me pëlhurë rrjetë dhe xhinse të zeza të çara në kofshë. Bluza me korse është nga Dion Lee dhe shitet për 720 dollarë (666 euro), ndërsa xhinset nga Area kushtojnë 695 dollarë (643 euro). Taylor mbërriti në stadium së bashku me nënën e saj Andrea Swift, Blake Lively, Ice Spice dhe shoqen dhe stilisten e saj të ngushtë Ashley Avignone.

The post Varësja me shifër marramendëse që Taylor Swift vendosi në Super Bowl appeared first on Albeu.com.

Lionel Messi, që e ka pushtuar Amerikën që kur u transferua në MLS verën e kaluar, tani do të shfaqet në një reklamë të Super Bowl për Michelob Ultra, transmeton Gazeta Express.

Kompania mëmë e markës së birrës, Anheuser-Busch, po sponsorizon gjithashtu turneun e Copa America të kësaj vere.

Ata gjithashtu pritet të jenë sponsorë në Kupën e Botës për meshkuj në vitin 2026 që do të zhvillohet në ShBA.

Në “trailerin” e publikuar shihet Messi duke shkuar në një lokal, duke porositur një birrë dhe duke reaguar ndaj derdhjes së saj.

Spotet reklamuese të Super Bowl janë jashtëzakonisht të shtrenjta duke pasur parasysh numrin e njerëzve që e shikojnë lojën dhe reklama mund të kushtojë rreth 14 milionë dollarë, sipas “Daily Mail”.

Ndeshja më e madhe në NFL do të zhvillohet më 11 shkurt dhe ndeshjet e Kampionatit të Konferencës së kësaj fundjave do të vendosin se cilat ekipe do të marrin pjesë.

Nuk dihet ende nëse Messi do të jetë i pranishëm në Super Bowl në Las Vegas, por programi para-sezonal i Inter Miamit do ta lejonte atë të jetë i pranishëm.

Ndeshja e tyre e fundit para-sezonale është më 15 shkurt, ndaj klubit të fëmijërisë së 36-vjeçarit, Newell’s Old Boys.

Kur bëhet fjalë për marketingun sportiv, tetë herë fituesi i “Topit të Artë” është një nga më të mirët, me afro 500 milionë ndjekës në “Instagram” dhe një histori pune me disa marka të mëdha.

Super Bowl është ndoshta skena më e madhe e reklamave në botë me një audiencë të pritshme prej më shumë se 100 milionë. /Gazeta Express/

The post Kostoja mahnitëse e reklamës 60 sekondshe të Messit në Super Bowl appeared first on Albeu.com.

Këtë lajm e ka bërë me dije vetë artistja përmes një postimi në Instagram.

Pse nuk po këndon më Rihanna?

Rihanna u largua nga muzika duke u kthyer në një sipërmarrëse.

Në vitin 2017, ajo themeloi një kompani kozmetike të quajtur “Fenty Beauty”.

Sipas raportimeve, pas këtyre kompanive Rihanna u bë gruaja më e pasur në industrinë e muzikës. Megjithatë, pjesa dërrmuese e të ardhurave të saj vijnë nga linja e bukurisë dhe tekstilit.

Forbes njoftoi se Rihanna fitoi 1.7 miliardë dollarë në 2017.

Rihanna dëshiron të vazhdojë të rrisë vlerën e saj neto dhe tani ajo ka një projekt të ri në mendje. Ndërsa fansat e saj presin një album të ri, sipërmarrja e biznesit të Rihanna-s është larg muzikës.

Epo tashmë ylli i muzikës do të rikthehet me një superperformancë vitin e ardhshëm. Sa prej jush mezi po e prisni?

The post Super lajmi për fansat, Rihanna do performojë në “Super Bowl” në 2023 appeared first on Albeu.com.

49-vjeçari e bëri këtë gjest pasi përfundoi performancën e këngës së tij hit “Lose Yourself”dhe u kthye në një simbol proteste kundër racizmit

Ai qendroi në këtë pozicion për rreth 50 sekonda, ndonëse asnjë lojtar nga Rams apo Bengals nuk u gjunjëzua gjatë këndimit të Himnit Kombëtar në fillim të lojës.

Sipas CNN, është e paqartë nëse gjunjëzimi ishte një pjesë e planifikuar e shfaqjes apo një vendim spontan, pasi Eminem nuk ka dhënë asnjë deklaratë.

Performanca e së dielës shënoi herën e parë që artistët hip-hop ishin interpretuesit kryesorë për shfaqjen e pjesës së parë. Së bashku me Eminem performuan edhe reperët Snoop Dogg, Dr Dre, Kendrick Lamar dhe këngëtarja R&B Mary J. Blige.

The post Eminem gjunjëzohet gjatë performancës së tij në Super Bowl, çfarë fshihet pas gjestit të reperit appeared first on Albeu.com.

Talenti i Los Angeles Rams është future në fushën e lojës me një palë atlete të firmës NIKE të personalizuara, përbëhej nga diamante dhe të cilat ishin realizuar nga ‘Kirurgu i Këpucëve’.

‘Kirurgu i Këpucëve’ është një artist i famshëm i atleteve që zbërthen këpucët origjinale dhe u shton atyre materiale premium. Ai shpesh përdor lloje të ndryshme lëkurash kafshësh dhe kërkon mijëra dollarë për secilën palë që shet. Odell Beckham Jr është një klient i rregullt i ‘Kirurgut të Këpucëve’ dhe natyrisht ai bëri një punë të re speciale.

