Ai u shpreh se ka qenë një plan i mirëfilltë e gjithë ngjarja, ndërsa vëzhgimi zonës është bërë nga nëngrupe, të cilat presin porositë dhe pagesën që do tu bëhet.

“Kanë një tjetër nëngrup të tyrin që bën rikonicjon. Përshembull godina e Top Channel, me aq sa shikoja unë e atë që analizonim, duhet të jetë marrë nën vëzhgm për dy javë nga persona të caktuar për të parë sa roje janë. Është bërë një plan i mirëfilltë.

Këta janë gati në çdo moment, presin vetëm një porosi dhe sa është çmimi i saj. Paguhet me këste ose jo, varet si e vendosin, janë aktivë. Këta mund të paguhen qoftë për një individ, qoftë për një institucion provat, por edhe nesër për një institucion shtetëror”, tha eksperti.

The post Sulmi ndaj Top Channel, Karamuço : Godina u vëzhgua për dy javë appeared first on Albeu.com.

Reagmet në lidhje me këtë ngjarje të rëndë kanë qenë të shumta, ndërsa është përsëritur thirrja për vëninen para përgjegjësisë së autorëve.

Edhe moderatorja Xhemi Shehu ka reaguar dhe ka ironizon sigurinë në vend.

“Të pushoftë shpirti në paqe Pal. Rendi s’ka qenë kurrë më mirë se sot”, shkruan ajo./albeu.com

The post Sulmi ndaj Top Channel, Xhemi Shehu ironizon: Rendi nuk ka qenë kurrë më mirë se sot appeared first on Albeu.com.

Policia sqaron se autorët, rreth orës 00:30, kanë qëlluar me dy armë zjarri automatik model AK-47, në drejtim të godinës së Top Channel,  ku 20 gëzhoja janë qitur nga një armë zjarri dhe 6 gëzhoja janë qitur nga arma tjetër.

Nga veprimet hetimore të kryera deri tani rezulton se, në orën 00:27 të datës 27.03.2023, automjeti i autorëve është fiksuar nga kamerat e sigurisë, në zonën e Kasharit. Ky automjet ka lëvizur në rrugën dytësore të autostradës Durrës-Tiranë, ka dalë përballë godinës së televizionit Top Channel dhe në atë moment autorët kanë qëlluar me armë zjarri në drejtim të godinës së televizionit.

Autorët, pasi kanë qëlluar me armë zjarri, janë larguar me shpejtësi përsëri nëpërmjet rrugës që kanë ardhur, për në drejtim të Durrësit, dhe në orën 00:36 janë fiksuar nga kamerat e sigurisë në zonën e Kasharit. Në orën 00:55, shërbimet e Komisariatit të Policisë Kavajë kanë marrë njoftim për djegien e një automjeti, në autostradën Durrës-Rrogozhinë, në vendin e quajtur “Përroi i Agait”.

Sa i takon makinës, policia bën me dije se “Range Rover Sport”, me ngjyrë kafe,  ka rezultuar i vjedhur në korrik të 2020, në fshatin Tale të Lezhës.

Ky automjet i është vjedhur një shtetasi nga Kosova, i cili ishte me pushime në këtë zonë, ndërsa targat e automjetit “AA 456 HC”, janë kallëzuar të vjedhura më datë 31.12.2022, në qytetin e Tiranës.

Policia bën me dije gjithashtu se, janë pyetur të gjithë personat e pranishëm në vendin e ngjarjes, si dhe disa persona të tjerë të evidentuar nga Policia, në Kavajë, Vlorë etj dhe se ka vendosur një shpërblim prej 100 000 euro, për çdo informacion të vlefshëm që do të çojë në identifikimin e autorëve./albeu.com

The post Gjithë sulmi ndaj Top Channel, brenda disa minutave! Policia: “Range Rover-i” i vjedhur që në korrik 2020 në Lezhë, ndaj godinës u zbarzën dy kallashnikovë appeared first on Albeu.com.

