Kështu u shpreh sot pas mbledhjes së Këshillit të Ministrave, Delina Ibrahimaj, ministrja e Ekonomisë dhe Inovacionit, duke iu përgjigjur interesit të mediave.

Teksa njoftoi edhe miratimin e një projektligji të ri në Qeveri që lidhej me sigurinë e të dhënave personale dhe mbrojtjen kibernetike, ajo tha se “e rëndësishme është që nuk ka dëme të riparueshme nga këto sulme”.

“Nuk ka pasur dëme të pariparueshme në sisteme, nuk janë marrë të dhëna. E rëndësishme është se nuk ka dëme të pariparueshme. Qëllim është vëzhgimi dhe kontrollimi i të gjitha sulmeve kibernetike në vazhdim. E ardhmja është dixhitale. Infrasktruktura e ngritur në kohë rekord që nga sulmi i parë iranian vite më parë është infrastrukturë me nivel të lartë. Por ne nuk mund t’i ndalojmë dot sulmet kibernetike, kjo sa i përket sigurisë kibernetike, por ne mund të monitorojmë dhe parandalojmë që të mos ketë dëme të riparueshme”, tha Ibrahimaj mes të tjerash.

E pyetur për sulmin ndaj AKSHI-t, ku është raportuar se janë vjedhur një sasi e madhe e të dhënave personale të qytetarëve por dhe institucioneve, Ibrahimaj e mohoi, duke deklaruar se deri tani nuk ka konkluzion zyrtar dhe penal nga Prokuroria dhe Gjykata se këto të dhëna janë përdorur nga keqbërësit.

“Fakti që të dhënat janë përdorur për interes privat është një opinion. Nuk jam në dijeni të këtij informacioni nga ana e Prokurorisë dhe kur Prokuroria e Gjykata të dalë me një qëndrim atëherë do kemi opinion të plotë.

Monitorimi është i vazhdueshëm, sulmet janë gjithmonë me instrumente të reja teknologjike dhe ne jemi të fokusuar këtu, që të mos ketë goditje të pariparueshme”, tha ministrja socialiste.

The post Ministrja Ibrahimaj flet për hakërrimin e institucioneve nga iranianët: Dëmet janë të riparueshme, nuk mund t’i ndalim dot sulmet kibernetike appeared first on Albeu.com.

Këta të fundit përcollën edhe një mesazh në “Telegram”, duke thënë se “do të paguajnë edhe ata që kanë zënë karriket e Kuvendit.”

Në një intervistë televizive, eksperti i kriminalistikës, Ervin Karamuço, u shpreh se këto të dhëna mund të blihen me bitcoin.

Gjithashtu, Karamuço ngriti dyshimet se këto sulme nuk mund të jenë kryer nga iranianët, por nga grupe IT që mirëmbahen dhe kontrollen nga grupet kriminale.

“Janë bërë 24 orë, kemi një kompani telefonike, ajrore dhe kuvendin e Shqipërisë. Pavarësisht kësaj, dëmi më i madh është tek kompania e telekomunikacionit dhe ajrore sepse aty ka të dhënat. Me këtë kanë shumë të dhëna që na kanë vjedhur në një vit. Këto të dhëna kanë filluar të blihen me bitcoin nga grupet kriminale, disa për t’u vendosur në servera në kamerat që kanë vëzhgimet e territoreve. Një database me të gjithë kamerat tani në treg është 300 mijë euro. Iranianët pretendojnë se erdhën nga kampi i MEK dhe ende nuk ka të dhëna se sulmet janë bërë me ato kompjutera. Duhet të ketë një grup tjetër këtej vërdallë që ne nuk e dimë, që i përdorin iranianët dhe bëjnë kot makinacione”, theksoi Karamuço.

The post Sulmet kibernetike, dyshimet e ekspertit Ervin Karamuço appeared first on Albeu.com.

Duke filluar nga e premtja e kaluar, serverët e ekspozuar VMWare ESXi u vunë në shënjestër na një sulm ESXiArgs ransomWare.

