Sipas Lleshajt, gjithçka që thuhet sa përket kësaj ngjarjeje pa u hetuar vetëm acaron më tej frymën politke në interes të atyre që nuk e duan vendin.

“Gjithçka që thuhet sot për këtë ngjarje janë dyshime të cilat vetëm sa mjegullojnë, turbullojnë dhe kontribuojnë për të acaruar një klimë politike, për hir të atyre që kanë interes të mbajnë një frymë të pandërprerë konflikti në këtë vend, se kush janë ata, nuk…”, tha Lleshaj.

Gjyqi publik që po i bëhet ngjarjes dhe akuzat e opozitës janë të shpejtuara, sipas ish-ministrit, i cili bëri thirrje që t’i lihet në dorë profesionistëve ta zbardhin ngjarjen.

The post “Sulmi ndaj Berishës jo rastësor”, Sandër Lleshaj: Dikujt i interesonte appeared first on Albeu.com.

Breçani po ashtu tregon se 31-vjeçari ka tentuar për t’iu afruar Berishës, derisa gjeti pikën e dobët, pikërisht kur ai po ecte dhe para tij ndodheshin gazetarët.

Pjesë nga biseda:

Erzen Breçani: Te PD kemi hapur kamerat dhe kemi parë, që personi ka tentuar edhe në oborrin e PD është sjellë rreth e qark badigardëve, atyre që e ruajnë fizikisht Berishën.

Blendi Fevziu: Që në oborrin e PD ka tentuar të godasë Berishën?

Erzen Breçani: Ka tentuar deri në momentin që e ka goditur dhe e ka gjetur pikën e dobët. Dhe është pika e dobët për çdolloj badigardi, është ndërhyrja përpara gazetarëve.

Blendi Fevziu: Pra ju po thoni që personi është parë nga kamerat e sigurisë të PD që ka qenë në oborrin e PD.

Erzen Breçani: Edhe në të gjitha deklarimet, se më pas ky nuk është i paidentifikueshëm, mbahet mend nga veshja, edhe ka tentuar të hyjë, bodigardët i kanë folur. Edhe thonë që ka tentuar të hyjë, që nga oborri. Dhe këtu ka gjetur momentin nga gazetarët. Ka qenë e pamundur për badigardët për t’u afruar.

Blendi Fevziu: Pra ka tentuar edhe më parë t’i afrohej?

Erzen Breçani: Ka tentuar për t’u afruar.

The post Breçani: 31-vjeçari u filmua përqark selisë blu, tentoi t’i afrohej Berishës që në oborr appeared first on Albeu.com.

Po ashtu ai tregoi se e kishte pyetur 31-vjeçarin përse e sulmoi Berishën dhe përgjigja që kishte marrë ishte: “Bëra atë që duhej bërë”.

“Isha 10 metra larg. Berisha ishte i mbrojtur në të gjithë perimetrin vetëm përpara ku ndodhen gazetarët. Me bodyguardët ka qenë e gjithë zona. Unë isha rreth 10 metra më përtej nën shoqërinë e ish oficerëve të liruar. Kur dëgjuam incidentin u afrova. Ne reagojmë sepse profesioni na detyron të reagojmë. Kam pasur një goditje pa dashje gjatë ndërhyrjes për ta marrë me vete. Ai edhe kur shtrihet në tokë vazhdon goditjet kundër simpatizantëve të PD. Kur unë shkova aty e ndërprenë goditjet. Nuk kishte punonjës policie afër. Ne e morëm, njoftuam sallën operative. E dërguam në ambientet e PD. Erdhën punonjësit e policisë së shtetit. I kërkova a ke dokument identifikimi. Nuk kishte as telefon me vete.

I tha emër mbiemër. Më tha bëra atë që duhej bërë. Nuk tha asnjë fjalë kush e ka futur dhe nga ka ardhur. I thashë me kë ke ardhur në protestë. Ishte i prerë. Thoshte duhet të bëja atë që duhej bërë. Nuk mu duk se ishte i çmendur. As telefon asgjë nuk kishte me vete. Nuk foli asnjë fjalë. Kur erdhi policia nuk e hapi gojën. Ata e vunë në pranga. Policia e kreu normal punën e saj. Detyrimisht policia erdhi me vonesë. Sepse ka një sallë operative. Ambulanca erdhi me punonjës të policisë për të marrë personin. Për kohën që kam qëndruar në PD, është parë në kamerat e sigurisë ka tentuar edhe në oborrin e PD është sjellë rreth e qark. E ka gjetur pikën e dobët, duke ndërhyrë para gazetarëve. Është i njëjti që ka tentuar të hyjë brenda. Kishte forcë fizike edhe goditjen e ka dhënë të mirë”, deklaroi ai

The post Sulmi ndaj Sali Berishës, Breçani tregon momentin e neutralizimit: Më goditën, autori nuk kishte as telefon me vete appeared first on Albeu.com.

Topalli u shpreh se sulme të ngjashme si ajo të cilës iu nënshtrua sot kreu i PD Sali Berisha kanë ndodhur edhe më parë në botë, por se ato i janë bërë politikanëve në pushtet, jo opozitarëve.

“Sulmet kanë ndodhur kur kanë qenë në opozitë por për kreun e opozitës nuk ka ndodhur.

