Sulmuesi 22-vjeçar u kthye në protagonist në fitoren 5-0 të Empolit kundër Barit, që e ndihmon ekipin e tij në misionin për t’u rikthyer në Serie A.

Në minutën e 52’ të takimit, Shpendi shënoi golin e dytë të sfidës, duke sjellë qetësi te ekipi i Alessio Dionisit.

Ky ishte goli numër 6 në kampionat për Shpendin, duke e bërë atë golashënuesin më të mirë të Empolit dhe gjithashtu një gol larg liderit të golashënuesve në Serie A.

The post Goli numër 6 në kampionat, sulmuesi shqiptar që ende nuk ka marrë një ftesë nga Sylvinho vazhdon të shkëlqejë në Itali appeared first on Albeu.com.

Trajneri i Olimpias, spanjolli Albert Rijera, i cili ka luajtur për “Qytetarët” në vitin 2006 si lojtar i huazuar nga Espanyol, ka lidhje të mira me njerëzit brenda Grupit të Qytetit, shkruan albeu.com.

City Football Group zotëron këto klube: Girona nga Spanja, Lommel nga Belgjika, kampionët anglezë Manchester City, Melbourne City nga Australia, Montevideo City Torquay nga Uruguai, Mumbai City nga India, New York City nga SHBA, Sichuan nga Kina dhe Yokohama. F. Marinos nga Japonia.

Olimpija nga Lubjana është lider në kampionatin slloven me 27 pikë nga 10 ndeshje.

Klubi slloven deri para një viti ishte në pronësi të biznesmenit serb Milan Mandaric.

Ndërkohë, te Olimpia luajti sulmuesi i Kombëtares, Endri Çekiçi, aty ku dhe la gjurmë duke realizuar 17 gola në kampionat në 43 ndeshje. /G.D albeu.com/

The post “Bomba” në Ballkan: Pronari i Man City blen skuadrën ku luajti sulmuesi shqiptar appeared first on Albeu.com.

Kjo fundjavë që sapo lamë pas ka folur shqip në tre kampionate kryesore europiane, atë italian, spanjoll e turk, ku katër futbollistë shqiptarë kanë tundur rrjetat me skuadrat përkatëse.

Ishte Kristjan Asllani, mesfushori i talentuar i Kombëtares që luan në radhët e Empolit, ai i cili hapi serinë e golave që mbajnë vulën shqiptare. Djaloshi kuqezi realizoi gol në sfidën ndaj Interit, ku pas një topi të gjatë nga mesfusha, arrin ta kontrollojë mjaft mirë në zonë, duke e dërguar në rrjetë. Ky ishte goli i parë për Kristjan Asllanin, i cili la gjurmë duke e shënuar atë në një stadium të madh dhe historik si ai i Giussepe Meazza-s.

Këtë fundjavë e bëri “sefte” edhe Myrto Uzuni në kampionatin spanjoll. Sulmuesi shqiptar, i cili kaloi tek ekipi i Granadës në muajin janar u zbllokua për herë të parë ditën e shtunë në sfidën ndaj Mallorcas. Uzuni e nisi ndeshjen nga stoli, duke u futur në lojë në minutën e 62-të, ndërsa 16 minuta më vonë arriti të realizojë golin e tij të parë me fanellën e Granadës dhe në kampionatin spanjoll.

Përveç Asllanit, një tjetër lojtar kuqezi arriti të gjejë rrugën e rrjetës për herë të parë në këtë sezon me skuadrën e tij në kampionatin italian. Bëhet fjalë për Berat Gjimshitin, mbrojtësin shqiptar i cili aktivizohet me Atalantën në Itali. Në sfidën e djeshme ndaj Spezia-s, Gjimshiti përfitoi nga një asist i Demiral, teksa pas një gjuajtje me kokë, topi përfundon në rrjetë. Një ndeshje mjaft e mirë kjo për futbollistin shqiptar, i cili u vlerësua me notën 7.3 nga faqja e specializuar për statistika “SofaScore”.

Nuk përfundon me kaq fundjava kuqezi, teksa edhe Bekim Balaj ka shënuar dy gola shumë me vlerë që i dhanë tre pikëshin skuadrës së tij të Bolusporit, përballë Samsunspor në Turqi. Në golin e parë ishte Odise Roshi ai i cili ndihmoi shokun e tij të skuadrës të realizonte, pas një krosi nga e majta, që u shfrytëzua mjaft mirë nga sulmuesi shqiptar.

Edhe Enis Çokaj në Kroaci ka qenë protagonist me 2 asiste në barazimin 3-3 që skuadra e tij, Lokomotiva e Zagrebit arriti në trasfertë ndaj Goricës.

Edhe gardiani kuqezi i Kombëtares, Etrit Berisha ka marrë duartrokitjet e tifozëve të tij, teksa arriti të bllokojë një penallti të Lorenzo Insigne-s në minutën e 61-të.

Një fundjavë mjaft pozitive kjo për legjionarët, teksa paraqitje të mira kanë dhuruar edhe futbollistë të tjerë të Kombëtares. /fshf.org

The post Legjionarët shqiptarë shkëlqejnë, nga golat fantastikë e deri tek pritjet e penalltive appeared first on Albeu.com.