Që pas asaj dite, këto sulme kriptuan 2,800 servera, sipas një liste adresash Bitcoin të mbledhura nga këshilltari teknik i CISA (Agjencia e Infrastrukturës së Sigurisë) Jack Cable.

Ndërkohë që shumë pajisje u koduan, kjo fushatë ishte kryesisht e pasuksesshme pasi sulmuesit nuk arritën të enkriptonin (Flat Files) skedarët e sheshtë ku ruhen të dhënat e disqeve virtuale.

Ky gabim lejoi Enes Sonmez & Ahmet Aykac pjesë të ekipit të teknologjisë “Yregroup” të hartonin një metodë për të rindërtuar makinën virtuale nga skedarët e sheshtë të pa koduar.

Kjo metodë ka ndihmuar shumë njerëz në rikuperimin e serverave. Për disa të tjerë ky proçes ka qenë i komplikuar ndaj shumë njerëz kërkojnë ndihmë në nismën tonë të mbështetjes ESXiArgs.

Script lëshuar për automatizimin e rikuperimit:

Për të ndihmuar përdoruesit në rikuperimin e serverëve të tyre, CISA lëshoi një skenar ESXiArgs-Recover në GitHub për të automatizuar këtë proçes.

“CISA është e vetëdijshme mbi raportimin e disa organizatave të cilat patën sukses në rikuperimin e skedarëve pa paguar shpërblim. CISA përpiloi këtë mjet bazuar në burime informacioni të aksesueshme nga publiku, duke përfshirë gjithashtu një tutorial shoqërues nga Enes Sonmez dhe Ahmet Aykac”.

“Ky mjet funksionon duke rindërtuar metadata të makinës virtuale me anë të disqeve virtuale jo të kriptuara nga virusi.”

Ndërsa projekti i publikuar në GitHub ka hapat e nevojshëm për rikuperimin e makinave virtuale, skenari do të pastrojë skedarët e kriptuar të një makine virtuale dhe më pas do të përpiqet të rindërtojë skedarin .vmdk të saj duke përdorur skedarin e sheshtë të pakriptuar.

Së fundmi, nëse hapat mbyllen me sukses, do të keni mundësinë të regjistroni makinën virtuale në VMWare ESXi për të fituar sërisht akeses në të.

Gjatë viteve të fundit, ekipi ynë i Gold N Links ka hasur sulme të shumta, nga hakerat individualë deri tek sulmet e sponsorizuara nga shteti ndaj kompanive të ndryshme, nga kompanitë e vogla fintech deri tek ndërmarrjet dhe sistemet qeveritare. Si të tillë, ne kemi trajtuar sulme dhe incidente të panumërta, duke përfshirë: DDOS, malware të përparuar dhe sulme të nivelit të lartë kundër infrastrukturës së qeverisë Izraelite. Nepërmjet bashkëpunit që TCE ka me Gold N Links dhe Western Balkans University të gjitha këto shërbime mund të përfitohen nga kompanitë në Shqipëri./tce.al

The post Sulmet kibernetike, agjencitë amerikane të sigurisë publikojnë skenarin për rikuperimin e serverave appeared first on Albeu.com.

Kim u ndal te ndihma që Shtetet e Bashkuara i ofruan qeverisë shqiptare pas sulmit kibernetik të Iranit.

Ajo shtoi se SHBA-ja ka punuar përkrah Shqipërisë dhe se 50 mln dollarë janë në mbështetje ndaj sulmeve kibernetike.

