Sipas tij, përpjekjet e regjimit iranian për të projektuar tensione dhe paqëndrueshmëri duke vazhduar sulmet kundër fqinjëve të tij janë jashtëzakonisht të rrezikshme. Në fund, Kryeministri thekson se, Shqipëria qëndron fort krah për krah me Turqinë dhe me të gjithë aleatët në ruajtjen e sigurisë dhe unitetit të Aleancës.

“Shqipëria dënon me forcë sulmin me raketa balistike të regjimit iranian kundër Turqisë. Fakti që ky është sulmi i dytë i tillë në ditët e fundit është thellësisht alarmues dhe nënvizon më tej natyrën agresive dhe destabilizuese të këtyre veprimeve. Turqia është një vend vëllazëror, një partner strategjik i Shqipërisë dhe një aleat i vlefshëm i NATO-s. Përpjekjet e regjimit iranian për të projektuar tensione dhe paqëndrueshmëri duke vazhduar sulmet kundër fqinjëve të tij janë jashtëzakonisht të rrezikshme.

Veprime të tilla rrezikojnë të përshkallëzojnë më tej situatën dhe përbëjnë një kërcënim serioz për sigurinë rajonale dhe ndërkombëtare. Shqipëria përshëndet reagimin e shpejtë të NATO-s në mbrojtjen e territorit, hapësirës ajrore dhe qytetarëve të Aleancës. Shqipëria qëndron fort krah për krah me Turqinë dhe me të gjithë aleatët në ruajtjen e sigurisë dhe unitetit të Aleancës sonë,” shkruan Rama në “X”

The post Rama dënon sulmet iraniane kundër Turqisë: Kërcënim serioz për sigurinë rajonale dhe ndërkombëtare appeared first on Albeu.com.

Djali u plagos në rajonin e Negevit të Izraelit jugor, nga predha ishte nga një raketë përgjuese që u lëshua për të kapur një predhë iraniane, tha një zëdhënës i shërbimit të urgjencës izraelite Magen David Adom (MDA) për CNN dhe transmetuesin publik izraelit Channel 11.

Djali pësoi një lëndim në kokë dhe ra pa ndjenja, tha MDA në një deklaratë të mëvonshme. Ai u dërgua në spital për trajtim të mëtejshëm.

Urgjenca izraelite, kishte thënë më parë se nuk kishte raporte për lëndime në njerëz, për shkak të sulmit të drejtpërdrejtë të Iranit në Izrael.

Nga ana tjetër, Pasdaran-i iranian thotë se raketat dhe dronët e lëshuar nga Irani “goditën objektivat në Izrael”.

Raportimi u bë nga agjencia iraniane IRNA, e cituar nga Tass.

The post Sulmet iraniane, plagoset një 10-vjeçar në jug të Izraelit appeared first on Albeu.com.

Në takimin që zhvilloi sot me krerë të shteteve dhe qeverive, Rama doli për sulmet e shumëfishta ndaj Shqipërisë, ku informoi se së fundmi sistemet digjitale të qeverisë shqiptare u sulmuan nga

Republika Islamike e Iranit, përfundim ky i arritur pas një ekspertize të detajuar të skuadrës Microsoft dhe skuadrës së agjencive të specializuara amerikane.

Për këtë, arsye shpjegoi kryeministri, u ndërprenë në mënyrë të menjëhershme marrëdhëniet diplomatike me Iranin.

Kryeministri tha ndër të tjera se i gjithë rajoni po përballet me sulme të kësaj natyre, përfshi këtu Malin e Zi dhe Maqedoninë e Veriut.

Kryeministri Rama ritheksoi mbështetjen e palëkundur të Shqipërisë ndaj Ukrainës, ndërsa sa i takon diskutimeve mbi krizën energjetike në shkallë globale, kryeministri theksoi se Shqipëria nuk varet nga gazi rus por bazohet 100 % në energjinë e burimeve hidrike.

The post Rama flet në New York për sulmet iraniane dhe ndërprerjen e marrëdhënieve diplomatike appeared first on Albeu.com.