Gjithashtu masat e sigurisë janë shtuar të shtunën mbrëma në vendet publike, qendrat tregtare dhe qendrat e trafikut në të gjithë Republikën Çeke për shkak të rrezikut të mundshëm të një sulmi terrorist dhe më shumë informacion do të publikohet të hënën pas mbledhjes së Këshillit të Sigurisë Kombëtare.

“Falë ndihmës së publikut, hetuesit kriminalë nga Departamenti i Ekstremizmit dhe Terrorizmit arritën të gjejnë dhe arrestojnë një person të dyshuar për një krim veçanërisht të rëndë”, njoftoi policia çeke në platformën X mëngjesin e sotëm.

The post U kërcënuan për sulm terrorist, policia çeke shton masat e sigurisë appeared first on Albeu.com.

Siç raportohet nga mediat e huaja, një sulm terrorist ka lënë të plagosur tre persona, të cilët ishin duke ecur në rrugë, kur u përplasën dhe u hodhën në ajër nga një mjet.

Më pas pasagjeri nxori një automatik të improvizuar “Carlo” për të gjuajtur, por arma duket se u bllokua.

Ai hodhi armën dhe u larguan me shpejtësi me mjetin e tyre, ndërkohë që autoritetet izraelite kanë nisur kërkimet për gjetjen dhe arrestimin e tyre.

Terrorist attack in #Jerusalem: Terrorists in a car ran over Israeli civilians, 150 meters away ran over more Israeli civilians, then got out of the car with automatic rifles and tried to shoot people, but the rifles jammed.

The terrorists have been detained. pic.twitter.com/AKXT5Y0UD1

— NEXTA (@nexta_tv) April 22, 2024

The post Pamje të rënda, makina përplas këmbësorët (VIDEO) appeared first on Albeu.com.

Flamujt janë ulur në gjysmë-shtizë në gjithë vendin, derisa rusët vazhdojnë të dërgojnë lule të zonën afër sulmit.

Autoritetet kanë thënë më 24 mars se 154 persona janë plagosur në sulm, ndërsa të paktën tre fëmijë janë në mesin e të vrarëve.

Pajisje të rënda janë parë në zonën e incidentit, duke e pastruar zonën dhe duke larguar strukturat e rënda që janë shkatërruar.

Sulmi i 22 marsit është më i rëndi për Rusinë, prej vitit 2004, kur një sulmues pati marrë peng 1.000 persona në një shkollë në Beslan, dhe më pas 333 persona kanë vdekur, gjysma e tyre fëmijë.

Grupi militant, Shteti Islamik (IS) e ka marrë përgjegjësinë për sulmin e 22 marsit, kur katër sulmues të kamufluar kanë hyrë në sallën Crocus City dhe kanë nisur sulmet, teksa njerëzit kanë pritur nisjen e koncertit.

Rusia i ka arrestuar 11 persona që dyshohen se kanë pasur lidhje me sulmin, përfshirë katër sulmuesit e dyshuar.

Ministria e Brendshme e Rusisë ka thënë se katër sulmuesit e akuzuar janë shtetas të huaj.

Agjencia e lajmeve e lidhur me IS-in, Amak, e ka publikuar më 23 mars një fotografi me katër burrat që ka thënë se e kanë kryer sulmin.

Komiteti Hetues i Rusisë ka thënë se vdekjet janë shkaktuar si pasojë e të shtënave në sallë dhe asfiksisë, si pasojë e djegies së materialeve.

Sulmuesit kanë përdorur substanca ndezëse për të përhapur zjarrin në sallë, kanë thënë zyrtarët.

Presidenti rus, Vladimir Putin e ka dënuar ashpër sulmin më 23 mars, duke e quajtur “sulm terrorist i përgjakshëm dhe barbar”, por nuk e ka përmendur përgjegjësinë që e ka marrë Shteti Islamik për sulmin.

Putin ka supozuar në përfshirjen ukrainase, diçka që presidenti i Ukrainës, Volodymyr Zelensky e ka hedhur poshtë.

