Sipas Prokurorisë, të tre personat, dy gra dhe një burrë, u vranë në fshatin Torske në mbrëmjen e 22 gushtit.

Ajo nuk dha hollësi të tjera rreth këtij sulmi.

Ndërkohë, ushtria ukrainase tha gjatë ditës më 22 gusht se forcat e saj e çliruan një fshat strategjik në jug të vendit, pas dy muajve luftimesh të ashpra, por se Rusia i vazhdoi sulme me raketa dhe dronë mbi disa rajone të Ukrainës, duke e vrarë të paktën një person dhe duke i lënduar disa të tjerë.

Zëvendësministrja e Mbrojtjes e Ukrainës, Hanna Maliar, tha se trupat ukrainase e çliruan Robotinin, një fshat që gjendet përgjatë një rrugë të rëndësishme e cila çon drejt Melitopolit në rajonin Zaporizhja.

Melitopoli, i njohur si “porta drejt Krimesë”, u uzurpua nga trupat ruse në mars të vitit të kaluar, pas disa ditësh luftime të ashpra.

Ushtria ukrainase dhe zyrtarët rajonalë raportuan më herët më 22 gusht për disa sulme ruse me dronë dhe raketa në Çernihiv, Zaporizhja, Krivi Rih dhe Kupiansk.

Me vrasjen e dy grave dhe një burrit në Donjeck, numri i të vrarëve më 22 gusht nga sulmet ruse në Ukrainë, ka shkuar në të paktën katër.

The post Tre të vrarë nga sulmet ruse në Donjeck appeared first on Albeu.com.

Forca e Mbrojtjes e Ukrainës tha në një deklaratë se “119 vendbanime janë bombarduar me armë të ndryshme duke përfshirë mortaja, tanke, artileri, sisteme raketore.”

Kjo është vala e fundit e sulmeve ruse, pas bombardimeve në disa qytete të Ukrainës të mërkurën, ndërsa udhëheqësi kinez u largua nga Moska pas një samiti që zgjati dy ditë.

Si pasojë e sulmeve të mërkurën, 9 persona humbën jetën./Albeu.com/

The post Rusia intensifikon bombardimet gjatë natës në Ukrainë, 16 të vrarë dhe 59 të plagosur appeared first on Albeu.com.

Shtabi i Përgjithshëm i Forcave të Armatosura të Ukrainës tha se gjatë ditës së fundit, trupat ruse nisën dy raketa dhe 12 sulme ajrore, duke përfshirë përdorimin e dronëve të cilët thuhet se u rrëzuan.

Pati dhjetëra sulme të tjera me raketa dhe “civilë u plagosën”, thuhet në postimin në Telegram.

Sulmet u fokusuan në zonat e Bakhmutsk, Avdiivsk dhe Shakhtarsk në rajonin lindor të Donetskut, si dhe në zonat verilindore të Kupyansk dhe Lymansk.

Ushtria e Vladimir Putin “vazhdon të përparojë” drejt Bakhmutit, vendi i një beteje intensive.

“Ai nuk ndalet së sulmuari qytetin e Bakhmut”, tha Shtabi i Përgjithshëm.

Mbrojtja ajrore e Ukrainës ka nisur gjithashtu 11 sulme ndaj zonave të pushtuesve rusë, ndërsa “raketëhedhësit dhe gjuajtësit goditën nëntë zona të përqendrimit të fuqisë punëtore”./albeu.com

The post Trupat ukrainase zmbrapsin 85 sulme ruse në 24 orë appeared first on Albeu.com.

Në fjalimin e tij gjatë natës së 12 shkurtit, Zelensky tha se punëtorët e energjisë kishin riparuar pjesën më të madhe të dëmeve të shkaktuara nga sulmet me dron dhe raketa ruse më 10 shkurt.

Megjithatë, ai shtoi: “Kjo nuk është ende një fitore vendimtare në frontin e energjisë. Për fat të keq, mund të ketë sulme të reja terroriste nga Rusia që mund t’i lënë njerëzit pa shërbime gjatë motit të ftohtë të dimrit”.

Rusia ka kryer valë të përsëritura sulmesh ndaj objekteve të energjisë dhe shërbimeve të tjera të Ukrainës muajt e fundit, në atë që kritikët thonë se është një përpjekje për t’i lënë civilët pa dritë, ngrohje dhe ujë gjatë dimrit të ftohtë.

Sulmet e 10 shkurtit, ku u goditën objektet e energjisë në gjashtë rajone të Ukrainës, erdhën pasi Zelensky u kthye nga një turne në kryeqytetet e Evropës Perëndimore, prej ku kërkoi më shumë armatime për të ndihmuar në mbrojtjen e vendit nga pushtimi i nisur nga Rusia gati një vit më parë.

Gjatë vizitave të tij në Londër, Paris dhe Bruksel, Zelensky bëri thirrje për armatime të avancuara, përfshi raketa me rreze të gjatë veprimi, avionë luftarakë dhe më shumë tanke.

