Kuvendi bën me dje se mund të bëhet fjalë për një sulm të sofistikuar kibernetik, i cili ka pasur si synim fshirjen e të dhënave dhe cenimin e disa sistemeve të brendshme.

Po ashtu në njoftim theksohet se nuk është prekur infrastruktura kryesore e punës dhe se faqja zyrtare e Kuvendit të Shqipërisë dhe sistemet e tjera që mbështesin funksionimin e institucionit vijojnë të funksionojnë normalisht.

Gjithashtu për këtë situatë është ngritur një skuadër teknike dhe hetimore që po punon për analizimin e plotë të incidentit, identifikimin e burimit të sulmit dhe rikthimin e të dhënave të prekura.

Reagimi:

Në përgjigje të interesimit të medias, Kuvendi i Shqipërisë informon se mbrëmjen e djeshme, rreth orës 21:00, është konstatuar një akses i paautorizuar në infrastrukturën IT të institucionit. Gjatë verifikimeve është vënë re fshirja e një pjese të informacionit në disa llogari përdoruesish të punonjësve të administratës.

Vlerësimi paraprak teknik tregon se mund të bëhet fjalë për një sulm të sofistikuar kibernetik, i cili ka pasur si synim fshirjen e të dhënave dhe cenimin e disa sistemeve të brendshme.

Nga analizat e para rezulton se infrastruktura kryesore e punës nuk është prekur. Faqja zyrtare e Kuvendit të Shqipërisë dhe sistemet e tjera që mbështesin funksionimin e institucionit vijojnë të funksionojnë normalisht.

Menjëherë pas konstatimit të incidentit janë marrë masa për izolimin e trafikut të dyshimtë dhe për neutralizimin e sulmit. Ndërkohë, ekipet teknike po punojnë për rikuperimin e të dhënave të fshira në llogaritë e përdoruesve.

Për këtë situatë është ngritur një skuadër e përbashkët teknike dhe hetimore që po punon për analizimin e plotë të incidentit, identifikimin e burimit të sulmit dhe rikthimin e të dhënave të prekura. Në këtë proces Kuvendi i Shqipërisë po bashkëpunon ngushtë me institucionet përgjegjëse për sigurinë kibernetike, përfshirë Autoritetin Kombëtar për Sigurinë Kibernetike (AKSK), Drejtorinë për Hetimin e Krimit Kibernetik në Policinë e Shtetit dhe Komandën Kibernetike në Ministrinë e Mbrojtjes.

Gjithashtu, gjatë këtyre orëve është ofruar mbështetje teknike edhe nga partnerët ndërkombëtarë, me të cilët po vijon komunikimi për vlerësimin e situatës dhe hapat e mëtejshëm.

The post Sulmi i Homeland Justice, reagon Kuvendi: Nuk u prek infrastruktura kryesore! Faqja dhe sistemet punojnë normalisht appeared first on Albeu.com.

Grupi i hakerave pretendon se ka në posedim të gjitha bisedat e deputetëve shqiptarë dhe korrespondencën e tyre gjatë muajve të fundit.

“Të gjitha bisedat dhe korrespondenca e anëtarëve të korruptuar të Kuvendit gjatë muajve të fundit janë në duart e Homeland Justice. Ne jemi shumë më afër jush sesa mendoni. A i keni strehuar vërtetë ata vrasës dhe vrasës fëmijësh? Ne do të sigurohemi që kjo turp të mbetet me ju përgjithmonë”, thuhet në faqen zyrtare të Homeland Justice në Telegram.

The post Të gjitha bisedat e të korruptuarve janë në duart tona/ Homeland Justice’ sulmon administratën e Kuvendit: Jemi më afër nga çfarë ju mendoni appeared first on Albeu.com.

“Policia e Shtetit sqaron opinionin publik se në mënyrë të vazhdueshme, në bazë të një pune profesionale parandaluese, merr masa për forcimin e garantimin e sigurisë dhe mirëfunksionimin e sistemeve në përdorim. “Sistemet në përdorim nga Policia e Shtetit vazhdojnë funksionimin e tyre normalisht”, thuhet në reagimin e Policisë.