Më 7 mars, Ambasada amerikane në Moskë, e ka paralajmëruar Rusinë që “ekstremistët” kanë plane të shpejta për të kryer një sulm në kryeqytetin rus.

Të njëjtën ditë, Shërbimi Federal i Sigurisë në Rusi, ka thënë se e ka parandaluar një sulm në një sinagogë në Moskë, që ishte planifikuar prej degës së IS-it në Afganistan, Shteti Islamik- Korasan.

Zëdhënësja e Këshillit të SHBA-së për Siguri Kombëtare Adrienne Watson, ka thënë sërish më 23 mars se Uashingtoni e ka paralajmëruar Rusinë në fillim të marsit.

Ambasadori rus në SHBA, Anatoly Antonov, ka thënë më 25 mars se asnjë informacion specifik nuk është ndarë me Moskën.

“Asgjë nuk na është thënë”, ka thënë Antonov për agjencinë shtetërore të lajmeve në Rusi, TASS.

“Asnjë informacion konkret, asgjë nuk na është transferuar”.

Pronari i sallës së koncerteve, Crocus Group, ka thënë më 24 mars se salla do të rindërtohet dhe do të rihapet.

The post Masakra me 133 të vdekur dhe dhjetëra të plagosur në sallën e koncerteve! Ditë zie në Rusi, flamujt në gjysmë shtizë appeared first on Albeu.com.

Ministria publikoi një listë me vetëm 29 emra, duke shtuar se ka vështirësi në identifikimin e viktimave.

Persona të armatosur sulmuan ndërtesën e qytetit Crocus pranë Moskës dje, duke vrarë të paktën 133 persona dhe duke plagosur dhjetëra të tjerë në sulmin më vdekjeprurës në Rusi që nga kriza e pengjeve në shkollën Beslan në vitin 2004.

Sulmi

Katër burrat, të armatosur me automatikë kallashnikov, mbërritën në bashkinë e Crocus rreth orës 19:40 me orën lokale me një furgon.

Burrat ecën me qetësi drejt detektorëve të metalit në Sallën e Bashkisë Crocus , duke qëlluar mbi qytetarët e tmerruar ndërsa ata u shtrinë në tokë pas breshërisë së plumbave.

Shërbimet e shpëtimit, siç raportohet nga agjencia e lajmeve Interfax, thanë se sulmuesit “hapën zjarr ndaj anëtarëve të sigurisë në hyrje të sallës së koncerteve” përpara se “të fillonin të qëllonin mbi turmën”.

Sipas një gazetari të agjencisë shtetërore të lajmeve Ria Novosti, njerëzit me uniforma kamuflazhi hynë në sallë përpara se të hapnin zjarr dhe të hidhnin “një granatë ose një bombë ndezëse, e cila shkaktoi një zjarr”.

“Njerëzit në dhomë ranë në dysheme për t’u mbrojtur nga zjarri, për rreth 15-20 minuta, pastaj filluan të dilnin në panik”, tha i njëjti burim. Hetuesit rusë përshkruan se si burrat i vunë zjarrin ndërtesës. Disa dëshmitarë okularë thanë se hodhën një lloj lëngu të ndezshëm mbi sediljet dhe perdet para se t’i vinin flakën.

Një gazetar i AFP-së i cili mbërriti disa orë pas sulmit pa tym të zi dhe flakë që ngriheshin mbi çatinë e sallës së koncerteve, e cila mund të strehojë deri në 6,000 njerëz. Sipas mediave, një pjesë e çatisë është shembur. Më pas zjarri është vënë nën kontroll.

Numri i të dhënave

Komiteti Hetimor i Rusisë njoftoi se numri i të vdekurve ishte 133.

Sipas disa burimeve 145 persona janë lënduar.
Sipas Ministrisë së Menaxhimit të Emergjencave, zjarrfikësit kanë arritur të evakuojnë rreth 100 persona që ndodheshin në bodrumin e sallës së koncerteve.