Kim: SHBA kanë punuar përkrah Shqipërisë së bashku me aleatët tanë duke reaguar ndaj Iranit. Është e qartë që Shqipëria dhe SHBA duhet të identifikojnë mbrojtjen e përbashkët. Janë plot 50 milionë dollarë në mbështetje të mbrojtjes ndaj sulmeve kibernetike për Shqipërinë. Ky është vetëm fillimi i asistencës dhe nuk është plotësia e saj. Që në 2017-ën kemi nisur ndihmën me sektorin e energjisë. Po punojmë edhe me sektorin privat. Ne s’mund të bëjmë mbrojtjen tuaj, por jemi pranë jush për t’ju ndihmuar”, u shpreh ndër të tjera ambasadorja amerikane në Tiranë./Albeu.com/

The post Sulmet kibernetike nga Irani, SHBA 50 mln dollarë mbështetje për Shqipërinë appeared first on Albeu.com.

Hakerat iranianë kanë bërë publike edhe llogaritë bankare të qytetarëve.

Sipas ekspertit, hakerat nuk merren më me qeverinë, por tashmë e kanë fokusin te bankat dhe nuk kanë qëllim të vjedhin. Ata duan të krijojnë panik, tha eksperti në Abc.

Karamuço: Ka të dhëna për spiunazh të mundshëm pas gushtit. Ne dijeninë time, ka pasur dhe raste te tjera të një niveli më të ulet. Disa agjentë janë ndaluar para se t’i bënin këto sulme. Ka pasur tentativa dhe mbrëmë ka dalë informacione nga një bankë, është thyer sekreti bankar. Hakerat nuk kanë mundësi të vjedhin bankën dhe qytetarët, thjesht duan të krijojnë panik.

Ata vazhdojnë të sulmojnë, kanë lënë qeverinë dhe kane vazhduar me bankat. Çuçi tha se duhet të ngrihet Qendra e Mbrojtjes Kibernetike që ne të kemi një koordinim me institucionet dhe të dimë si të mbrohemi. Ne sulmin e kaluar ne nuk dinim se çfarë ishin sulmet kibernetike nuk ishim të trajnuar. Pësimet janë kthyer në mësime për ne. /Albeu.com.

The post “Hakerat nuk vjedhin dot lekët e qytetarëve nëpër banka”, Karamuço: E bëjnë për panik appeared first on Albeu.com.

Gjatë fjalës së mbajtur pasditen e sotme me temë kryesore sulmet kibernetike, kreu i qeverisë ka shmangur pyetjen e njëri prej gazetarëve lidhur me atë çfarë shkaktuan sulmet kibernetike në vendin tonë.

Si deklaroi se këtë pyetje e shmangu që në hyrje duke u justifikuar me mosmjaftimin e kohës.

Pyetja ime është për zotin Edi Rama. A mund të ndani me ne që nuk e kanë ndjekur shumë afër sulmin, disa nga ndikimet dhe pasojat konkrete që vendi juaj përjetoi prej këtij sulmi dhe cila ka qenë përgjigja më e shpejtë që mundët të jepnit?

Edi Rama: E shmanga këtë në hyrje sepse do të ishte e ndërlikuar për kohën që kemi në dispozicion. Në Davos mund të nisesh vonë, por nuk mund të përfundosh vonë sepse janë të tjerë që duhet të vijnë të zënë sallën.

Do të përpiqem që të flas në mënyrë sa më të sintetizuar të jetë e mundur. Ajo çfarë kemi bërë është që e konsideruam teknologjinë si barkën e shpëtimit për të shkuar nga një nivel administrimi, që ishte mjaft i ndotur nga korrupsioni endemik, sa i përket ryshfeteve, në një nivel ku kontakti i drejtpërdrejtë midis qytetarëve dhe nëpunësve publikë dhe zyrave u eliminua përmes ndërveprimit online. Ia dolëm kështu të shndërroheshim nga një vend i cili ishte vërtetë në fund në këtë drejtim tek një vend i cili është i teti i renditur në Europë dhe i 16-17 në botë sipas Kombeve të Bashkuara për vendet që përdorin shërbimet digjitale.

Por pikërisht aty donin të na dëmtonin autorët e hacker-imit, praktikisht duke synuar që të asgjësonin tërësisht infrastrukturën tonë digjitale dhe të fshinin tërësisht të dhënat tona të lidhura me shërbimet publike.