Sipas policisë, rreth orës 00:30  të mesnatës së të dielës, automjeti i autorëve është fiksuar nga kamerat e sigurisë, në zonën e Kasharit.

Ky automjet ka lëvizur në rrugën dytësore të autostradës Durrës-Tiranë, ka dalë përballë godinës së televizionit Top Channel dhe në atë moment autorët kanë qëlluar me armë zjarri në drejtim të godinës së televizionit.

Autorët, pasi kanë qëlluar me armë zjarri, janë larguar me shpejtësi përsëri nëpërmjet rrugës që kanë ardhur, për në drejtim të Durrësit, dhe në orën 00:36 janë fiksuar nga kamerat e sigurisë në zonën e Kasharit.

Në orën 00:55, shërbimet e Komisariatit të Policisë Kavajë kanë marrë njoftim për djegien e një automjeti, në autostradën Durrës-Rrogozhinë, në vendin e quajtur “Përroi i Agait”.

Menjëherë pas marrjes së njoftimit për ngjarjen e ndodhur, në vendngjarje kanë shkuar shërbime të shumta të Drejtorisë Vendore të Policisë Tiranë, si dhe janë organizuar pika kontrolli në të gjitha akset rrugore të vendit.

Nga veprimet hetimore në vendin e ngjarjes janë gjetur dhe sekuestruar në cilësinë e provës materiale 25 gëzhoja model 56, 5 predha dhe 9 copëza predhash municioni luftarak. Janë këqyrur dhe sekuestruar kamerat e sigurisë të televizionit, si dhe disa kamera sigurie të subjekteve private përrreth vendit të ngjarjes dhe në drejtimin e lëvizjes së automjetit të përdorur nga autorët.

Në vendin e djegies së automjetit është këqyrur dhe sekuestruar automjeti i djegur dhe një gëzhojë model 56, e cila u gjet jashtë automjetit. Brenda automjetit janë gjetur dhe sekuestruar në cilësinë e provës materiale 2 armë zjarri model AK-47, si dhe sende të tjera që lidhen me automjetin, si targa e parë e automjetit, 4 gëzhoja model 56 të plasura si pasojë e djegies etj.

Policia bën me dije gjithashtu se, janë pyetur të gjithë personat e pranishëm në vendin e ngjarjes, si dhe disa persona të tjerë të evidentuar nga Policia, në Kavajë, Vlorë etj.

Nga ekspertimi i provave të sekuestruara në të dyja vendngjarjet, ka rezultuar se autorët i kanë përdorur të dyja armët e zjarrit, ku 20 gëzhoja janë qitur nga një armë zjarri dhe 6 gëzhoja janë qitur nga arma tjetër.

Policia gjithashtu ka vendosur një shpërblim prej 100 000 euro, për çdo informacion të vlefshëm që do të çojë në identifikimin e autorëve.

Njoftimi i plotë:

Në vijim të njoftimit të dhënë mëngjesin e datës 27.03.2023, për ngjarjen e ndodhur në Mëzez, ku është qëlluar me armë zjarri në drejtim të godinës së televizionit Top Channel dhe për pasojë ka mbetur i vrarë punonjësi i sigurisë, shtetasi Pal Kola, ju informojmë si më poshtë:

Më datë 27.03.2023, rreth orës 00:30, shtetas ende të paidentifikuar kanë qëlluar me armë zjarri automatik model AK-47, në drejtim të godinës së Top Channel dhe për pasojë ka mbetur i vrarë shtetasi Pal Kola, 61 vjeç. Po nga të shtënat është dëmtuar fasada ballore e godinës së televizionit, si dhe dy automjete të parkuara në oborr.

Nga veprimet hetimore të kryera deri tani rezulton se në orën 00:27 të datës 27.03.2023, automjeti i autorëve është fiksuar nga kamerat e sigurisë, në zonën e Kasharit. Ky automjet ka lëvizur në rrugën dytësore të autostradës Durrës-Tiranë, ka dalë përballë godinës së televizionit Top Channel dhe në atë moment autorët kanë qëlluar me armë zjarri në drejtim të godinës së televizionit.