Marrja e përgjegjësisë

Grupi xhihadist i Shtetit Islamik mori përgjegjësinë për sulmin, sipas një postimi të gazetës propagandistike Amaq në Telegram, rreth katër orë pas fillimit të të shtënave.

“Sulmi u krye në kontekstin e luftës së ndezur midis Shtetit Islamik dhe vendeve që luftojnë Islamin”, shtoi Amaq në një deklaratë.

Shtetet e Bashkuara kanë informacione të inteligjencës që vërtetojnë pretendimin e Shtetit Islamik për përgjegjësinë për sulmin vdekjeprurës, thanë dje dy zyrtarë amerikanë.

Zyrtarët thanë se SHBA-ja paralajmëroi Rusinë në javët e fundit për mundësinë e një sulmi, një veprim që ata thonë se e shtyu Ambasadën e SHBA në Moskë të lëshonte një paralajmërim për amerikanët.

Dy javë më parë ambasada amerikane në Rusi paralajmëroi se “ekstremistët” kishin plane të afërta për një sulm ndaj Moskës. Presidenti rus Vladimir Putin  tha gjatë një fjalimi televiziv drejtuar popullit rus se katër burrat që kryen sulmin pranë Moskës po shkonin në Ukrainë kur u arrestuan dhe shpresonin të kalonin kufirin.

“Ata u përpoqën të fshiheshin dhe u zhvendosën në Ukrainë, ku, sipas të dhënave paraprake, ishte përgatitur një “dritare” që ata nga pala ukrainase të kalonin kufirin”, tha Putin.

Zëdhënësi i sigurisë ushtarake ukrainase Andriy Yusov tha për Reuters: “Ukraina sigurisht që nuk është e përfshirë në këtë sulm terrorist”.

Shërbimi Federal i Sigurisë së Rusisë (FSB) njoftoi se arrestoi 11 persona, përfshirë katër burra që kryen sulmin.

Mediat ruse raportojnë se burrat u larguan nga vendi i sulmit me një automjet të bardhë dhe se ata u arrestuan në rajonin Bryansk, 340 kilometra larg Moskës.

Disa nga të arrestuarit shihen duke u marrë në pyetje në anë të rrugës në videot e publikuara nga mediat ruse dhe rrjetet Telegram me lidhje të ngushta me Kremlinin.

“Unë qëllova njerëzit,” thotë një nga të dyshuarit në rusisht me theks të fortë, me duar të lidhura dhe me flokë të tërhequr nga një hetues, një çizme të zezë nën mjekër. Ai tha se ka lindur më 17 shtator 1998 dhe se quhet Samsudin Faridun.

Kur e pyesin pse, ai përgjigjet: ” Për paratë “. Ai pretendon se iu premtuan gjysmë milioni rubla (pak më shumë se 5000 dollarë) në Telegram, ku po dëgjonte një predikues.

Burri pyetet nëse ka qenë në Turqi më 4 mars dhe ai thotë se po. Ata u thanë se ku ndodheshin dyqanet e armëve dhe ai bleu armë atje, pohoi ai.

Një nga të dyshuarit shihet duke folur me ndihmën e një përkthyesi nga Taxhikistani. Një tjetër shihet duke u nxjerrë nga një pyll, me fytyrën e mbuluar me gjak, e dukshme nga një plagë në vesh.

Gjatë marrjes në pyetje, ai u përgjigj se quhej Rajab Alizadeh. Ai kishte vështirësi të jepte datën e lindjes në rusisht.
/albeu.com

The post Momente ankthi për familjet e viktimave në Rusi, vetëm 29 nga të vdekurit janë identifikuar appeared first on Albeu.com.

Autoritetet thonë se burri kishte planifikuar një akt terrorizmi në emër të Ukrainës dhe se gjatë një shkëmbimi zjarri janë gjetur armë dhe një pajisje shpërthyese të improvizuar (IED).

RIA citoi FSB-në të thoshte se njeriu kishte për qëllim të hidhte në erë një ndërtesë administrative në qytetin Olonets, rreth 155 milje (250 km) nga kufiri finlandez.