Luftimet intensive vazhdojnë në rajonin lindor të Ukrainës, Donbas, ku forcat ruse janë angazhuar në një përpjekje të madhe për të pushtuar qytetin strategjik të rajonit Donjeckut, Bahmut.

Më 12 shkurt, themeluesi i grupit të mercenarëve rusë, Wagner, pretendoi se forcat e tij kanë marrë kontrollin e Krasna Hora, një fshat në rajonin lindor ukrainas të Donjeckut, që gjendet afër Bahmutit, objektivit kyç të forcave ruse.

Zyrtarët ukrainas presin që një ofensivë e gjerë ruse, për të cilën shumë vëzhgues besojnë se tashmë ka filluar, të fokusohet në Donbas, rajonin e Kharkivit në verilindje të Ukrainës dhe rajonin juglindor të Zaporizhjas.

Kievi zyrtar bëson se presidenti rus Vladimir Putin shpreson të përfitojë nga ofensiva e re, në mënyrë që të nxjerrë në pah suksesin në fushëbetejë, në fjalimin e tij drejtuar kombit më 21 shkurt, një ditë përpara përvjetorit të pushtimit.

The post Zelensky paralajmëron për sulme të reja ruse ndaj infrastrukturës ukrainase appeared first on Albeu.com.

Nga Ambasada ruse, sic njofton KlanM, kanë theksuar se i kanë kushtuar vëmendje deklaratës së tij të 17 Janarit 2023 në Davos se “nëse pas luftës në Ukrainë, vendet sërish do t`u japin prioritet interesave kombëtare, atëherë do të zhduken uniteti dhe solidariteti transatlantik dhe evropian”.

“Jemi shumë të befasuar nga kjo tezë për faktin se interesat kombëtare duhet të jenë në bazën e politikës së jashtme të cdo vendi, ta vënë vektorin e zhvillimit të tyre, të shërbejnë si pikë nisjeje gjatë marrjes së vendimeve për aderimin ndaj njërës apo tjetrës aleancë ose organizatë. Pikërisht kështu qëndrojnë punët, sic dihet tek ne. Ndryshe, cila është vlera e një uniteti dhe solidariteti të tillë, nëse kjo nuk u përgjigjet interesave të këtyre vendeve?” – shkruan në reagimin e postuar në faqen e Facebookut të Ambasadës ruse në Shkup.

Nga ambasada ruse, sic njofton KlanM, shpresojnë se në fund do të mbretërojë mirëkuptimi i qartë, që padyshim se do të ndihmojë në ndërtimin e rasporteve midis vendeve në bazë të respektit dhe duke marrë parasysh interesat e ndërsjelltë duke llogaritur edhe në fushën e sigurisë së përhershme”, thuhet në reagimin Ambasadës ruse.

The post “Ballkani Perëndimor në rrezik nga ndikimet e mundshme të Moskës”, Ambasada ruse në SHkup i përgjigjet Pendarovskit appeared first on Albeu.com.

Annalena Baerbock u zotua për mbështetje të mëtejshme gjermane për Kievin në udhëtimin e saj të paparalajmëruar, por kryediplomati ukrainas Dmytro Kuleba tha se refuzimi i Berlinit për të dërguar tanke luftarake vendit të tij po i kushtonte jetë.

“Qëndroni në strehimore. Pushtuesit po bombardojnë sërish!,” paralajmëroi Guvernatori rajonal Oleg Synegubov në Telegram. Një gazetar i AFP dëgjoi disa shpërthime në qytet.

Baerbock, e cila të martën u bë zyrtarja perëndimore e nivelit më të lartë që vizitoi Kharkivin, kishte premtuar mbështetje të mëtejshme gjermane për Kievin.

“Në të gjitha pjesët e Ukrainës, nga Kharkiv në Kherson në Kiev, njerëzit duhet të dinë se mund të mbështeten në solidaritetin dhe mbështetjen tonë,” tha ajo.

Ajo theksoi se Gjermania do të vazhdojë të furnizojë me armë “që i duhen Ukrainës për të çliruar qytetarët e saj që ende vuajnë nga terrori i okupimit rus”./Albeu.com/

The post Raketat ruse godasin Kharkivin disa orë pas vizitës së papritur të ministres gjermane appeared first on Albeu.com.

“Të gjithë duhet të përgatiten. Kushtoni vëmendje sirenave, ju lutem”, tha ai.

Duke folur për situatën në vijën e frontit, Zelensky tha se Bahmuti dhe Kremina janë zona që kërkojnë forcë dhe përqendrim maksimal.

“Situata atje është e vështirë, e dhimbshme. Pushtuesit po përdorin të gjitha burimet që kanë në dispozicion për të avancuar”, tha ai.

Më 27 dhjetor Shtabi i Përgjithshëm i forcave të armatosura ukrainase tha se forcat ruse kanë nisur sulme të reja ndaj qyteteve në lindje të Ukrainës.

Rusia ka nisur pushtimin e Ukrainës më 24 shkurt dhe që nga tetori ka sulmuar vazhdimisht infrastrukturën e energjisë ukrainase./REL

The post Zelensky u kërkon ukrainasve që të përgatiten për më shumë sulme ruse appeared first on Albeu.com.

