Raisi vuri në dukje se sulmi ndaj Izraelit, ishte një njoftim për SHBA-të dhe “përkrahësit e regjimit sionist” se forcat e armatosura iraniane janë të gatshme për t’u mbrojtur.

“Dëshiroj t’u them vendeve të rajonit se forcat tona ushtarake janë krijuesit e sigurisë, paqebërësit, se ato i japin autoritet rajonit dhe se janë plotësisht të besueshme”, tha Raisi dhe u tha vendeve përreth që të mos bashkëpunojnë me Izraelin dhe se “nuk ka nevojë për forca të huaja” në rajon.

Presidenti i Iranit, theksoi se fuqia ushtarake e këtij vendi nuk menaxhohet nga forcat e huaja, por se përfaqëson autoritetin e “kombit të madh të Iranit”.

Raisi shtoi se forcat ushtarake janë me popullin dhe se vendet e rajonit mund të mbështeten te Irani, dhe ai u tha forcave të armatosura të Iranit se ata duhet të jenë krenarë për mbështetjen e ofruar për popullin palestinez në Gaza gjatë sulmit në Gaza nga Izraeli.

The post Irani: Sulmi i ardhshëm hakmarrës kundër Izraelit nuk do të jetë i kufizuar appeared first on Albeu.com.

Në këtë mbledhje, në të cilën Izraeli dhe Irani akuzuan njëri-tjetrin se po kërcënojnë paqen në Lindjen e Mesme dhe se secili prej tyre, i bëri thirrje këtij institucioni që të vendosë sanksione ndaj palës tjetër.

“Lindja e Mesme është në prag. Populli i rajonit po përballet me kërcënimin real të një konflikti shkatërrues në shkallë të plotë. Tani është koha që të shtensionohet situata”, tha Guterres në mbledhjen e thirrur pas sulmeve me raketa dhe dronë që kreu Irani ndaj Izraelit.

Guterres bëri thirrje për përmbajte, duke theksuar se “as rajoni, e as bota, nuk mund të përballojë më shumë luftë”.

Por, Izraeli dhe Irani akuzuan njëri-tjetrin për destabilizimin e situatës në rajon.

“Maskat po bien. Irani, sponsori numër një i terrorit në botë, e ka treguar fytyrën e vërtetë si një destabilizues i rajonit dhe botës”, tha ambasadori izraelit në OKB, Gilad Erdan.

“Maskat po bien dhe duhet të vishen dorezat”, tha ai, duke i bërë thirrje Këshillit të Sigurimit që “të ndërmarrë veprime”.

Erdan i kërkoi Këshillit të Sigurimit që të shpallë Gardën Revolucionare të Iranit, si organizatë terroriste dhe “të vendosen të gjitha sanksionet e mundshme ndaj Iranit para se të jetë shumë vonë”.

Në veçanti, ai kërkoi që të aktivizohej një mekanizëm që do t’u mundësonte shteteve që nënshkruan marrëveshjen bërthamore me Iranin më 2015-nga e cila Shtetet e Bashkuara, u largua më 2018-të rivendosin sanksionet ndërkombëtare ndaj Teranit.

“Ne kemi një përgjegjësi kolektive si anëtarë të Këshillit të Sigurimit që të sigurohemi që Irani të respektojë rezolutat e Këshillit dhe të ndalë shkeljet e Kartës”, tha zëvendësambasadori amerikan në OKB, Robert Wood.

Ai shtoi se në ditët në vijim, SHBA-ja do të “eksplorojë masa shtesë për të mbajtur përgjegjës Iranit”.

Të shtunën në mbrëmje, Irani nisi një sulm direkt ndaj armikut të tij të përbetuar Izraelit, duke lëshuar mbi 300 dronë dhe raketa.

Pothuajse të gjithë dronët dhe raketat, u shkatërruan nga Irani dhe shtetet e tjera, përfshirë SHBA-në, Jordaninë dhe Britaninë.

Irani tha se sulmi u krye në kundërpërgjigje të sulmit vdekjeprurës ajror, ndaj Konsullatës së Teheranit në Damask të Sirisë më 1 prill.

Për këtë sulm, në të cilin u vranë shtatë anëtarë të Gardës Revolucionare përfshirë dy gjeneralë, Irani ka fajësuar Izraelin.

