Sipas njopftimit të uniformave blu bëhet me dije se agresori me iniciale S.V vuan nga problemet shëndetësore.

Sipas informacioneve bëhet me dije se i moshuari ndodhet në spitalin rajonal të Fierit jashtë rrezikut për jetën, nën kujdesin e mjekëve.

Njoftimi i plotë i Policisë:

Fier/Informacion paraprak

Plagosi me mjet prerës (thikë) babain e tij, Policia kap dhe shoqëron autorin.

Pas marrjes së njoftimit se në Levan kishte ndodhur një konflikt në familje dhe për pasojë djali kishte plagosur babin e tij me thikë, shërbimet e Policisë kanë shkuar menjëherë në vendngjarje .

Falë veprimeve të shpejta e profesionale është bërë i mundur neutralizimi i autorit të dyshuar, shtetasit S.V., 47 vjeç, i cili vuan nga probleme të shëndetit mendor dhe kishte goditur me thikë në banesë babain e tij, shtetasin D.V, 80 vjeç.

Shtetasi S.V., është shoqëruar në Komisariatin e Policisë Fier për veprime të mëtejshme, ndërsa babai i tij shtetasi D.V., ndodhet në spitalin rajonal të Fierit jashtë rrezikut për jetën./albeu.com/

The post Godet me thikë babain, prangoset 47 vjeçari nga Fieri appeared first on Albeu.com.