Dhe pritja mori fund sepse një prej tyre do jetë pikërisht artisti latin me famë botërore J Balvin. Këngëtari nga Kolumbia numëron shumë hite si, “Mi Gente”, “In da Geto”, “Con Altura”, etj. Madje një nga hitet e tij “One day” është në bashkëpunim me Dua Lipën.

Mbetet akoma për të zbuluar emrin tjetër që do të marrë pjesë në “Sunny Hill” dhe kjo do të jetë shumë shpejt teksa i afrohemi datës së festivalit.

Pakënaqësitë nisën për vendodhjen e Festivalit “Sunny Hill” i cili u transferua në Tiranë për shkak të vonesave për zhvillimin e festivalit në Prishtinë. Por në fund një marrëveshje është arritur. Në deklaratën e përbashkët e Sunny Hill Festival, Ministrisë së Kulturës dhe Komunës së Prishtinës bëhet e ditur se Sunny Hill Festival mbahet në shtëpinë e vet, në Prishtinë, më 4, 5, 6 dhe 7 gusht 2022.

Gjithashtu në frymën e bashkëpunimit të shkëlqyeshëm kulturor mes Kosovës dhe Shqipërisë, një edicion i veçantë me një line-up tjetër do të mbahet në fund të muajit gusht në Tiranë më 26, 27 dhe 28 gusht.

The post “Sunny Hill”, zbulohet një nga emrat e njohur botëror që do marrë pjesë në festival (FOTO LAJM) appeared first on Albeu.com.

Ministria e Kulturës, Rinisë dhe Sportit, së bashku me Komunën e Prishtinës dolën me një deklarate të përbashkët për të njoftuar se festivali “Sunny Hill” do të mbetet në kryeqytetin e Kosovës

Njoftimi i plotë:

“Sunny Hill Festival mbahet në shtëpinë e vet, në Prishtinë, më 4, 5, 6 dhe 7 gusht 2022. Qeveria e Kosovës, Komuna e Prishtinës dhe Sunny Hill Festival bashkojnë forcat për një edicion të mrekullueshëm të festivalit sivjet, aty ku e ka vendin, në Prishtinë”, thuhet në komunikatë.

MKRS dhe Komuna e Prishtinës njoftojnë se edicioni i sivjetmë i festivalit “do të mbahet në një lokacion të përshtatshëm”.

“Të gjithë shprehin gatishmërinë që çështja e shfrytëzimit afatgjatë të tokës të diskutohet edhe pak kohë deri në gjetjen e një zgjidhjeje të qëndrueshme. Synimi i përbashkët është që nga viti i ardhshëm, festivali Sunny Hill të organizohet në lokacionin e vet afatgjatë”, thuhet në komunikatë.

Në Tiranë mbetet të mbahet një “line-up” më 26, 27 dhe 28 gusht.

“Në Prishtinë, Sunny Hill Festival për këtë vit ka përgatitur lineup-in më të fuqishëm nga festivalet e rajonit ku përveç artistëve të njohur si Diplo, Skepta, DJ Regard, AJ Tracey, Mahmood dhe artistët më të njohur shqiptarë, për këtë edicion pritet të zbulohen edhe dy artistë shumë të mëdhenj botëror.”, thuhet në komunikatë.

“Një verë e jashtëzakonshme i pret të gjithë shqiptarët në Prishtinë dhe në Tiranë”, thotë MRKS dhe Komuna e Prishtinës./gazetaexpress

The post Pas debateve të nxehta Shqipëri-Kosovë, Sunny Hill kthehet në Prishtinë appeared first on Albeu.com.