Ishte shumë shqetësuese sepse për javë të tëra ishte një luftë e jashtëzakonshme që po ndodhte në internet, 24 orë në 7 ditë të javës, shumë njerëz të përkushtuar në llogore për t’i sprapsur dhe ia dolëm t’i mbijetonin këtij sulmi duke mos i lënë që të bënin atë çfarë donin të bënin.

Përmes një analize shumë tërësore që ne e bëmë përmes ekipit kundër kërcënimeve të Microsoft dhe ekipit të FBI arritën në përfundimin se ishte absolutisht e qartë se pas këtij sulmi ishte një shtet dhe konkretisht Irani. Ky është një sulm që i atribuuam Iranit bazuar në fakte.

Ana tjetër e pranisë të frikshme të krimit kibernetik në jetët tona është se nuk është njësoj si dikush që të hyn në shtëpi, të shpërthen derën apo të thyen dritaren dhe hyn. Kiberkriminelët mund të jenë në shtëpinë tënde dhe ti nuk e di që i ke aty.

Pra, janë depërtime dhe është njësoj si të marrësh e të vendosësh mina me sahat dhe të përcaktosh ditën, kohën kur të shpërthesh minën dhe deri atëherë, ti nuk e di që je duke fjetur mbi një minë.

Ajo çfarë po bëjmë sot, siç e thashë, së bashku me dy vende të tjera mike, është saktësisht kjo; ne po zbulojmë, falë edhe ekspertizës së tyre më të madhe, saktësisht se cilat janë lëvizjet në errësirë, që në të kundërt askush nuk do t’i dinte.

Ne jemi mjaft të angazhuar për të rritur ndërgjegjësimin e sektorit privat për këto rreziqe dhe që të bëjmë që edhe sektori privat të hyjë në bashkëpunim dhe në ndërveprim me qeverinë edhe kur vjen fjala për të kontribuar.

Pra, nuk është aspak një proces i lehtë por është bota e re, ndaj shpresoj që fjalia profetike e Michel Rocard nuk do të vërtetohet me kohën; para se të vdiste ai tha që “Ndjehem shumë i bekuar që jetova në kohën kur lindi interneti dhe ndihem shumë i bekuar që po e lë këtë botë përpara se interneti ta shkatërrojë”./Albeu.com/

The post Çfarë pasoja pati sulmi kibernetik në Shqipëri? Rama nga Davosi: E shmanga këtë sepse…. appeared first on Albeu.com.

Padia është bërë në lidhje me hakerimin e të dhënave të shqiptarëve nga hakerat iranianë.

Sipas Prognit,  është vërtetuar tashmë që nuk ka pasur një segregim të serverëve. Ai tha se kjo mund të jetë bërë që t’u jepet akses patronazhistëve në mbledhjen e të dhënave.

“Sot erdha për të bërë një kallëzim për AKSHI, për sulmin kibernetik, ku me veprimet ose mosveprimet e tyre kanë bërë të mundur që të gjitha të dhënat tona të jenë të rrezikuara. Kallëzimin e kam bërë si individ, por i mbështetur edhe nga forumi që ende nuk ka marrë një formë ligjore, Rizgjim Kombëtar, ku deri tani jemi 800 programues IT që kemi parë të drejtë ta bëjmë këtë kallëzim.

Ne kemi kapur vetëm një pikë, ky nuk do të jetë kallëzimi i parë. Pika që kemi kapur ne që është dhe publike dhe s’ka nevojë për ekspertizë, është mosrespektimi i kushteve dhe standardeve, ndarja e serverëve nga një layer virtual në një layer virtual, dhe kjo është e vërtetuar nga videoja e hakerave e publikuar në Telegram, ku tregohet qartë që këto servera nuk kanë qenë të segreguara.