Autorët, pasi kanë qëlluar me armë zjarri, janë larguar me shpejtësi përsëri nëpërmjet rrugës që kanë ardhur, për në drejtim të Durrësit, dhe në orën 00:36 janë fiksuar nga kamerat e sigurisë në zonën e Kasharit. Në orën 00:55, shërbimet e Komisariatit të Policisë Kavajë kanë marrë njoftim për djegien e një automjeti, në autostradën Durrës-Rrogozhinë, në vendin e quajtur “Përroi i Agait”.

Menjëherë pas marrjes së njoftimit për ngjarjen e ndodhur, në vendngjarje kanë shkuar shërbime të shumta të Drejtorisë Vendore të Policisë Tiranë, si dhe janë organizuar pika kontrolli në të gjitha akset rrugore të vendit.

U formua grupi hetimor nën drejtimin e Prokurorisë pranë Gjykatës së Rrethit Gjyqësor Tiranë dhe u kryen të gjitha veprimet e nevojshme hetimore, në vendin e ngjarjes dhe në vendin e djegies së automjetit.

Nga veprimet hetimore në vendin e ngjarjes janë gjetur dhe sekuestruar në cilësinë e provës materiale 25 gëzhoja model 56, 5 predha dhe 9 copëza predhash municioni luftarak. Janë këqyrur dhe sekuestruar kamerat e sigurisë të televizionit, si dhe disa kamera sigurie të subjekteve private përrreth vendit të ngjarjes dhe në drejtimin e lëvizjes së automjetit të përdorur nga autorët. Në vendin e djegies së automjetit është këqyrur dhe sekuestruar automjeti i djegur dhe një gëzhojë model 56, e cila u gjet jashtë automjetit. Brenda automjetit janë gjetur dhe sekuestruar në cilësinë e provës materiale 2 armë zjarri model AK-47, si dhe sende të tjera që lidhen me automjetin, si targa e parë e automjetit, 4 gëzhoja model 56 të plasura si pasojë e djegies etj.

Janë pyetur në cilësinë e personit që tregon rrethana të dobishme për hetimin, të gjithë personat e pranishëm në vendin e ngjarjes, si dhe disa persona të tjerë të evidentuar nga Policia, në Kavajë, Vlorë etj.

Nga ekspertimi i provave të sekuestruara në të dyja vendngjarjet, ka rezultuar se autorët i kanë përdorur të dyja armët e zjarrit, ku 20 gëzhoja janë qitur nga një armë zjarri dhe 6 gëzhoja janë qitur nga arma tjetër. Për provat e tjera të sekuestruara janë përgatitur vendimet e ekspertimit dhe nga Instituti i Policisë Shkencore vazhdon puna për ekzaminimin e tyre.

Automjeti i përdorur nga autorët është i tipit “Range Rover Sport”, me ngjyrë kafe, i cili ka rezultuar i vjedhur më datë 10.07.2020, në fshatin Tale të Lezhës. Ky automjet i është vjedhur një shtetasi kosovar, i cili ishte me pushime në këtë zonë, ndërsa targat e automjetit “AA 456 HC”, janë kallëzuar të vjedhura më datë 31.12.2022, në qytetin e Tiranës.

Më datë 27.03.2023, në orën 19:00, nën drejtimin e drejtuesit të Prokurorisë pranë Gjykatës së Rrethit Gjyqësor Tiranë është zhvilluar një analizë e detajuar e veprimeve hetimore të kryera, janë përcaktuar versionet hetimore dhe një grup i posaçëm hetimor po vazhdon kryerjen e veprimeve hetimore të deleguara me qëllim zbardhjen e ngjarjes, identifikimin dhe vënien përpara përgjegjësisë ligjore të autorëve.

Po kështu, po analizohen të gjitha informacionet që disponon Policia e Shtetit dhe agjenci të tjera ligjzbatuese të cilat do të ndihmojnë grupin hetimor, për kryerjen e këtij hetimi.