“Gjatë arrestimit, krimineli hapi zjarr nga një armë ndaj oficerëve të shërbimeve speciale dhe u neutralizua gjatë përleshjes”, citoi RIA të ketë thënë FSB.

RIA publikoi pamjet video që tregonin disa agjentë të FSB-së duke hyrë në një ndërtesë të rrënuar dhe të pandriçuar në një zonë të largët, duke bërtitur “dil jashtë” dhe më pas qëllojnë.

Video më pas tregoi një burrë që dukej i vdekur, i shtrirë në tokë me një pistoletë pranë trupit të tij.

FSB tha se IED ishte bërë duke përdorur një eksploziv plastik të prodhuar në Britani dhe kishte një detonator të prodhuar në SHBA.

Duke cituar burime të paidentifikuara, mediat ruse raportuan se emri i burrit ishte Nikolai Alekseev, një aktivist 49-vjeçar nga Bjellorusia, i cili kishte marrë pjesë në protestat e opozitës atje në vitin 2020.

The post Rusia ekzekuton një bjellorus, kishte planifikuar një akt terrorizmi në emër të Ukrainës appeared first on Albeu.com.

Policia nuk tregoi se cilat ishin motivet e të dyshuarve, apo nëse ato ndërlidheshin me militantët islamistë, apo grupet e ekstremit të djathtë.

Shërbimi danez i Inteligjencës dhe Sigurisë, PET, tha në gusht se kërcënimi ndaj Danimarkës ishte rritur shumë pasi aktivistët kundër islamit i kishin njollosur disa kopje të Kuranit gjatë verës.

“Hetimi ka zbuluar se një rrjet i njerëzve po përgatiste një sulm terrorist”, tha të enjten në Kopenhagë Flemming Drejer nga PET.

Ai theksoi se arrestimet dhe bastisjet e kryera të enjten u bënë si pjesë e një hetimi intensiv që PET-i e kishte kryer në bashkëpunim me partnerët e jashtëm.

“Bastisjet policore janë duke vazhduar nëpër vend”, shtoi ai.

Dreyer tha se rrjeti kishte lidhje me krimin e organizuar në Danimarkë dhe jashtë saj, përfshirë një grup kriminal me emrin Loyal to Familia, por nuk deshi të tregojë se cilat ishin motivet.

“Kjo është tejet serioze”, tha kryeministri i Danimarkës, Mette Frederiksen për agjencinë e lajmeve Ritzau, në një takim me liderët e BE-së në Bruksel.

“Që prej disa vitesh, ne kemi parë se ka njerëz që jetojnë në Danimarkë të cilët nuk na e duan të mirën. Ata janë kundër lirisë sonë dhe kundër shoqërisë daneze”, tha Frederiksen.

PET-i ka paralajmëruar për sulme të mundshme për më shumë se një dekadë. Policia tha se nuk e ka ndryshuar shkallën e rrezikut nga terrorizmi, duke e mbajtur në 4 në një shkallë nga 1-5.

Të arrestuarit në Danimarkë do të përballen me aktakuzë për terrorizëm, sipas Kodit Penal, dhe do të dalin para gjykatësit, tha policia.

The post Arrestohen katër persona në Danimarkë dhe Holandë për përgatitjen e një sulmi terrorist appeared first on Albeu.com.

“Dy terroristë të hipur në një makinë dhe të armatosur njëri me një M-16 dhe tjetri me pistoletë ” hapën zjarr ndaj qytetarëve që prisnin në një stacion autobusi rreth orës 07:40 (koha lokale), tha drejtori i policisë së Jerusalemit Doron Torgeman për gazetarët.

BREAKING:

Terrorist attack in Jerusalem.

2 Israelis waiting at a bus stop killed by 2 shooters.

5 in critical condition.

