Në mesin e viktimave ishin edhe 12 fëmijë, sipas spitalit Shifa, ku u dërguan trupat e viktimave.

Një nga sulmet ajrore, që u kryen gjatë natës dhe në orët e para të mëngjesit, goditi një shtëpi në lagjen Sheik Radvan, duke vrarë një familje 10-anëtarëshe, përfshirë një nënë me tre fëmijët e saj, thanë zyrtarët shëndetësorë.

Asociacioni palestinez i Futbollit tha se lojtari i klubit Al-Helal, Mohammed Ramez Sultan, u vra gjatë sulmeve së bashku me 14-anëtarë të familjes së tij.

Ushtria izraelite ende nuk ka komentuar për këto sulme.

Ditëve të fundit, Izraeli ka intensifikuar sulmet ajrore në mbarë Qytetin e Gazës, duke shkatërruar ndërtesa shumëkatëshe dhe duke akuzuar Hamasin – grupin palestinez të shpallur organizatë terroriste nga Shtetet e Bashkuara dhe Bashkimi Evropian – se në to ka vendosur pajisje për vëzhgim.

Izraeli ka thënë se synon të marrë kontrollin e plotë të Qytetit të Gazës – zonës më të madhe urbane në Rripin e Gazës – ku, sipas Kombeve të Bashkuara jetojnë 1 milion persona dhe ku është shpallur gjendje e urisë.

Një ditë më parë, ushtria tha se ka goditur një ndërtesë shumëkatëshe në Qytetin e Gazës që pretendoi se përdorej nga Hamasi. Izraeli ka urdhëruar banorët që të largohen nga Qyteti i Gazës për shkak të ofensivës.

Lufta në Gazë nisi pasi Hamasi më 7 tetor 2023 sulmoi jugun e Izraelit, duke vrarë afër 1.200 persona dhe duke rrëmbyer 251 të tjerë. Si pasojë e ofensivës hakmarrëse izraelite, në Gazë janë vrarë më shumë se 64.000 palestinezë, sipas Ministrisë së Shëndetësisë në Gazë – shifra që konsiderohen të besueshme nga OKB-ja.

The post Sulme izraelite në Gaza, 32 të vrarë, mes tyre edhe 12 fëmijë appeared first on Albeu.com.

Në operacionin, më i madhi nga Chahal, ushtria izraelite, në Bregun Perëndimor në vite, të shtëna me armë zjarri dhe shpërthime për orë të tëra tronditën qytetin dhe kampin e refugjatëve pranë Jeninit, bastione të grupeve të armatosura palestineze që janë shënjestruar vazhdimisht.

“Përafërsisht 3,000 njerëz janë larguar tani nga kampi i refugjatëve,” tha për AFP të hënën mbrëma Kamal Abu al-Roub , zëvendësguvernator i Jeninit, duke shpjeguar se autoritetet kishin marrë masa për t’i akomoduar ata në shkolla dhe objekte të tjera në qytet.

Juliet Touma, përfaqësuesja e agjencisë së refugjatëve të Kombeve të Bashkuara në Palestinë, konfirmoi se banorët janë larguar nga kampi, ku jetojnë rreth 18,000 palestinezë.

Operacioni i ri i ushtrisë izraelite, i quajtur “Shtëpia dhe Kopshti” nga stafi, pason një seri sulmesh ndaj civilëve izraelitë dhe valët e dhunës anti-palestineze nga kolonët hebrenj.

Një zëdhënës i ushtrisë izraelite deklaroi se një forcë e madhësisë së “brigadës” ishte përfshirë në operacion (sipas ushtrisë izraelite, kjo do të thotë midis 1000 dhe 2000 ushtarë).

The post Sulmet e ushtrisë izraelite në Jenin, 9 palestinezë të vrarë dhe 100 të plagosur appeared first on Albeu.com.