Policia e Shtetit fton qytetarët që të japin informacion për autorët e kësaj ngjarjeje të rëndë dhe vendos shpërblim 100 000 euro, për çdo informacion të vlefshëm që do të çojë në identifikimin e autorëve. Policia e Shtetit vendos në dispozicion të qytetarëve, numrin e telefonit 069 41 10 299, duke garantuar anonimatin e plotë të çdo telefonuesi.

Vijon…

The post Zbardhet dinamika e sulmit ndaj Top Channel, Policia: 100 mijë euro shpërblim për kapjen e autorëve appeared first on Albeu.com.

Roberto Papci (ish-dhëndri i Pal Kolës) dhe Agostin Tonaj u shoqëruan si të dyshuar pasi po lëviznin me një automjet tip “Benz, që ishte i marrë me qira në Shkodër.

Pas shoqërimit ata janë marrë në pyetje shkurtimisht nga DVP Vlorë, për t’iu dorëzuar më pas DVP Tiranë për veprime të mëtejshme dhe me pas janë lënë të lirë.

Sipas hetimeve, në ngjarje ka dyshime që kanë qenë 5 persona që kanë marrë pjesë.

Mjeti tip “Range Rover” që u përdor nga atentatorët, kishte ardhur drejt godinës së këtij televizioni nga rruga e Mëzezit, ndërsa thuhet se ka marrë sinjalizim nga një person që mendohet se ka ecur në këmbë pak para ngjarjes.

Ky i fundit dyshohet se ka studiuar terrenin dhe pasi ka parë që rreth orës 12:30 kanë dalë shumë punonjës të televizionit që kanë lënë turnin, ka sinjalizuar atentatorët. Më pas ai është larguar me mjetin e tij që e kishte parkuar pranë vendngjarjes.

Ndërkohë, në automjetin që kreu sulmin udhëtonin 3 persona, ku 2 prej tyre hapën zjarr në drejtim të godinës së Top Channel dhe më pas u larguan drejt autostradës Tiranë-Durrës, dhe dogjën mjetin në Kavajë, ndërsa priteshin aty nga dy automjete të tjera, një BMW dhe një Audi.

The post U shoqërua mbrëmë, lihet i lirë ish-dhëndri i rojës që u vra nga sulmi me armë ndaj Top Channel appeared first on Albeu.com.

Rreth orës 01:00 të 27 marsit ambientet e Top Channel u sulmuan nga persona të paidentifikuar të cilët zbrazën breshërinë e kallashit mbi Palin e pafajshëm.

Osmani shkruan se Shqipëria nuk meriton të përgjaket nga terrori, urrejtja dhe vandalizmat. Ajo i shpreh ngushëllimet familjes së viktimës dhe shkruan se Pali është heroi i saj dhe qindra kolegëve gazetarë.

Reagimi i plotë:

Sot, me vrasjen e Palit te ndjerë, jemi vrarë nga pak të gjithë ne. Jo vetëm ne që në atë vend kalojmë më shumë kohë se në shtëpitë tona dhe mund të ishim duke dale nga puna në atë moment; por të gjithë ne si qytetarë të kësaj Shqipërie që nuk meriton të përgjaket nga terrori, urrejtja dhe vandalizmat. Këto 24 orë kanë kanë qenë të vështira për mua dhe gjithë kolegët e mi, dhe nuk është e thjeshtë të gjej fjalët e duhura për të shprehur dhimbjen, trishtimin dhe zemëratën që ndiej. Por është kjo media e cila në të gjithë këto vite na ka shpërblher edhe me një publik dashamirës, frymëzues e solidar. Shikues e publik që gjatë gjithë ditës sot nuk i ka kursyer mesazhet kurajoze ndaj nesh dhe për këtë ju jam Falenderuese gjithmonë. Nuk gjej fjalë për të ngushëlluar 3 femijët e Palit që sot humbën babain, përveçse të lutem që Zoti t’ju japë forcë te përballojnë humbjen e një njeriu të pafajshëm që sot është heroi im dhe i qindra kolegëve. Bashkë do jemi më të fortë.