The terrorists were quickly killed by 2 armed off duty Israeli soldiers and one armed civilian driving past. pic.twitter.com/UCKNvZBQRQ

— Visegrád 24 (@visegrad24) November 30, 2023

Sipas policisë, dy terroristë nga Jeruzalemi lindor që mbanin një M16 dhe një pistoletë arritën në kryqëzimin Givat Shaul pranë hyrjes së Jerusalemit të enjten në mëngjes dhe filluan të qëllonin mbi civilët që prisnin në një stacion autobusi përpara se të qëlloheshin dhe vriteshin nga forcat e sigurisë. Ambasadori i SHBA në Izrael, Jack Lew dënoi sulmin të enjten.

“Sulm i tmerrshëm terrorist në Jerusalem këtë mëngjes. Ne e dënojmë pa mëdyshje këtë dhunë brutale. Mendimet e mia janë me familjet e viktimave dhe shpreh ngushëllimet e mia të sinqerta për të gjithë të prekurit”.

Sulmin e dënoi edhe ambasadori i Bashkimit Evropian në Izrael, Dimiter Tzantchev, duke shkruar: “Dënoj sulmin terrorist me të shtëna në Jerusalem këtë mëngjes, i cili vrau tre persona dhe plagosi shumë izraelitë të tjerë. Ngushëllime të afërmve të viktimave. BE dënon të gjitha format e terrorizmit dhe qëndron përkrah Izraelit në këtë kohë të vështirë”.

The post VIDEO/ Sulm terrorist në Jeruzalem, 3 të vrarë dhe 6 të plagosur appeared first on Albeu.com.

Në një konferencë për media me presidenten e Kosovës, Vjosa Osmani, Stoltenberg tha se stabiliteti në rajonin e Ballkanit Perëndimor “ka rëndësi për sigurinë tonë”.

Ai ka theksuar se autorët e sulmit të 24 shtatorit në veri, duhet të mbahen përgjegjës. Ai ka theksuar se KFOR-i është përherë i gatshëm për të përmbushur misionin e tij, dhe se e mirëpret Asociacionin e komunave me shumicë serbe, shkruan Teelegrafi.

“Në shtator pamë ndezje të dhunës në veriun e Kosovës, që ngriti shqetësime se si një konflikt më i gjerë mund të kthehet në Ballkanin Perëndimor. Në maj trupat e KFOR-it u sulmuan, duke lënë 93 ushtarë të NATO-s të lënduar rëndë dhe disa janë lënduar për tërë jetën. Sulmet e tilla të dhunshme janë të papranueshme, autorët e sulmit duhet të mbahen përgjegjës”, ka theksuar sekretari i NATO-s.

Ai shtoi se NATO do të zbatojë mandatin e misionit të tij në Kosovë, KFOR, për të ofruar mjedis dhe lëvizje për të gjitha komunitetet.

Ai po ashtu mirëpriti draft-statutin e ri për themelimin e Asociacionit të komunave me shumicë serbe.

Themelimi i Asociacionit “do të ishte një hap kyç drejt normalizimit të raporteve dhe drejt paqes së qëndrueshme në rajon”, tha Stoltenberg.

I pyetur për mundësinë që Kosova të bëhet pjesë e Programit të Partneritetit për Paqe, Stoltenberg tha se për këtë kërkohet vendim unanim i të gjithë anëtarëve të aleancës. Para Kosovës, Stoltenberg qëndroi në Bosnje e Hercegovinë, ku u takua me krerët shtetërorë dhe përfaqësuesin e lartë ndërkombëtar, Christian Schmidt. Në Sarajevë shefi i NATO-s tha se aleanca është e shqetësuar me retorikën e ndarjes dhe me ndikimin rus në rajon.

The post Sulmi terrorist në veri të Kosovës, Stoltenberg: Autorët duhet të mbajnë përgjegjësi appeared first on Albeu.com.

Edi Rama: “Sulmi terrorist në Stamboll është një akt i neveritshëm dhe frikacak që Shqipëria e dënon ashpër. Ai duhet të ndihmojë Evropën që të kuptojë dhe mbështesë më mirë Turqinë në luftën e saj kundër terrorizmit.

