Gjatë javëve të fundit, Moska ka dërguar mijëra trupa në përpjekje për të marrë kontrollin e qytetit në lindje të Ukrainës dhe për të arritur, pas më shumë se gjysmë viti, një fitore në terren.

Forcat ukrainase kanë hapur llogore më në perëndim dhe gjatë ditëve të fundit u duk se po përgatiteshin për t’u tërhequr.

Por gjatë fjalimit të tij të përnatshëm, të hënën, zoti Zelensky tha se Kievi ka vendosur jo vetëm që trupat ukrainase të qëndrojë për luftime, por edhe të forcojnë qytetin, me sa duket i bindur se humbjet e Rusisë në përpjekjet për të marrë qytetin, do të jenë më të mëdha se humbjet e Ukrainës.

“Komanda në mënyrë të unifikuar mbështeti vendimin për të mos u tërhequr”, tha zoti Zelensky. “Nuk kishte mundësi të tjera. I thashë komandantit që të gjente forcat e duhura për t’i dërguar në ndihmë të ushtarëve tanë në Bakhmut”, tha Presidenti ukrainas.

Rusia thotë se marrja e kontrollit të Bakhmutit do të ishte një hap i rëndësishëm për zgjerimin e kontrollit mbi këtë territor, në rajonin industrial të Donbasit dhe do të shënonte një fitore të madhe në terren.

“Qyteti është një qendër e rëndësishme për mbrojtjen e trupave ukrainase në Donbas. Vënia nën kontroll e tij do të lejojë kryerjen e sulmeve të mëtejshme në zonat mbrojtëse të Ukrainës”, tha ministri i Mbrojtjes së Rusisë, Sergei Shoigu.

Ekspertë perëndimorë thonë se qyteti i shkatërruar nuk ka rëndësi të madhe, por sulmi i Rusisë mund të synojë arritjen e një fitoreje simbolike në mbyllje të ofensivës dimërore, gjatë së cilës janë rekrutuar mijëra rezervistë dhe luftëtarë të grupit paraushtarak “Wagner”.

Komanda ushtarake ukraninase tha në raportin e së martës se 1, 6000 rusë ishin vrarë në 24 orët e fundit. Të dhënat për viktimat ndër radhët e forcave ruse nuk mund të konfirmohen dhe palët nuk japin në mënyrë të rregullt të dhëna për humbjet e tyre. Por, në të shkuarën, raporte të ngjashme të lëshuara nga Ukraina mbi humbjet e Rusisë, kanë përkuar me dështime të mëdha të sulmeve ruse.

Luftimet në qytet favorizojnë forcat mbrojtëse. Disa zyrtarë ukrainas janë shprehur ditët e fundit se raporti mes humbjeve ndër radhët e ushtarëve rusë dhe atyre ukrainas, ishte 7 me 1.

Për palën ruse, beteja në qytetin e Bakhmutit ka vënë në dukje përçarjen mes forcave të ushtrisë dhe luftëtarëve të grupit paraushtaraka Wagner. Udhëheqësi i tyre, Yevgeny Prigozhin, përmes disa videove, ka akuzuar zyrtarët se nuk po i furnizojnë me armatime njerëzit e tij.

Ministria e Mbrojtjes e Rusisë mohon që të ketë ndaluar furnizimin me armatime për grupin Wagner, por nuk i është përgjigjur akuzave të fundit të zotit Prigozhin. Deri tani, Kremlini ka heshtur mbi këto përplasje./voa

The post Zelensky: Nuk tërhiqemi, vijojmë luftimet në Bakhmut appeared first on Albeu.com.

Kyrylo Tymoshenko, nënkryetari i zyrës së presidentit të Ukrainës, postoi një përditësim në Telegram për të thënë se numri i viktimave ka shkuar tashmë në 41.

“Në orën 09:46 të mëngjesit, trupi i një fëmije të vdekur u gjet nën rrënojat e një pallati të shkatërruar banimi në katin e 4-të. Gjithsej 41 persona vdiqën (përfshirë katër fëmijë), 79 persona u plagosën (përfshirë 16 fëmijë) dhe 39 persona u shpëtuan (përfshirë gjashtë fëmijë)”, tha ai.

Rusia ka mohuar në mënyrë të përsëritur se ka shënjestruar civilët në Ukrainë, pavarësisht dëshmive të rritjes së numrit të vdekjeve në mesin e popullsisë, që OKB-ja e vendos në më shumë se 7,000. /albeu.com

The post Gjendet trupi i një fëmije nën rrënoja, rritet numri i viktimave nga sumi rus në Dnipro appeared first on Albeu.com.

“Dnipro: Që nga ora 08:00 e 17 janarit, 39 persona u shpëtuan, duke përfshirë gjashtë fëmijë. 40 njerëz vdiqën, duke përfshirë tre fëmijë. 79 persona u plagosën, mes tyre 16 fëmijë.