Gjatë mbledhjes së jashtëzakonshme, ambasadori i Iranit në OKB, Amir Saeid Iravani insistoi se Republika Islamike po “ushtron të drejtën e saj të qenësishme të vetëmbrojtjes”.

“Këshilli i Sigurimit ka dështuar në detyrën e tij që të ruajë paqen dhe sigurinë ndërkombëtare”, tha Iravani.

Prandaj, Teherani “nuk kishte zgjidhje”, pos të përgjigjej, tha ai, duke shtuar se shteti i tij “nuk kërkon përshkallëzim apo luftë”, por do të përgjigjet ndaj çdo “kërcënimi apo agresioni”.

Në fjalën e tij, ai po ashtu hodhi akuza në drejtim të Izraelit.

“Është koha që Këshilli i Sigurimit të marrë përgjegjësinë e tij dhe të trajtojë kërcënimin real ndaj paqes dhe sigurisë ndërkombëtare”, tha Iravani.

Sipas tij, Këshilli “duhet të marrë masa urgjente dhe ndëshkuese për të detyruar këtë regjim që të ndalojë gjenocidin ndaj popullit të Gazës”.

Rritja e tensioneve mes Izraelit dhe Iranit, po ndodh në kohën kur lufta mes Izraelit dhe Hamasit-grupit palestinez të shpallur organizatë terroriste nga SHBA-ja dhe Bashkimi Evropian-në Gazë ka hyrë në muajin e shtatë.

Lufta nisi pasi grupi radikal palestinez sulmoi Izraelin, duke vrarë 1.200 persona, shumica civilë, dhe duke rrëmbyer 250 të tjerë.

Ndërkaq, si pasojë e ofensivës izraelite në gazë janë vrarë më shumë se 33.000 persona, shumica gra dhe fëmijë, sipas autoriteteve lokale shëndetësore.

Që nga revolucioni në Iran më 1979, Teherani e ka konsideruar Izraelin si armik dhe ka bërë thirrje për shkatërrimin e tij.

Deri më tani, Teherani ishte përmbajtur nga një sulm direkt ndaj Izraelit, por dy shtetet janë konfrontuar me njëri-tjetrin përmes palëve të treta.
Sipas tij, Këshilli “duhet të marrë masa urgjente dhe ndëshkuese për të detyruar këtë regjim që të ndalojë gjenocidin ndaj popullit të Gazës”.

Rritja e tensioneve mes Izraelit dhe Iranit po ndodh në kohën kur lufta mes Izraelit dhe Hamasit – grupit palestinez të shpallur organizatë terroriste nga SHBA-ja dhe Bashkimi Evropian – në Gazë ka hyrë në muajin e shtatë.

Lufta nisi pasi grupi radikal palestinez sulmoi Izraelin, duke vrarë 1.200 persona, shumica civilë, dhe duke rrëmbyer 250 të tjerë. Ndërkaq, si pasojë e ofensivës izraelite në gazë janë vrarë më shumë se 33.000 persona, shumica gra dhe fëmijë, sipas autoriteteve lokale shëndetësore.
Që nga revolucioni në Iran më 1979, Teherani e ka konsideruar Izraelin si armik dhe ka bërë thirrje për shkatërrimin e tij.

Deri më tani, Teherani ishte përmbajtur nga një sulm direkt ndaj Izraelit, por dy shtetet janë konfrontuar me njëri-tjetrin përmes palëve të treta.

The post Antonio Guterres thirrje Iranit dhe Izraelit: Rajoni e bota nuk mund të përballojnë më shumë luftë appeared first on Albeu.com.

Trump theksoi se; sulmi nuk do të kishte ndodhur nëse në krye të Shtëpisë së Bardhë, do të ishte ai vetë.

“Kjo nuk duhet të lejohej të ndodhte kurrë – kjo nuk do të kishte ndodhur kurrë nëse unë do të isha President”, shkruan Trump në ‘Truth Social’.

Sakaq, Joe Biden, ka kërkuar një takim me liderët e G 7, ku përfshihen vendet më të industrializuara të botës, ku do të diskutohen hapat e mëtejshme të situatës midis Izraelit dhe Iranit.

Italia, e cila aktualisht mban presidencën e radhës të G7, ka bërë thirrje për një takim virtual për të diskutuar sulmin.

