Flamujt janë ulur në gjysmështizë ndërsa kambanat në kishat në mbarë shtetin ranë në të njëjtën kohë, në mesditë.

Qirinj të shumtë u ndezën në një memorial të improvizuar në nderim të viktimave para ndërtesës së universitetit.

Qytetarë të shumtë kanë vendosur lule dhe qirinj para ndërtesës së Fakultetit të Filozofisë në Universitetin e Pragës në Republikën Çeke.

Në katedrelen St. Vitus në Pragë, më e madhja në vend, u mbajtë një meshë në kujtim të viktimave. Në meshë morën pjesë edhe Presidenti Petr Pavel dhe kryetarët e dy dhomave të parlamentit çek.

14 persona u vranë gjatë të shtënave në Fakultetin e Arteve në Pragë, të enjten. 25 persona u plagosën, përpara se autori të vriste veten. Policia dhe hetuesit thonë se kanë të dhëna se 24 vjeçari kishte vrarë më herët, po të enjten, babanë e tij ndërsa javën e shkuar kishte vrarë një burrë dhe një fëmijë në Pragë.

Autoritetet kanë nisur të bëjnë publik emrat e viktimave. Mes tyre janë një profesor dhe një studente e universitetit.

Autori ishte çek dhe student i arteve. Hetuesit besojne se ai ka vepruar i vetëm, por shkaqet që e çuan në kryerjen e këtij akti mebten ende të paqarta.

The post Republika Çeke mban zi për viktimat në universitetin e Pragës appeared first on Albeu.com.

Drejtori i policisë Martin Vondrášek bëri të ditur se më herët Policia gjeti të vdekur babain e sulmuesit në Hostoun, ku i riu u largua për të qëlluar në Pragë pasdite, shkruajnë mediat çeke.

Sipas dëshmitarëve nga vendi i ngjarjes, sulmi filloi në katin e katërt të godinës së Fakultetit të Arteve të Universitetit Charles. Dëshmitarët në vendngjarje e përshkruajnë sulmuesin si një djalë të ri. Informacioni për identitetin e vrasësit masiv filloi të përhapet në rrjetet sociale menjëherë pas sulmit. Sipas fotografive të bëra nga dëshmitarët në vendngjarje, sulmuesi ishte i veshur me rroba të errëta dhe po qëllonte nga një vendkalim me një armë.

Personat që ndodheshin në ndërtesë në momentin e tragjedisë përshkruan se sulmi filloi në katin e katërt dhe ndodhi brenda dhe jashtë vendkalimit, ku ka lëvizur sulmuesi.

Drejtori i policisë Martin Vondrášek deklaroi në një konferencë për shtyp pak para orës 6:00 të mëngjesit se sulmuesi ishte një burrë 24-vjeçar nga Kladensko.

“Policia e Çekisë ka marrë informacion në orën 12:20 se një 24-vjeçar duhej të shkonte në Pragë, duke thënë se donte të vetëvritej. Në orën 12:45 kemi marrë informacion se në të njëjtin fshat është gjetur një i vdekur, babai i të dyshuarit”, tha Vondrášek, duke shtuar se policia shumë shpejt zbuloi se i dyshuari ishte student në Fakultetin e Arteve dhe se supozohej se të ketë qenë në ndërtesën e Fakultetit të Arteve në rrugën Celetná në leksion.

Policia thuhet se nisi menjëherë kërkimet për të dyshuarin, 24 vjeçarin David Kozak.

“Në orën 14:59 morëm informacionin e parë për të shtënat në godinën e Fakultetit të Arteve këtu në sheshin Palach. Patrullat e para dolën në vendngjarje brenda pak minutash, njësiti i emergjencës për 12 minuta dhe në orën 15 e 20 minuta nga policët që ndërhynë morëm informacionin se trupi i pajetë i të qëlluarit është gjetur në trotuarin e kësaj ndërtese të shkollës”, tha drejtuesi i policisë Martin Vondrášek në një deklaratë për shtyp para FF MB.

Sulmi u ndoq edhe nga Petr Nedoma, kreu i Galerisë Rudolfinum, e cila ndodhet përballë ndërtesës së Fakultetit të Arteve.

“Pashë një të ri që qëndronte në trotuar me një armë në duar. Ai qëlloi vazhdimisht me pauza të caktuara, me një armë, në urën e Manes. Më pas ka qëlluar, ka ngritur duart lart dhe e ka hedhur armën në rrugë. Më pas policët filluan të shfaqen, në atë vendkalim”.

Pak para orës katër, policia tha se vrasësi ishte neutralizuar.

“Gjuajtësi është eliminuar. Momentalisht është duke u evakuuar i gjithë godina dhe në vendngjarje ka disa të vdekur dhe dhjetëra të plagosur”, njofton policia në rrjetin X.

The post Masakër në qendër të Pragës, 24 vjeçari David Kozak ishte student në Universitetin e Arteve, dyshohet se më herët ekzekutoi të atin appeared first on Albeu.com.