Kemi marrë 47 denoncime për persona të zhdukur, nga të cilët 18 persona janë gjetur të vdekur, katër persona janë gjetur të gjallë te familjarët, në spitale, aktualisht janë në kërkim 25 persona.

Psikologët e Shërbimit të Urgjencës Shtetërore kanë ndihmuar 176 viktima. Operacionet e kërkim-shpëtimit dhe çmontimin e elementeve strukturorë të rrezikshëm janë në vazhdim. Shërbimet komunale hoqën më shumë se 9,000 ton mbeturina ndërtimi dhe 41 makina të dëmtuara. Gjithsej 415 persona u përfshinë në punime”, u bë me dije në në njoftim.

The post Sulmi rus në Dnipro, 25 persona ende të zhdukur appeared first on Albeu.com.

Viktimat nga sulmi përfshinin një vajzë 15-vjeçare, tha Presidenti Volodymyr Zelensky.

Operacionet e kërkim-shpëtimit vazhdojnë dhe deri më tani janë shpëtuar 39 persona.

Të dielën, Komanda e Forcave Ajrore të Forcave të Armatosura të Ukrainës tha se nuk kishte asnjë dyshim se një raketë ruse Kh-22 ishte përdorur në sulm.

I projektuar fillimisht si një raketë kundër anijeve, Kh-22 është një armë më e vjetër dhe më pak e saktë se shumica e raketave moderne. /albeu.com

The post Shkon në 40 numri i viktimave nga sulmi rus në Dnipro appeared first on Albeu.com.

Ekipet e urgjencës punuan gjatë natës së ftohtë në ndërtesën shumëkatëshe të banimit, ku u shënua numri më i madh i viktimave nga një breshëri sulmesh ruse në qytetet ukrainase të shtunën.

Rusia hodhi 33 raketa të shtunën, nga të cilat 21 u rrëzuan, sipas gjeneralit Valeriy Zaluzhny, komandant i përgjithshëm i forcave të armatosura të Ukrainës.

Autoritetet e qytetit Dnipro njoftuan të dielën pasdite se të paktën 73 persona u plagosën dhe 43 persona figuronin të zhdukur. Ai tha se 39 persona janë shpëtuar deri tani.

Ivan Garnuk ishte në banesën e tij kur ndërtesa u godit dhe tha se ndihej me fat që kishte mbijetuar. Ai përshkroi tronditjen e tij se si kishin mundur rusët të godisnin një godinë banimi pa vlerë strategjike.

“Këtu nuk ka objekte ushtarake. Nuk ka asgjë,” tha ai. “Nuk ka mbrojtje ajrore, nuk ka baza ushtarake. Thjesht goditën civilë, njerëz të pafajshëm.”

Banorët e Dnipro-s iu bashkuan punonjësve të shpëtimit në vendngjarje për të ndihmuar në pastrimin e rrënojave. Të tjerë sollën ushqime dhe rroba të ngrohta për ata që kishin humbur shtëpitë e tyre.

“Ky është padyshim terrorizëm dhe e gjithë kjo thjesht nuk është njerëzore,” tha një banor lokal, Artem Myzychenko, ndërsa pastronte rrënojat.

Duke marrë përgjegjësinë për sulmet me raketa anembanë Ukrainës, Ministria e Mbrojtjes e Rusisë tha të dielën se ia arriti qëllimit.

“Të gjitha objektivat e përcaktuara janë goditur. Qëllimi i sulmit është arritur,” thuhej në një deklaratë të ministries, postuar në Telegram. Në deklaratë thuhej se raketat u hodhën “mbi sistemin e komandës dhe kontrollit ushtarak të Ukrainës dhe objekteve të lidhura me energjinë”, dhe nuk përmendej sulmi në godinën e banimit në Dnipro.

Të dielën, forcat ruse sulmuan një zonë banimi në qytetin jugor të Ukrainës Kherson, tha guvernatori rajonal Yaroslav Yanushevych në një postim në Telegram. Sipas informacioneve paraprake dy persona kanë mbetur të plagosur.

Sulmet e reja ajrore të Rusisë erdhën ndërsa luftime të ashpra janë ndezur në provincën lindore Donetsk të Ukrainës, ku ushtria ruse ka thënë se ka marrë nën kontroll qytetin e vogël të minierave të kripës Soledar, por Ukraina thotë se trupat e saj janë ende duke luftuar.

Nëse forcat ruse fitojnë kontrollin e plotë të Soledarit, kjo do t’i lejonte ata t’i afrohen më shumë qytetit më të madh, Bakhmut. Beteja për Bakhmutin zgjat prej muajsh, duke shkaktuar viktima të konsiderueshme nga të dyja palët./voa

The post Arrin në 30 numri i të vdekurve nga sulmi rus ndaj godinës së banimit në Dnipro appeared first on Albeu.com.

Më shumë se 30 janë në spital, duke përfshirë 12 në gjendje të rëndë, tha Babachenko.