Një takim tjetër urgjent, pritet të mbahet edhe në Këshilli i Sigurimit i OKB-së mbi të njëjtën tematikë.

Takimi i Këshillit të Sigurimit, është kërkuar nga vetë Izraeli.

Ushtria izraelite, bëri të ditur se Franca ishte ndër vendet e përfshira në mbrojtjen kundër sulmit të Iranit ndaj Izraelit.

“Franca ka teknologji shumë të mirë, avionë, radarë”, tha zëdhënësi kryesor ushtarak i Izraelit.

Për sa i përket Kinës, ajo nuk i ka dënuar sulmet e Iranit.

Në një deklaratë, ajo tha se ishte “thellësisht për përshkallëzimin aktual”, dhe bëri thirrje “palëve përkatëse të qëndrojnë të qetë për të shmangur përshkallëzimin e mëtejshëm të tensioneve”.

The post Donald Trump: Nëse do të isha unë president, sulmi ndaj Izraelit nuk do të kishte ndodhur appeared first on Albeu.com.

Mbrëmjen mes 13 dhe 14 prillit, Irani sulmoi Izraelin me dronë dhe raketa, në shenjë hakmarrjeje për një sulm vdekjeprurës në konsullatën e tij në Siri, më 1 prill.

Ndonëse Irani e akuzoi Izraelin për kryerjen e këtij sulmi, ky i fundit as nuk e konfirmoi, as nuk e mohoi.

Izraeli tha se rreth 300 dronë dhe raketa u hodhën nga Irani, ndërsa disa të tjera edhe nga Iraku dhe Jemeni.

Forca e Mbrojtjes e Izraelit tha se 99% e tyre u rrëzuan përpara se të hynin në hapësirën ajrore izraelite.

Presidenti amerikan, Joe Biden, tha se SHBA-ja e ndihmoi Izraelin që “t’i rrëzonte pothuajse të gjitha”.

Mbretëria e Bashkuar dislokoi avionët e saj luftarakë në rajon. Kjo është hera e parë që Teherani e sulmon drejtpërdrejt Izraelin.

Misioni i Iranit në OKB e citoi dispozitën e Kartës së OKB-së për vetëmbrojtje dhe tha se e konsideron operacionin “çështje të përfunduar”.

Megjithatë, paralajmëroi se do të përdorë më shumë forcë nëse Izraeli përgjigjet në të njëjtën mënyrë.

The post Sulmi iranian/ Netanyahu: Ne do të fitojmë appeared first on Albeu.com.

Kështu njoftoi ushtria izraelite, e cila u shpreh e vendosur për t’ju përgjigjur deri në fund sulmeve të tilla.

Në një konferencë për mediat, zëdhënësi i Forcave të Mbrojtjes të Izraelit, Daniel Hagari, tha gjithashtu se disa prej raketave gjatë natës ishin nga Iraku dhe Jemeni.

“Së bashku me Shtetet e Bashkuara dhe partnerë shtesë, ne arritëm të mbronim territorin e shtetit të Izraelit. U shkaktuan shumë pak dëme – ky është rezultat i operacioneve mbresëlënëse të IDF”, tha ai.

Më tej, ai u shpreh se u lëshuan 30 raketa lundrimi, asnjëra prej të cilave nuk shkoi në Izrael, si dhe 120 raketa balistike.

Media amerikane, CNN, duke cituar burime të sigurta thotë se sulmi iranian ndaj Izraelit zgjati rreth pesë orë.

The post Sulmi iranian/ Ja sa dronë dhe raketa u rrëzuan nga Izraeli dhe partnerët appeared first on Albeu.com.

Zëdhënësja e Këshillit të Sigurisë Kombëtare, Adrienne Watson, tha se një nga ushtarët amerikan ishte plagosur rëndë nga sulmi që ndodhi në orët e para të ditës së hënë.

Grupi i armatosur i mbështetur nga Irani, ‘Kataib Hezbollah’ dhe grupet e lidhura me të, nën një ombrellë të militantëve të mbështetur nga Irani, morën përsipër sulmin me dron.

Zyrtarët irakianë thanë se sulmet ajrore amerikane ndaj grupeve të armatosura vranë një militant dhe plagosën 18 të tjerë herët të martën. Sulmet vinë ndërsa është shtuar droja lidhur me rrezikun e përhapjes së një konflikti rajonal si pasojë e luftës së Izraelit kundër Hamasit.