The terrorist attack in Ankara is a despicable act of cowardice that Albania strongly condemns. It should help many in Europe to better understand and support Turkey in its fight against terrorism?????

— Edi Rama (@ediramaal) October 1, 2023

Dy oficerë policie u plagosën lehtë kur dy terroristë të dielën në mëngjes shpërthyen një bombë përpara Drejtorisë së Përgjithshme të Sigurisë në kryeqytetin turk të Ankarasë, ku njëri prej tyre hodhi veten në erë, tha ministri i Brendshëm.

“Dy terroristë, të cilët kanë mbërritur me një automjet të lehtë komercial para portës së Drejtorisë së Përgjithshme të Sigurisë, kanë kryer një sulm me bombë. Një nga terroristët hodhi veten në erë”, tha Ali Yerlikaya në X.

Yerlikaya tha se dy oficerë policie u plagosën lehtë në sulmin, i cili ndodhi në orën 9:30 të mëngjesit me orën lokale.

Një shpërthim i fuqishëm është dëgjuar edhe para Ministrisë së Brendshme turke në zemër të Ankarasë në mëngjes.

Pas shpërthimit dhe të shtënave me armë zjarri pranë ndërtesës së ministrisë në Kizilay, qendra kryesore e qytetit në qarkun Cankaya të kryeqytetit, forcat e policisë morën siguri të shtuar në zonë.

Bulevardi kryesor Ataturk është mbyllur për qarkullim për shkak të shpërthimit pranë njërës prej portave të Asamblesë së Madhe Kombëtare.

Në vendngjarje është dërguar edhe policia e operacioneve speciale. Në vendngjarje ndodhen edhe njësitë zjarrfikëse dhe ekipet mjekësore.

Kuvendi i Madh Kombëtar do të hapet pasdite pas një pauze 3-mujore./Albeu.com

The post Rama dënon sulmin me bombë në Ankara: Evropa të mbështesë Turqinë në luftën kundër terrorizmit appeared first on Albeu.com.

“Dy terroristë, të cilët kanë mbërritur me një automjet të lehtë komercial para portës së Drejtorisë së Përgjithshme të Sigurisë, kanë kryer një sulm me bombë. Një nga terroristët hodhi veten në erë”, tha Ali Yerlikaya në X.

A person blew himself up near the Ministry of Internal Affairs building in Ankara. The head of the Ministry of Internal Affairs of Turkey stated that two persons approached the building of the Ministry of Internal Affairs in a car. One man blew himself up, the other was… pic.twitter.com/BZUWWovcqe

— NOELREPORTS ?? ?? (@NOELreports) October 1, 2023

Yerlikaya tha se dy oficerë policie u plagosën lehtë në sulmin, i cili ndodhi në orën 9:30 të mëngjesit me orën locale.

Një shpërthim i fuqishëm është dëgjuar edhe para Ministrisë së Brendshme turke në zemër të Ankarasë në mëngjes.

Pas shpërthimit dhe të shtënave me armë zjarri pranë ndërtesës së ministrisë në Kizilay, qendra kryesore e qytetit në qarkun Cankaya të kryeqytetit, forcat e policisë morën siguri të shtuar në zonë.

Bulevardi kryesor Ataturk është mbyllur për qarkullim për shkak të shpërthimit pranë njërës prej portave të Asamblesë së Madhe Kombëtare.

#Turkiye ?????????

Turkish blast and Gunshot Firing near Turkish Parliament in Ankara. pic.twitter.com/aLn5bFPmGR

— Research Wing (@ResearchWing) October 1, 2023

Në vendngjarje është dërguar edhe policia e operacioneve speciale. Në vendngjarje ndodhen edhe njësitë zjarrfikëse dhe ekipet mjekësore.

Kuvendi i Madh Kombëtar do të hapet pasdite pas një pauze 3-mujore./Albeu.com

The post VIDEO/ Sulmi terrorist në Ankara, një i vdekur dhe dy policë të plagosur appeared first on Albeu.com.