Më herët u raportua se në të gjitha strukturat e Policisë së Shtetit u dha urdhri për fikjen e të gjitha pajisjeve kompjuterike pasi dyshohet për sulm kibernetik

The post Urdhri për fikjen e kompjuterave, reagon Policia e Shtetit: S’ka sulm kibernetik, puna vijon normalisht appeared first on Albeu.com.

Dyshohet për një sulm kibernetik.

The post Urdhri i policisë së shtetit për të gjitha strukturat: Fikni kompjuterat, dyshohet për sulm kibernetik appeared first on Albeu.com.

Ndër funksionet që janë prekur janë ato që lidhen me analizat e gjakut dhe transfuzionet.

Spitali i King’s College, Guy’s dhe St Thomas’, përfshirë Spitalin e Fëmijëve Royal Brompton dhe Evelina London, dhe shërbimet e kujdesit parësor janë prekur nga sulmet, sipas BBC.

Disa procedura dhe operacione janë anuluar ose ridrejtuar te ofruesit e tjerë të NHS pasi stafi i spitalit vazhdon të vlerësojë se cilat operacione mund të kryhen në mënyrë të sigurt.

The post Sulm kibernetik në spitalet e Londrës, ndërpriten operacionet dhe shërbimet appeared first on Albeu.com.

Kjo e fundit nuk punon prej disa ditësh.

Sulmin kibernetik në fjalë, e ka pohuar dhe AKSHI.

Sipas AKSHI-t, sulmet nuk kanë lidhje me sigurinë e sistemeve dhe të dhënave në to, por vetëm me bllokimin e faqeve publike.

Reagimi:

“Informojmë opinionin publik se aktualisht gjendemi nën sulme masive, të shpërndara të formatit ‘Distributed Denial-of-Service’ (DDoS) duke bllokuar rrjetin me tentativa ilegjitime aksesimi të faqeve publike. Situata është rikthyer në normalitet pas rreth 60 minutash dhe faqet qeveritare janë sërish në funksion të plotë. Theksojmë se sulme të tilla nuk kanë asnjë lidhje me sigurinë e sistemeve dhe të dhënave në to, por vetëm me bllokimin e faqeve publike.

Prej kohësh Shqipëria ka qenë nën vëmendjen maksimale të sulmuesve dhe keqbërësve kibernetikë. Siguria kibernetike dhe e informacionit është një nga sfidat më të mëdha në epokën digjitale. Identifikimi në kohë i kërcënimeve, reagimi i shpejtë, dhe forcimi i sigurisë është një proces kompleks i cili kërkon vëmendjen e duhur dhe marrje masash të përshtatura sipas kohës dhe mënyrës së sulmeve, rast pas rasti”, thuhet në njoftim.

The post Sulm kibernetik në disa prej faqeve qeveritare, hakerat ‘rrëzojnë’ KLSH, Tatimet dhe ILDKPI-në appeared first on Albeu.com.

Sipas njoftimit të qeverisë spanjolle, të gjitha shërbimet tashmë po funksionojnë normalisht pasi masat e sigurisë u forcuan “pas valës së sulmeve kibernetike ndaj institucioneve të ndryshme spanjolle, që përkoi me takimin joformal” të liderëve europianë, mes tyre edhe kryeministri Rama.

Një nga objektivat e hakerëve ishte aplikimi për linjat e autobusëve të Granadës (Granada Bus), siç u bë e njohur përmes platformës X.

Me sulmet DDoS (distributed denial of service), sulmuesit dërgojnë një vëllim tepër të madh kërkesash në një faqe interneti, duke bërë që ajo të bjerë.

Grupi i hakerëve NoName, i cili mori përgjegjësinë përmes aplikacionit Telegram, shpesh kryen sulme të tilla kundër vendeve që mbështesin Ukrainën.