Kjo tregon se kanë ndihmuar në hakërrimin e të dhënave, pra kalimi nga një server në të gjitha serverat që hostohen nga AKSHI. Me dashje apo pa dashje nuk jemi në pozitën ta themi sepse kemi një terr shumë të madh informacioni, por kjo vërtetohet nga videoja e hakerave iranian.

Ne kemi hedhur dyshimin që ky segregim nuk është bërë me qëllim që në kohën e patronazhistëve, sepse lejon mbledhjen e të dhënave nga shumë serverëve në mënyrë lokale. Këtë segregim nuk mund ta bëjnë iranianë në mënyrë virtuale, sepse duhet prekje fizike e serverëve që të mos bëhet ky segregim”, u tha Progni. /albeu.com

The post Sulmet kibernetike, eksperti i IT kallëzon AKSHI-n në SPAK: Kanë rrezikuar të gjitha të dhënat tona appeared first on Albeu.com.

Shqetësimi i tretë është rritja e shpejtë e inflacionit, i ndjekur nga problemet gjeopolitike që shkaktojnë krizën e lëndëve të para. Shqetësimi i pestë kriza e furnizimit me ushqime.

Studimi, një bashkëprodhim i konsulentëve Marsh McLennan dhe Zurich Insurance Group, mori parasysh pikëpamjet e më shumë se 1200 ekspertëve globalë të rrezikut, politikëbërësve dhe liderëve të industrisë. Ky raport bazohet në Anketën e Perceptimit të Rreziqeve Globale (GRPS) që realizohet prej dy dekadash. Përgjigjet për anketimin u mblodhën nga 7 shtatori deri më 5 tetor 2022.

Vitin e kaluar, ndonëse pandemia e Covid 19 ishte në kulmin e saj, sëmundjet infektive ishin shqetësimi i pestë i drejtuesve ekzekutivë shqiptarë, ndërsa i pari ishte kriza politike (Luhatje të marrëdhënieve ndërshtetërore), të ndjekura nga dëmtimi i mjedisit nga dora e njeriut; më pas mangësi në masat e sigurisë kibernetike dhe e katërta kriza e borxhit.

Shqetësimet e ngritura nga drejtuesit shqiptarë në raportin e 2023 janë gjithashtu të ndryshme nga ato globale, ku mbizotëron “Kriza e furnizimit me energji”, që është e para, e ndjekur nga “Kriza e kostos së jetesës”; “Inflacioni në rritje”; “Kriza e furnizimit me ushqime” dhe “infrastruktura për tu mbrojtur nga sulmet kibernetike”

Raporti

Kriza e kostos së jetesës do të jetë rreziku më i madh global gjatë dy viteve të ardhshme, paralajmëroi Raporti i Rreziqeve Globale, publikuar nga Forumi Ekonomik Botëror.

Inflacioni global mbetet në nivele të larta pasi kostot e energjisë dhe ushqimit u rritën vitin e kaluar pas pushtimit të Ukrainës nga Rusia.

Kufizimet e furnizimit të shkaktuara nga pandemia e koronavirusit kanë kontribuar gjithashtu në çmime më të larta të konsumit prej dekadash.

“Konflikti dhe tensionet gjeoekonomike kanë shkaktuar një sërë rreziqesh të ndërlidhura globale.

Këto përfshijnë vështirësitë e furnizimit me energji dhe ushqim, të cilat ka të ngjarë të vazhdojnë edhe për dy vitet e ardhshme, shoqëruar me rritje të madhe në koston e jetesës dhe shërbimi i borxhit”.

Në raport thuhet gjithashtu se “kriza të tilla rrezikojnë të minojnë përpjekjet për të trajtuar rreziqet afatgjata, veçanërisht ato që lidhen me ndryshimet klimatike, biodiversitetin dhe investimet në kapitalin njerëzor”.

Raporti e përshkroi krizën e kostos së jetesës si “rrezikun më të madh në terma afatshkurtër” deri në vitin 2025, e ndjekur nga fatkeqësitë natyrore, ngjarjet ekstreme të motit dhe “përplasja gjeoekonomike”.

