Në një postim në X (ish-Twitter), Pahlavi shkruan se vdekja e liderit suprem iranian nuk përbën “fundin” dhe i fton iranianët të “rrëzojnë” Republikën Islamike. Ai thekson se populli duhet të përgatitet për “prani masive dhe vendimtare në rrugë” dhe i inkurajon edhe të bëjnë thirrje dhe të brohorasin nga shtëpitë gjatë natës.

Më herët, Pahlavi kishte bërë thirrje për zyrtarët iranianë që të “dorëzohen”, si dhe për forcat e armatosura dhe organet e rendit që të përdorin armët e tyre për të “mbrojtur popullin e madh iranian” dhe jo “republikën e krimit”, me qëllim që “të përfundojë sa më shpejt makthi” i regjimit.

Gjatë protestave të fundit kundër qeverisë në Iran, Reza Pahlavi u shfaq si figurë kryesore e opozitës, dhe në disa zona demonstruesit brohorisnin emrin e tij si simbol të rezistencës ndaj regjimit.

The post Trashëgimtari i ish-shahut të Iranit mesazh qytetarëve: Rrëzoni Republikën Islamike appeared first on Albeu.com.

Më herët gjatë së mërkurës, drejtori i Agjencisë së OKB-së për refugjatët palestinezë tha se dy predha tankesh goditën një ndërtesë ku po strehoheshin 800 persona në qytetin jugor të Han Junisit. Si pasojë e këtij sulmi raportohet se janë vrarë nëntë persona dhe 75 të tjerë janë plagosur.

“Ne dënojmë sulmin e sotëm në qendrën e trajnimit të OKB-së në Han Junis”, tha zëdhënësi i Departamentit amerikan të Shtetit, Vedant Patel.

“Më keni dëgjuar që e kam thënë edhe më parë, e keni dëgjuar edhe sekretarin [amerikan të Shtetit, Antony Blinken] që ka deklaruar më herët, civilët duhet të mbrohen dhe natyra e mbrojtur e ndërtesave të OKB-së duhet të respektohet”, shtoi ai për gazetarët.

I pyetur nëse SHBA-ja ishte në kontakt me Izraelin lidhur me sulmin, Patel refuzoi të japë detaje të bisedave, por tha: “ne synojmë të vazhdojmë të kemi biseda të tilla me Qeverinë izraelite dhe të ngremë këto situata të rënda dhe të vështira”.

“Punëtorët humanitarë duhet të mbrohen në mënyrë që ata të vazhdojnë t’iu japin ndihmë humanitare civilëve”, tha Patel.

Drejtori i Agjencisë së OKB-së për refugjatët palestinezë, Thomas White, tha se dy predha tankesh goditën një qendër të trajnimit të agjencisë, që është shndërruar në strehimore për palestinezët që po i ikin luftimeve.

Ai shkroi në X – që më herët njihej si Twitter – se punëtorët e agjencisë nuk kanë arritur të shkojnë në zonën ku ndodhi sulmi, për shkak se rrugët janë të bllokuara.

Një sulm i ngjashëm ndaj një ndërtese të OKB-së la të vrarë gjashtë persona, njoftoi kjo agjenci e OKB-së më herët gjatë javës.

Ushtria izraelite një ditë më parë njoftoi se ka rrethuar Han Junisin, që gjendet në jug të Gazës. Ndërkaq, të mërkurën tha se në këtë qytet po zhvillohen beteja të ashpra me luftëtarët e Hamasit.

Që nga nisja e ofensivës izraelite në Gazë, mbi 25.000 palestinezë janë vrarë, sipas Ministrisë së Shëndetësisë në territorin e udhëhequr nga Hamasi. Kjo ministri nuk bën dallimin midis civilëve dhe luftëtarëve të vrarë, por ka thënë se shumica e viktimave ishin gra dhe fëmijë.

The post SHBA-ja dënon sulmin në strehimoren e OKB-së në Gazë appeared first on Albeu.com.