Në postimin e saj ajo nuk përmendi samitin e BE-së, por vetëm bisedimet e zhvilluara në Granada të enjten midis presidentit ukrainas Volodymyr Zelensky dhe kryeministrit spanjoll Pedro Sanchez, i cili i ofroi Kievit gjashtë sisteme anti-ajrore HAËK.

“Duket se pjesa spanjolle e internetit po pret vizitën tonë, ndaj ne nxitojmë ta sulmojmë me raketat tona DDoS me rreze të gjatë veprimi”, shkruan grupi.

Sipas hakerëve, sulmet shkatërruan shumë uebfaqe qeveritare, duke përfshirë ato të metrosë dhe autobusëve të Granadës dhe portalin turistik të qytetit.

The post Rama në Samitin e Granadës, hakerat rusë godasin faqet e internetit spanjolle appeared first on Albeu.com.

BBC raporton se hakerët ndërhynë në sistem duke ndërprerë funksionimin e trenave në veriperëndim të vendit.

Sulmi kibernetik i hakerave u ndërthur edhe me himnin kombëtar të Rusisë dhe me një fjalim të Presidentit rus Putin.

Nga sulmi kibernetik u ndaluan menjëherë 20 trena, por shërbimi u rikthye përsëri brenda disa orësh.

Autoritetet ruse dyshojnë se sulmi kibernetik është bërë nga Rusia. Ekspertë të sigurisë kanë thënë gjithashtu se Rusia po bën sulme kibernetike në Ukrainë për të testuar mjetet e saj të hakerimeve.

Për këtë arsye shumë vende Perëndimore kanë bërë thirrje edhe më herët që shtetet të forcojnë akoma më shumë masat e sigurisë kibernetike./Albeu.com/

The post Sulm kibernetik sistemit të hekurudhave në Poloni, dëgjohet himni kombëtar i Rusisë appeared first on Albeu.com.

Xhaçka gjatë fjalës së saj u shpreh ndër të tjera se teknologjia dhe inovacioni i pandërprerë po ndikojnë jetët tona dhe të ardhmen tonë.

Gjithashtu Xhaçka tha se sulmet kibernetike që goditën Shqipërinë pak kohë më parë, janë orkestruar dhe sponsorizuar nga Irani.

“Na takon ne të përcaktojmë rrugën që duhet të marrë teknologjia. Në një dekadë Shqipëria ka ndërtuar gradualisht një shoqëri dixhitale në rritje. Aktualisht, më shumë se 1200 shërbime kryesore qeveritare ofrohen online. Dixhitalizimi kërkon një hapësirë kibernetike të lirë, të hapur, të qëndrueshme dhe të sigurt. Përparimi i shpejtë teknologjik mbart gjithashtu rreziqe dhe sfida. Të shqetësuar për rritjen alarmante të sulmeve kibernetike që synojnë shtetet dhe infrastrukturat e tyre jetike.

Vetëm këtë vit, më shumë se dyzet sulme kibernetike kanë prekur 19 vende. Sulmi kibernetik në Shqipëri, kemi prova të padiskutueshme se u orkestrua dhe u sponsorizua nga Irani. Dëmi u frenua, por ishte një dëshmi e brutalitetit të aktivitetit keqdashës kibernetik.

Akte të tilla përbëjnë një kërcënim për paqen dhe sigurinë ndërkombëtare dhe duhet të trajtohen si të tilla. Veprimet e Rusisë kanë shkaktuar bllokime në komunikim jo vetëm në Ukrainë, por edhe në pjesë të tjera të Evropës. Vendet e Ballkanit Perëndimor janë shënjestruar sistematikisht nëpërmjet fushatave të manipulimit të informacionit. E gjitha kjo për të shkaktuar paqëndrueshmëri politike dhe për të minuar aspiratat e tyre euro-atlantike.