Jemi në 2022, jo në 92, kanë kaluar aq shumë vite, brezi i ri është shumë më i lexuar e i kulturuar, nuk mund ta relativizoj këtë ngjarje kaq të errët. Uroj që të reflektojmë aq sa të kuptojmë që nëse vijohet kështu rrezikohet të shkojmë drejt luftës civile, jemi shumë pak të shkojmë drejt asaj se pak po ikin jashtë vendit”, tha ajo.

The post “Rrezikojmë të shkojmë në luftë civile”, Jozefina Topalli për sulmin ndaj Berishës: Uroj të reflektojmë appeared first on Albeu.com.

Është agjencia e mirënjohur e lajmeve Reuters që e pasqyron këtë ngjarje në detaje me video nga moment i grushtimit të befasishëm.

“Lideri i opozitës shqiptare u godit me grusht në fytyrë teksa po marshonte për të protestuar” është titulli i agjencisë britanike e lajmeve. Në lajmin që shoqëron videon thuhet se udhëheqësi i opozitës shqiptare Sali Berisha u godit me grusht në ndërsa ai drejtonte një turmë mbështetësish të partisë së tij në qendër të Tiranës për protestat antiqeveritare që po zhvillohen disa metra larg vendit të një samiti të BE-së.

Reuters thekson se mijëra mbështetës të opozitës u mblodhën në kryeqytet ndërsa Shqipëria priti samitin e parë BE-Ballkani Perëndimor, ku marrin pjesë krerët e vendeve anëtare të Bashkimit Evropian, për të protestuar kundër qeverisë së kryeministrit Edi Rama dhe për të kërkuar zgjedhje të parakohshme.

Agjencia aemrikane e lajmeve AP shkruan se Lideri i Partisë Demokratike të qendrës së djathtë të opozitës shqiptare u sulmua gjatë një proteste antiqeveritare të mbajtur pranë vendndodhjes se samitit të liderëve të Bashkimit Evropian dhe homologëve të tyre nga Ballkani Perëndimor në kryeqytetin shqiptar.

Sali Berisha, një ish-president dhe kryeministër 78-vjeçar, po drejtonte qindra protestues që po ecnin drejt zonës së samitit i shoqëruar nga ish-presidenti Ilir Meta kur një burrë nga mesi i turmës e goditi befas me grusht në fytyrë.

Sulmuesi u neutralizua me pas nga truprojat ndërsa Berisha u pa me fytyrë të gjakosur.
Opozita po protestonte për korrupsionin e pretenduar të kryeministrit Edi Rama, të cilin e fajësojnë edhe për krizën dhe rritjen e kostove së jetesës në vend si dhe eksodin e të rinjve shqiptarë që po largohen nga Shqipëria për një jetë më të mirë në vendet e Evropës Perëndimore.

Kryeministri Rama thotë se kabineti i tij e ka mbajtur inflacionin të ulët krahasuar me inflacionin dyshifror kudo në Evropë dhe ka vënë në dukje se qeveria subvencionon energjinë elektrike për familjet dhe bizneset e vogla.

Agjencia italiane e lajmeve ANSA shkruan se ish-kryeministri shqiptar dhe kryetari aktual i Partisë Demokratike, forca kryesore opozitare e qendrës së djathtë Sali Berisha u sulmua teksa po shkonte në një demonstratë të organizuar kundër qeverisë nga kryeministri Edi Rama, në ditën kur u mbajt samiti BE-Ballkani Perëndimor.

I riu nga Tepelena 31-vjeçari Gentian Shehu që goditi me grusht në fytyrë Berishën u ndalua menjëherë nga truprojat e ish-kryeministrit. Ansa shkruan se Berisha pasi u rrëzua në tokë, u ngrit brenda pak disa minutash duke vijuar rrugëtimin drejt vendit të protestës, pavarësisht hundës dhe faqeve të gjakosura.

Në emër të opozitës shqiptare, ai u bashkua, me protestuesit që akuzuan qeverinë për korrupsion.

Euroactiv agjensia evropiane e lajmeve me qendër në Bruksel shkuan se ndërsa liderët e BE-së dhe rajonalëve u takuan nën flamujt e Shqipërisë dhe Bashkimit Evropian në njërën skaj të bulevardit të kryeqytetit, në anën tjetër mijëra shqiptarë të zemëruar u mblodhën në proteste, duke brohoritur “Rama, ik” .

Protesta u organizua sipas euroactiv nga ish-kryeministri dhe presidenti Sali Berisha, bashkëthemeluesi i Partisë Demokratike të qendrës së djathtë dhe kreu i Partisë së Lirisë dhe ish-presidenti Ilir Meta.

Gazeta italiane Il Mondo citon Berishen te kete thene se njerëzit e opozitës, janë njerëzit e fitores që do të triumfojmë kundër regjimit të zuzarëve dhe kriminelëve./klannews

The post Sulmi ndaj Sali Berishës, mediat ndërkombëtare pasqyrojnë ngjarjen appeared first on Albeu.com.

Presidenti Begaj i konsideron këto akte të papranueshme dhe që bien ndesh me parimet e demokracisë dhe zhvillimin e protestave paqësore.

Kreu i Shtetit inkurajon autoritetet të hetojnë këtë rast dhune dhe të zbardhin sa më shpejt dinamikat e ngjarjes.

Liria e fjalës dhe tubimeve paqësore janë e drejtë kushtetuese dhe si të tilla duhet të garantohen dhe mbrohen.

The post Sulmi ndaj Sali Berishës, reagon Presidenti Begaj: Akt i papranueshëm appeared first on Albeu.com.