/Albeu.com/

The post “Sot jemi vrarë nga pak të gjithë”, Arbana Osmani reagon pas sulmit: Pali është heroi im appeared first on Albeu.com.

Kryeministri Edi Rama gjatë një lidhje live për “Top Story” pati përplasje me gazetaren Klodiana Lala për sulmet e tij ndaj medias.

Klodiana Lala: A ndiheni ju përgjegjës se situata e sigurisë ka dalë jashtë kontrollit. Agresiviteti dhe sulmi që është përdorur kohët e fundit është shumë i madh.

Rama: Nuk keni si të merrni përgjigje nëse më ndërprisni dhe doni të dëgjoni ato që doni ju. Më lër ta shpjegoj…nëse s’mund ta shpejgoj moderatorja të ndërpresë programin. Nuk e kuptoj çfarë është kjo mënyrë që unë sa herë dal duhet të luftoj për të marrë fjalën. Po mundohem të kujtoj se çfarë tha Lala sepse ndërhytë aq shumë.

Rama: Kush ka përdorur tritol ndaj mediar?

Klodiana Lala: Ju zoti kryeministër. Na keni thënë edhe kazan, na keni ccuar edhe në rehabilitim. Në një vend normal nëse do ndodhte një sulm i tillë duhet të kishte një dorëheqje. Dilni te thelbi i pyetjes që ju bëra.

Rama: Te cili thelb. Ti ke folur katër herë ndërsa mua s’më lë të flas. Është skandaloze dhe e paimagjinueshme që t’i presësh fjalën gjatë gjithë kohës një të ftuari. Nuk kam ndryshuar mendim për kazanin, por nuk e kam përmendur më. Unë nuk vë gjoba ndaj mediave. Kryeministri nuk merret me gjoba dhe nuk vë gjoba. Media është një gjë dhe bizneset pas ekraneve të mediave janë një gjë tjetër./Albeu.com

The post A ndihet Rama përgjegjës për ngjarjet kriminale? Debat mes gazetares dhe kreut të qeverisë appeared first on Albeu.com.

I ftuar në “Top Story”, Rama tha se policia i është afruar autorëve edhe pse ende nuk ka rezultat.

I pyetur nëse e konsideron akt ndaj një media apo ngjarje banale, Rama tha se motivet e drejpërdrejta të agresionit kriminal ende nuk dihen, por fakti që një breshëri plumbash u derdhën mbi një institucion kombëtar si Top Channel, e bën këtë agresion të lidhur me një media.

Rama: Policia i është afruar autorëve por ende nuk ka rezultat, qoftë në kapjen e tyre, qoftë për motivet.

Pyetje: Në 32 vite e keni parë Shqipërinë në pozitat e intelektualit, politikanit dhe qartësia juaj për atmosferën e Shqipërisë nuk vjen vetëm nga intuita e një kryeministri. Pse ndodh për herë të parë si në një gjendje lufte të goditet një media?

Rama: Unë po mundohem të shpjegohem përtej shpjegimit të thatë që mund të jap në këtë moment përderisa policia është duke punuar intensivisht. Liria e medies në Shqipëri nuk ka qenë kurrë në situatën që është sot, në aspektin pozitiv. Kurrë më parë si sot media nuk ka pasur lirinë të thotë ccfarë të dojë, të shprehë ccdo këndvështrim, madje edhe në një aspekt të abuzojë me lirinë e saj në tërësi. Muk mund të mohoj se këto lloj ngjarjesh, kjo dhe jo vetëm kjo, kanë një mënyrë, shfaqje të agresivitetit që i bën shumë të dhunshme, të zhurmshme dhe shumë shqetësuese.

Pyetje: A duhet të mbajë një lloj përgjegjësie klasa politike, qoftë edhe ju?