Koreja e Veriut është bërë po ashtu një shembull famëkeq i aktiviteteve të përsëritura keqdashëse. Të gjitha shtetet anëtare janë të detyruara të respektojnë Kartën e OKB. Duhet të promovojmë një hapësirë kibernetike globale, të hapur, të qëndrueshme dhe të sigurt.

Ne të gjithë kemi një rol për të luajtur, dhe ai fillon me vendosjen dhe respektimin e rregullave të pranuara së bashku’, u shpreh ajo.

The post Xhaçka në Këshillin e Sigurimit të OKB: Sulmi kibernetik në Shqipëri u orkestrua nga Irani appeared first on Albeu.com.

PwC raportoi se mori informacion për incidentet kibernetike në dy kanale.

I pari përfshin raportet zyrtare nga infrastrukturat e informacionit kritik (CII), të cilat publikojnë 20-30 raporte në vit.

I dyti i referohet identifikimit të rreziqeve dhe incidenteve nga burime të ndryshme të inteligjencës së kërcënimeve, që rezulton në zbulimin e 600 – 700 incidenteve në vit. Për sa u përket llojeve të sulmeve, Shqipëria duket se pasqyron tendencat e përgjithshme globale.

“Të dyja palët e interesuara të sektorit publik dhe privat të intervistuar për qëllimin e këtij raporti citojnë spam, malware, phishing dhe inxhinieri sociale si sulmet më të zakonshme” thotë raporti. Mashtrimi i email-eve ka qenë gjithashtu në rritje vitin më 2021, duke përdorur gjuhën shqipe standarde në mashtrimet nga emaili.

Pandemia globale çoi në zhvillime të vrullshme teknologjike si rrjedhojë e punës në distancë dhe transaksioneve online pa ndonjë përvojë paraprake në sigurinë kibernetike.

Sulmet kibernetike të orientuara nga biznesi, shenjestrimi i kompanive dhe përdoruesve fundorë janë rritur pas pandemisë në Shqipëri. Nga ana tjetër, sulmet janë sofistikuar. Tani grupet e sulmit nuk janë amatorë, por të organizuar.

Raporti thotë se, procesi i digjitalizimit në Shqipëri shihet si një nga rreziqet më të mëdha të mundshme të sigurisë kibernetike në të ardhmen. Palët e intervistuara në Shqipëri pohuan objektivat e sulmeve janë të shumtë dhe kryesisht të bazuar në identitetet (d.m.th. të fokusuar mbi të dhënat personale).

Shqipëria dhe në përgjithësi Ballkanit Perëndimor përballet me kapacitete të kufizuara, veçanërisht në sektorin publik. Ekspertët në Shqipëri kanë argumentuar se situata është më alarmante krahasuar me Europën Perëndimore për shkak të flukseve të emigrimit të profesionistëve të drejt tregjeve të BE-së.

Për t’iu përgjigjur rreziqeve të ardhshme kibernetike, të intervistuarit argumentojnë se, Shqipëria dhe vendet e tjera të Ballkanit duhet të zhvillojnë më tej kapacitetet e tyre për të njohur kërcënimet dhe duhet të investojë më shumë si në njerëz ashtu edhe në teknologji.

Në një afat më të gjatë duhet të ofrohet edukim adekuat për sigurinë kibernetike, sidomos brezave të rinj, për të siguruar kapacitete për të ardhmen.

Aktualisht, të intervistuarit përmendin mungesën e investimeve në edukimin e së ardhmes dhe rekrutimin e profesionistëve ekzistues për të mbështetur proceset e digjitalizimit.

Në terma afatmesëm, kjo nënkupton adoptimin e një përqasjeje sektoriale për forcimin e kapaciteteve kombëtare të sigurisë kibernetike në Shqipëri dhe në të gjithë Ballkanin Perëndimor. /monitor

The post Shqipëria, me 600-700 sulme kibernetike në vit, por emigrimi i lartë e lë vendin të pambrojtur appeared first on Albeu.com.