Irani njoftoi të hënën se një sulm izraelit në periferi të kryeqytetit sirian të Damaskut vrau një nga gjeneralët e tij kryesorë, Razi Mousavi, i cili kishte qenë një mik i ngushtë i gjeneralit Qassem Soleimani, ish-kreu i forcave iraniane elitë. Soleimani u vra në Irak nga një sulm amerikan me dron në janar të vitit 2020.

Zyrtarët iranianë janë zotuar të marrin hak për vrasjen e gjeneralit Mousavi, por deri tani nuk kanë vepruar. Sulmi i grupit të armatosur të hënën në pjesën veriore të Irakut ndodhi përpara sulmit në Siri që eliminoi gjeneralin iranian.

Presidenti Biden, i cili ndodhej për Krishtlindje në vendpushimin presidencial “Camp David”, u njoftua për sulmin nga këshilltari i Shtëpisë së Bardhë për Sigurinë Kombëtare, Jake Sullivan, pak pasi ai ndodhi të hënën. Presidenti i dha urdhër Pentagonit dhe zyrtarëve të lartë që të hartonin alternativa ndaj sulmit mbi bazën ajrore të Irbilit që përdoret nga ushtria amerikane.

Brenda pak orësh, Presidenti Biden mblodhi ekipin e tij të sigurisë kombëtare. Shefi i Pentagonit Lloyd Austin dhe Gjenerali CQ Brown, Shef i Shtatmadhorisë Amerikane, e informua Presidentin Biden përmes një telefonate mbi alternativat e kundërpërgjigjes.

Presidenti Biden vendosi goditjen e tre objektivave të përdorura nga grupi militant ‘Kataib Hezbollah’ dhe grupet e lidhura me të, tha një zyrtar amerikan me dijeni për çështjen.

Sulmet ajrore amerikane ndodhën të martën rreth orës 4:45 të mëngjesit në Irak, më pak se 13 orë pasi u sulmua personeli amerikan. Sipas Komandës Qendrore të Shteteve të Bashkuara, sulmet hakmarrëse “shkatërruan objektet e synuara dhe ka gjasa të kenë vrarë një numër militantësh të organizatës Kataib Hezbollah”.

“Përparësia më e lartë e presidentit është mbrojtja e ushtarëve amerikanë që shërbejnë në kushte të rrezikshme”, tha zonja Watson. “Shtetet e Bashkuara do të reagojnë në kohën dhe mënyrën që zgjedhin nëse vazhdojnë sulmet”.

Sulmi i fundit ndaj trupave amerikane vjen pas disa muajsh përshkallëzimi kërcënimesh dhe sulmesh kundër forcave amerikane në rajon, pas sulmit të Hamasit në Izrael më 7 tetor që shkaktoi luftën shkatërrimtare në Gaza.

Shkëmbimet e zjarrit janë shtuar që kur grupet militante të mbështetura nga Irani, nën grupin ombrellë të quajtur Rezistenca Islamike në Irak dhe Siri, filluan të godasin objektet amerikane më 17 tetor, datë kur një shpërthim në një spital në Gazë vrau qindra njerëz.

Grupet e mbështetura nga Irani kanë kryer më shumë se 100 sulme ndaj bazave amerikane në Irak dhe Siri që nga fillimi i luftës Izrael-Hamas më shumë se dy muaj më parë.

Në nëntor, avionët luftarakë amerikanë goditën një qendër operacionale të organizatës ‘Kataib Hezbollah’ dhe një nyje komande dhe kontrolli, pas një sulmi me raketa balistike me rreze të shkurtër veprimi ndaj forcave amerikane në bazën ajrore Al-Assad në Irakun perëndimor.

Grupet e mbështetura nga Irani kryen gjithashtu një sulm me dron mbi të njëjtën bazë ajrore në tetor, duke shkaktuar lëndime të lehta. Shtetet e Bashkuara e kanë fajësuar Iranin edhe për sulmet e militantëve Houthi në Jemen kundër anijeve tregtare dhe ushtarake në Detin e Kuq.

The post Sulmoi trupat amerikane në Irak, avionët e SHBA-së godasin grupin e lidhur me Iranin appeared first on Albeu.com.