Rama: Unë nuk flas në emër të klasës dhe nuk marr përsipër mëkatet e klasës. Nuk besoj që kjo goditje vjen si rezultat i një frustrimi popullor.ky është një agresion kriminal. Nuk dua të jap opinione dhe dua të përgëzoj Top Channel për faktin që ka qenë i vetëpërmbajtur në atë që mund të jetë natyrshëm përgjigjja në këto momente për të drejtuar gishtin./Albeu.com/

The post Rama flet për sulmin ndaj Top Channel: Kurrë më parë si sot media nuk ka pasur lirinë të thotë çfarë të dojë appeared first on Albeu.com.

Ambientet e Top Channel u sulmuan me armë rreth orës 01:00 (27 mars) dhe si pasojë humbi jetën roja i subjektit, Pal Kola, 61 vjeç.

Drejtori i Përgjithshëm i policisë Muhamed Rrumbullaku zhvilloi një mbledhje me strukturat ku u analizuan të gjitha provat nga vendi i ngjarjes si dhe nga mjeti i lënë pas nga autorët, i cili ndodhet në drejtorinë e policisë së Tiranës, ku i është nënshtruar disa kontrolleve të imtësishme nga ekspertët.

Burimet thonë se janë gjetur prova të vlefshme, të cilat janë përcjellë në laboratorin shkencor dhe pritet të nxjerrin profile ADN-je dhe shenja gishtash të cilat do të verifikohen nga databasat e policisë për të zbuluar nëse mund të ketë një emër për sulmin.

Ka persona të shumtë të shoqëruar si të dyshuar, që janë mbajtur në drejtoritë vendore e më pas janë përcjellë në policinë e Tiranës, ku i është bërë një ekzaminim për faktorë plotësues në duar për të parë nëse kanë qëlluar me armë zjarri.

Një pikë tjetër ku po fokusohen hetimet janë pamjet e kamerave të sigurisë dhe itinerari që kanë ndjekur autorët deri në “Përroin e Agait” ku braktisën mjetin dhe i vunë flakën dhe në brendësi lanë dy kallashnikovët, të cilët po ashtu po ekzaminohen nëse janë përdorur në ndonjë ngjarje tjetër kriminale apo jo./tch/

The post Plumbat e krimit vranë Palin e pafajshëm, gjenden prova të vlefshme, do të analizohen për profile ADN-je appeared first on Albeu.com.

Nga breshëria e plumbave mbeti I vrarë roja i sigurisë, Pal Kola.
Në një intervistë për “Shqipëria Live”, Altin Kreka tha se sulmi ndaj Top Channel ishte një akt i mirëmenduar me qëllim për të terrorizuar.

“Është ngjarje e mirëmenduar. Autorët kanë gjetur makinën, kanë vjedhur targat, kanë investuar para për këtë sulm. Duket që është akt terrorist për të dhënë një mesazh. Mesazh për të heshutr, për të indimiduar”, shprehet Kreka.

Kryeredaktori tha se ngjarja mund të ishte më tragjike pasi në godinë ndodheshin dhjetëra gazetarë dhe punonjës të tjerë.

“Fatkeqësisht humbi jetën babai i tre fëmijëve. Ngjarja mund të ishte më e rëndë. Pak minuta më para ka qenë stafi i lajmeve të edicionit të mesnatës. Pak minuta më pas ka qenë një tjetër staf që edhe njoftoi për ngjarjen.Të shohësh vendin tënd të punës vendngjarje, është një gjë që nuk ia uroj asnjë kolegu. Falenderoj kolegët që reaguan për këtë ngjarje.Është bërë për të terrorizuar. Qëllimi tyre ka qenë terrori. Terrori është dhe me vrasje, dhe me intimidim. Në atë orë të natës, në godinën tonë ka shumë njerëz që punojnë. Ai që e ka bërë nuk e ka menduar që godina do të ishte bosh. Aty ka qenë stafi i lajmeve, stafi teknik, regjia, siguria”, tha kryeredaktori./albeu.com/

The post Sulmi ndaj Top Channel, kryeredaktori: Akt terrorist, u rrezikua jeta e të gjithë stafit appeared first on Albeu.com.