“Rreziqet afatshkurtra dominohet nga energjia, ushqimi, borxhi dhe fatkeqësitë,” tha Saadia Zahidi, një drejtore menaxhuese në Forumit.

Raporti u bëri thirrje “liderëve të veprojnë kolektivisht dhe me vendosmëri, duke balancuar pikëpamjet afatshkurtra dhe afatgjata”./monitor/

The post Rreziqet 2023: Sëmundjet infektive dhe sulmet kibernetike janë shqetësimet kryesore të drejtuesve ekzekutivë shqiptarë appeared first on Albeu.com.

Që prej vitit 2021, Shqipëria ka rënë pre e sulmeve kibernetike. Një sulm kibernetik u shënua më 15 korrik të këtij viti, që bllokoi të gjitha faqet zyrtare shtetërore dhe platformën e shërbimeve online e-Albania.

Ndërkohë, më 14 shtator u sulmua sistemi TIMS në të gjitha pikat kufitare të vendit. Për këto sulme Shqipëria ka fajësuar Iranin dhe ka ndërprerë marrëdhëniet diplomatike me këtë shtet.

Të dhëna konfidenciale të personave publikë, që nga kreu i SHISH deri tek kryeministri, janë publikuar herë pas herë nga hakerat në faqen “Homeland Justice”.

Njoftimi

Referuar raportimeve te mëparshme ne media, lidhur me procedimin penal për sulmin kibernetik në pajisjet dhe sistemet që administrohen e menaxhohen nga AKSHI, mbi kërkesat e prokurorit, Gjykata e Rrethit Gjyqësor Tiranë, ka caktuar ndaj personave nën hetim Znj. A. S., Z. I. L., Znj. R. Ll., Z. A. S. masën e sigurimit personal “detyrim për tu paraqitur në policinë gjyqësore”, si të dyshuar për veprën penale të “shpërdorimit të detyrës”

Mbi ankimet e personave nën hetim të sipërcituar, Gjykata e Apelit Tiranë, e përbërë nga gjyqtari Z. Genti Shala, me vendimet respektive të datës 22.12.2022, vendosi të shfuqizojë vendimet e marra nga gjykata e shkallës së parë për caktimin e masës së sigurimit.

The post Sulmet Kibernetike/ Gjykata e Apelit heq masat e sigurisë ndaj 5 punonjësve IT të MB-së dhe DAP-it appeared first on Albeu.com.

Mësohet se prokuroria ka kërkuar informacion me anë të letërporosive 22 shteteve lidhur me këtë sulm, por vetëm 3 prej tyre kanë kthyer përgjigje. Shtetet që i janë përgjigjur dhe kanë përcjell informacion tek oficerët e kontaktit janë Danimarka, Holanda dhe Singapori.

Mirëpo, ‘Faxnews’ raporton se këto shtete nuk e kanë ndihmuar grupin hetimor për të zbuluar personat që kanë ndërmarrë këto sulme. Në përgjigjet e tyre këto shtete thonë se IP janë të pagjurmueshme dhe të lëvizshme. Gjatë fazës së hetimeve që prokuroria ka ndërmarrë deri më tani është zbuluar se hakerat fillimisht kanë tentuar të sulmojnë drejtpërdrejtë sistemet e AKSHI-it, por dështuan.

Më pas, ata përdorën sistemin administrata.al për të penetruar dhe hyrë në faqet e qeverisë duke goditur disa prej sistemeve digjitale të vendit dhe përfituar të dhëna sensitive. Deri me tani për këtë çështje nën hetim janë marrë vetëm 5 persona, të cilët akuzohen për shpërdorim detyre. Të akuzuarit janë punonjës në sektorin e IT-së në Departamentin e Administratës Publike lidhur me sulmet kibernetike ndaj Shqipërisë.

The post Sulmet Kibernetike/ Shqipëria letër-porosi 22 shteteve, vetëm 3 përgjigjen appeared first on Albeu.com.