Midis 30 deri në 40 njerëz mund të jenë ende të bllokuar nën mbeturina, shtoi ajo. /albeu.com

The post Rritet numri i viktimave nga sulmi rus në Dnipro, 30 të vrarë deri tani appeared first on Albeu.com.

Xhaçka u shpreh e tmerruar nga numri i viktimave dhe shtoi se ky është një tjetër krim i urryer lufte nga Rusia.

Ministruja theksoi se këto krime nuk duhet të mbeten pa u ndëshkuar dhe konfirmoi mbështetjen për Ukrainën.

“E tmerruar nga numri i të vdekurve nga sulmi rus me raketa kundër një blloku apartamentesh në Dnipro. Një tjetër krim i urryer lufte nga një Rusi, strategjitë dhe taktikat e së cilës në Ukrainë janë më të ngjashme me ato të një organizate terroriste sesa ato të një vendi modern dhe anëtari i përhershëm i Këshillit të Sigurimit.

Këto krime nuk duhet të mbeten pa u ndëshkuar. Ne duhet të punojmë të gjithë së bashku për të garantuar që i gjithë zinxhiri i komandës ruse të mbahet përgjegjës për këto krime barbare. Ne qëndrojmë me Ukrainën”, shkroi ajo në Twitter. /albeu.com

The post Sulmi rus në Dnipro, reagon Xhaçka: Këto krime nuk duhet të mbeten pa u ndëshkuar appeared first on Albeu.com.

Gjatë fjalimit të tij të natës drejtuar kombit të tij të enjten, Zelenskyy akuzoi homologun e tij rus Vladimir Putin se synonte rrjetet tashmë të brishta të energjisë në një përpjekje për të përhapur frikë tek qytetarët.

“Ka dëmtime në objektet energjetike në zona të ndryshme në të gjithë vendin – ky është vëllimi i prodhimit dhe transportit të energjisë elektrike për miliona njerëz”.

“Vetëm që nga mbrëmja e sotme, rreth 4.5 milionë konsumatorë janë shkëputur përkohësisht nga konsumi në oraret e emergjencës dhe stabilizimit”.

Udhëheqësi ukrainas tha se të paktën 10 rajone duke përfshirë Dnipropetrovsk, Zhytomyr, Zaporizhzhia, Sumy, Kirovohrad, Kharkiv, Chernihiv, Khmelnytskyi, Cherkasy dhe kryeqyteti kombëtar janë prekur nga sulmet e fundit.

Ai paralajmëroi se ndërprerje të energjisë elektrike mund të ketë edhe në rajone të tjera.

The post Zelenskyy: 4.5 milionë ukrainas kanë mbetur pa energji elektrike pas sulmit rus appeared first on Albeu.com.

“Deri më tani, 23 të vdekur, 28 të plagosur. Të gjithë civilë”, ka shkruar Starukh në platformën Telgram.

Ai ka publikuar fotografi të makinave të djegura dhe trupave të shtrirë nëpër rrugë.

Starukh ka thënë se ekipet e shpëtimit janë në zonën e sulmit.

Sipas tij, konvoji ka qenë në rrugë për në territorin e pushtuar nga Rusia, meqë vozitësit kanë dashur të marrin familjarët e tyre dhe t’i dërgojnë në vende të sigurta.

Rusia nuk e ka komentuar këtë sulm, i cili ka ndodhur në ditën kur Moska po përgatit për të aneksuar katër rajone ukrainase, përfshirë Zaporizhjan.

Ky vendim pason referendumet e rreme që kanë mbajtur zyrtarë të instaluar nga Rusia në katër rajonet ukrainase – Donjeck, Luhansk, Zaporizhja, Herson – të cilat janë dënuar nga Shtetet e Bashkuara dhe Kombet e Bashkuara.

Lufta në Ukrainë ka nisur më 24 shkurt.

Vetë Putin e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL

The post Sulmi rus në Zaporizhzhia, raportohet për të paktën 23 viktima appeared first on Albeu.com.

Olena Zelenska tha për TalkTV se përpiqet të mendojë sa më pak për kërcënimin ndaj saj, burrit dhe fëmijëve, nga Kremlini, sepse qëndrimi në këtë çështje do ta bënte atë “me të vërtetë paranojake”.

“Përpjekja ime ka qenë të mos mendoj kurrë për këtë numër objektivash, sepse kur mendoni për objektivin numër një apo dy, atëherë mund të bëheni paranojak”, i tha Zelenska, Piers Morgan në intervistën me bashkëshortin e saj, për TV ndërkombëtar.

“Po përpiqem t’i largoj këto mendime,” tha ajo, duke shtuar se të gjithë ukrainasit janë gjithashtu objektiva të Rusisë.

Zonja e parë tha se ajo i shtyn ato mendime në njërën anë, sepse ato mund ta frikësonin dhe “kjo nuk është ajo që na duhet tani”./albeu.com

The post Zonja e Parë e Ukrainës: Përpiqem të largoj nga koka mendimet se unë dhe familja ime jemi në shënjestër të rusëve appeared first on Albeu.com.