Këpucët që zakonisht mban Odell janë zbërthyer dhe ‘Kirurgu i Këpucëve’ shtoi një detaj mbresëlënës që nuk e shton shpesh. Çdo këpucë ka një symbol të NIKE të madh në secilën anë, por Odell kërkoi t’i mbushte të gjitha me diamante të nivelit të lartë. Puna përfundimtare është mjaft mbresëlënëse nga ‘Kirurgu i Këpucëve’. Por kjo nuk është e gjitha, lëkura mbretërore blu dhe e verdhë e pitonit e përdorur në këpucë është përzgjedhur gjithashtu nga ‘Kirurgu i Këpucëve.

Sipas vetë ‘Kirurgut të Këpucëve’, diamantet kanë një peshë totale prej 25 karatësh me një total prej 1,494 diamante që kanë qartësi. Të gjithë këta diamante janë të ndarë në mes të dy simboleve të NIKE. Gjithashtu, përmbajnë 150 gram ari të verdhë 14 karatësh dhe që janë pikërisht poshtë diamanteve. Sipas mjeshtrit, u deshën më shumë se 100 orë për t’u krijuar dhe ato vlerësohen në 200,000 dollarë./ h.ll./albeu.com

Of course @obj brought out the most expensive cleats in the world for #SuperBowl ?? (via @TheShoeSurgeon) pic.twitter.com/jz2uaoi0NQ

— Nice Kicks (@nicekicks) February 13, 2022

 

View this post on Instagram

 

A post shared by Los Angeles Rams (@rams)

The post Atletet më të shtrejnta në botën e Super Bowl, të punuara me flori, diamante dhe lëkurë pitoni appeared first on Albeu.com.

Qendërmbrojtësi zuri skuadrën e tij në fushë përpara se të gjente Cooper Kupp për një goditje vendimtare në një fitore 23-20 në SoFi Stadium.

Stafford përfundoi me tre goditje teksa i dha sukses pronarit Stan Kroenke në pallatin e tij prej 5.5 miliard dollarësh.

Pronari Kroenke tha: “Jam vërtet krenar për këtë grup, të gjithë djemtë, jam shumë i lumtur për ta.

“Këta lojtarë janë të pabesueshëm. Ishte një lojë e vështirë dhe jam shumë krenar që e ekzekutuan atë fitore.

“Për sa i përket ndërtimit të këtij stadiumi, doli në rregull. Falë tifozëve të mëdhenj të Los Angeles, trofeu i tyre i parë Super Bowl në shtëpinë e Rams.”

Rams ishin prapa për të gjithë pjesën e dytë para se një epike 15-lojsh, 79-metra vrapim në çerekun e katërt e lëkundi atë në favor të tyre.

Ata patën një fillim të shkëlqyeshëm kur Cincinnati e bëri atë në të 4-tën poshtë në një thirrje të guximshme nga trajneri Zac Taylor, por ajo rezultoi mbrapsht në fytyrën e tij.

Pasimi i Joe Burrow ra i paplotë dhe Stafford përfitoi nga fusha e shkurtër duke goditur i pari.

Ai goditi Odell Beckham Jr me një pasim të shkëlqyeshëm prej 17 metrash në cepin e zonës së fundit dhe e përsëriti atë në çerekun e dytë me një rezultat prej 11 metrash ndaj Cooper Kupp.

LA mbajti një epërsi 13-10 në pjesën e parë përpara se Dr. Dre, Snoop Dogg, Eminem, Mary J Blige, Kendrick Lamar dhe i ftuari special 50 Cent të bënin një shfaqje mahnitëse të pjesës së parë.

Ngjarja me temë hip-hop ishte më e vjetra e Super Bowl-it, pasi mosha e kombinuar e yjeve ishte 286 vjeç.

Dre, hapi shfaqjen së bashku me reperin LA Snoop Dogg, 50 vjeç.

Reperi 50 Cent, 46 vjeç, performoi një version të hitit të tij të vitit 2003, In Da Club, ndërsa Mary J Blige, 51 vjeçe, joshë fansat me këngën e saj Family Affair, e cila u prodhua nga Dre.

Eminem gjunjëzoi gjatë performancës së tij, diçka që ai donte të bënte, por shefat e NFL donin që ai të shmangte, sipas Puck.

Tifozët e pëlqyen shfaqjen e pjesës së parë teksa dolën në Twitter për të komentuar.

Njëri tha: “Ai ishte shfaqja më e mirë e pjesës së parë të Super Bowl. Nëse keni lindur në vitet ’80 dhe në fillim të viteve ’90, ky ishte për fëmijërinë tuaj./ h.ll/albeu.com

That was cool. ?#SuperBowl on NBC pic.twitter.com/QtR4XPQKLx

— Cincinnati Bengals (@Bengals) February 14, 2022

COOPER KUPP FOR THE LEAD!

?: #SBLVI on NBC pic.twitter.com/PTY7GWXBig

— Los Angeles Rams (@RamsNFL) February 14, 2022

The post Super Bowl 2022 fitohet nga Los Angeles Rams appeared first on Albeu.com.