Zyrtarët lokalë kanë thënë se nëntë objekte të energjisë janë goditur nga sulmet e së premtes, që kanë përfshirë 76 raketa dhe dronë.

Kryetari i Harkivit, Oleg Synegubov, ka thënë se qyteti është përballur me dëm “kolosal”.

Në mbrëmjen e së premtes është raportuar se 55 për qind e banorëve nuk kanë pasur rrymë.

Operatori ukrainas për energji, Ukrenergo, ka paralajmëruar se shkalla e dëmeve është e madhe dhe se riparimet mund të marrin më shumë kohë sesa zakonisht.

Ukraina e ka akuzuar Rusinë se po e përdor dimrin si “armë lufte”, duke dëmtuar objektet kyçe, teksa temperaturat në këtë shtet veçse janë zero gradë Celsius.

Lufta në Ukrainë ka nisur më 24 shkurt.

Presidenti rus, Vladimir Putin e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./.REL

The post Kharkivi mbetet pa energji elektrike si pasojë e sulmeve ruse appeared first on Albeu.com.

Qyteti perëndimor i Lvivit ka mbetur pa energji elektrike, pas sulmeve të njëpasnjëshme ruse që janë raportuar në disa qytete, përfshirë kryeqytetin Kievin.

Shteti fqinj, Moldavia, ka raportuar po ashtu ndërprerje të energjisë, ndonëse nuk është goditur drejtpërdrejt.

Kryetari i Lvivit u ka bërë thirrje banorëve që të gjejnë vende strehimi, derisa zyrtarët e rajonit të Kievit kanë thënë se janë dëmtuar shtëpi dhe infrastrukturë kritike.

Rusia ka shtuar së fundi sulmet ndaj rrjetit ukrainas të energjisë.

Zëvendëskryeministri moldav, Andrei Spinu, ka thënë që më shumë se gjysma e Moldavisë ka mbetur pa rrymë.

“Ndërprerje të mëdha të energisë në Moldavi, pas sulmeve të sotme ruse në infrastrukturën ukrainase të energjisë”, ka thënë ai.

Besohet që sulmet ruse kanë shkatërruar gjysmën e sistemin ukrainas të energjisë dhe miliona njerëz kanë mbetur pa rrymë, teksa dimri afrohet.

Ditëve të fundit, autoritetet u kanë thënë banorëve që duhet të konsiderojnë edhe mundësinë e largimit nga shteti për të zvogëluar kërkesën në rrjetin energjetik.

Lufta në Ukrainë ka nisur më 24 shkurt.

Presidenti rus, Vladimir Putin, e konsideron luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

The post Jo vetëm në Ukrainë, edhe Moldavia mbetet pa energji elektrike për shkak të sulmeve ruse appeared first on Albeu.com.

Kievi është sulmuar me raketa nga Rusia. Ky duket të jetë një sulm mbarëkombëtar, pasi sulme të njëjta po raportohen edhe në Zaporizhja Mykolaiv, Chernihiv dhe vende tjera.

Sipas Klitschkos, mes atyre që u goditën janë edhe dy ndërtesa banimi afër qendrës së Kievit. Ai tha se disa raketa ruse janë rrëzuar me sukses, dhe se ekipet e shpëtimit janë në vendin e ngjarjes.

Ai tha se si pasojë e këtij sulmi të paktën gjysma e popullsisë së Kievit ka mbetur pa energji elektrike.

Zyrtarët atje thonë se banorët po qëndrojnë të strehuar në vende të ndryshme nga frika e sulmeve të tjera.

Ky sulm po ndodhë derisa liderët botërorë janë mbledhur në Bali të Indonezisë në samitin e G20-tës, apo grupit të vendeve më të industrializuara, ku kanë dënuar pushtimin rus të Ukrainës.

Presidenti ukrainas, Volodymyr Zelensky, u tha liderëve botërorë më 15 nëntor, përmes video-lidhjes, se koha për t’i dhënë fund luftës së Rusisë në Ukrainë është “tani”.

Andriy Yermak, shefi i zyrës së Zelenskyt tha se ky sulm “masiv” raketor është “përgjigjja” e Rusisë ndaj fjalimit të presidentit të Ukrainës në samitin e G20-ës.

“A mendon dikush se Kremlini dëshiron seriozisht paqen? Kremlini dëshiron bindje. Por, në fund terroristët humbasin gjithmonë”, shkroi ai në Twitter.

Kjo është hera e parë që G20-ta takohet prej se Rusia ka nisur pushtimin në fund të shkurtit.

Javën e kaluar Moska ka tërhequr trupat e saj nga qyteti jugor Herson – një nga sukseset më të mëdha të Ukrainës në luftën e saj kundër pushtimit rus.

Në të kaluarën, kur Rusia ka pësuar humbje në terren, ajo ka sulmuar përmes ajrit.

The post Sulmet ruse me raketa në Kiev, të paktën një viktimë appeared first on Albeu.com.