Veç ushtarëve të vrarë nga të dy palët, edhe shumë civilë ukrainas janë sulmuar nga forcat ruse dhe kanë humbur jetën.

Gjermania ka përgjuar mesazhet radiofonike të ushtarëve rusë që dyshohet se kanë pranuar vrasjen e  civilëve në Bucha, sipas Der Spiegel, shkruan skyneës.

Mesazhet radiofonike korrespondonin me vrasjen e shumë civilëve që janë bërë publike tashmë. Në njërin prej mesazheve, një ushtar diskuton të qëllojë dikë nga biçikleta.

Rikujtojmë se në rrjetet sociale është shpërndarë gjerësisht fotoja e një civili të shtrirë pranë një biçiklete në periferi të Kievit. Një zëdhënës i qeverisë gjermane nuk pranoi të komentojë mbi raportin, ndërsa Rusia ka mohuar kryerjen e krimeve të luftës në Bucha.

The post Gjermania përgjon mesazhet e ushtarëve rus, zbulohet çfarë kanë pranuar appeared first on Albeu.com.