Ndërkohë, kryebashkiaku i Mariupol është shprehur se forcat ruse kanë vrarë dy herë më shumë civilë se nazistët.

“Rusët kanë vrarë dy herë më shumë civilë në Mariupol sesa gjermanët nazistë”, ka thënë Vadim Bichenko.

Nga ana tjetër një zëdhënës i ministrisë së mbrojtjes së Ukrainës tha se rusët kishin shtuar sulmet e tyre në Ukrainën lindore, duke shtuar forcat e tyre dhe duke shtuar se ata planifikonin të aneksonin sa më shumë territor që të ishte e mundur.

The post “Rusët vranë dy herë më shumë civilë se nazistët” appeared first on Albeu.com.

Gjatë ditës se sotme, gjashtë persona janë gjetur të vrarë në bodrumin e një ndërtese jashtë Kievit.

Lajmi u bë i ditur nga prokurori i përgjithshëm ukrainas, gjatë një deklarate ditën e martë.

“Trupat e gjashtë civilëve me plagë me armë zjarri u gjetën në një bodrum gjatë një inspektimi të një rezidence private”, tha prokurori i përgjithshëm, duke shtuar se vrasjet ndodhën në Brovary, jashtë kryeqytetit Kiev.

Deklarata nuk identifikon të dyshuarit në këtë rast, por përmend vrasjen e civilëve nga anëtarët e shërbimit rus gjatë okupimit. /albeu.com/

The post Ukraina ndan lajmin: 6 persona u gjetën të vrarë në një bodrum pranë Kievit appeared first on Albeu.com.

Ministria e Punëve të Brendshme njoftoi se bashkë me Prokurorinë Publike, në mënyrë intensive po ndjekin të gjitha deklaratat dhe komentet në rrjetet sociale rreth ngjarjeve në Ukrainë.

Sipas tyre, në përputhje me kompetencat ligjore do të ndërmarrin masa kundër të gjithë atyre që publikisht do të miratojnë ose justifikojnë genocidin, krimet kundër njerëzimit ose krimet e luftës.

MPB thotë se kjo dënohet sipas nenit 407-a të Kodit Penal.

“Ligji parashikon se kushdo që publikisht mohon, minimizon, miraton dhe justifikon akte të tilla nëpërmjet një sistemi informacioni, dënohet me burg nga një deri në pesë vjet. Nëse vepra është kryer me qëllim të nxitjes së urrejtjes, diskriminimit ose dhunës ndaj një personi ose grupi personash për shkak të përkatësisë së tyre kombëtare, etnike ose racore ose fetare, kryesi i veprës dënohet me së paku katër vjet burgim. Në nenin 404 të Kodit Penal, nga ana tjetër, saktësisht thuhet se çfarë përfshin termi krim lufte kundër civilëve”, sqarojnë nga MPB.

MPB apelon deri te qytetarët që në rast se vërejnë raste të tilla të lajmërojnë në e-mailin cybercrime@moi.gov.mk./albeu.com/

The post Maqedonia merr vendim: Burg deri në 5 vjet nëse arsyetoni krimet e luftës në Ukrainë appeared first on Albeu.com.