Gjatë fjalës së tij, Baba Mondi uroi që Sulltan Nevruzi të sjellë mbarësi dhe bekime nga Zoti për të gjithë.

“Secili duhet të njohë vetën, të mundë egon dhe urrejtjen e të mbjellë paqe. Në këtë ditë të veçantë uroj ta doni më shumë njëri tjetrin, të bëni mirë e të përparoni duke pasur dashamirësi në zemrat tuaja”, ishte mesazhi i Baba Mondit.

Një urim për besimtarët bektashinj në të gjithë vendin erdhi po ashtu edhe nga Kryeministri Edi Rama. Përmes rrjetit social “Facebook”, Kryeministri uroi Gëzuar Sulltan Nevruzin, për të gjithë besimtarët.

Edhe Lulzim Basha uroi të gjithë bektashinjtë shqiptarë.

“Nga zemra i uroj të gjithë besimtarët bektashinj Gëzuar Sulltan Novruzin. Zoti e bëftë dritë për zemrat dhe shtëpitë e shqiptarëve dhe mbarë kombin”, shkruan Basha në Facebook.

Ndërsa Presidenti i Republikës, Bajram Begaj ka zgjedhur të festojë këtë ditë të shënuar me besimtarët bektashinj përmetarë.

Nga Teqeja e Baba Aliut në Alipostivan, Presidenti Begaj do të përcjellë urimet e tij për të gjithë besimtarët bektashinj shqiptarë në orën 12.00.

22 marsi është Dita e Nevruzit ose Dita e Sulltan Nevruzit. Që nga viti 1996, Dita e Nevruzit është festë zyrtare në Shqipëri.

Nevruzi është një festë e lashtë pagane, me prejardhje persiane.

Sot, kjo ditë në Shqipëri është festë fetare zyrtare për Komunitetin Bektashi. Një simbol i njohur i kësaj feste është edhe ëmbëlsira e ashures./albeu.com

The post Baba Mondi uron besimtarët për festën e Sulltan Nevruzit: Uroj ta doni më shumë njëri-tjetrin appeared first on Albeu.com.

E veçanta e këtij byreku është përbërja me 12 lakra me prodhime të tokës : Hithra ,spinaq ,presh, qepë ,një kokërr fasule, një kokërr misër, një gjethe sallatë, dhe lakra të tjera që plotësojnë numrin 12. E rëndësishme është që patjetër duhet të përdoren lakrat e ndryshme të pranverës.

Byreku bëhet me dy petë. Në një tepsi shtrohet peta e butë, e bërë vetë në shtëpi. Më pas shtohet spinaqi me të gjitha lakrat. Sipas dëshirës mund t’i hidhet edhe pak djathë.

Në një cep të byrekut, në mes të spinaqit, vendoset një monedhë. Më pas shtrohet peta e sipërme. Piqet në temperaturën 250 gradë për gjysmë ore. E rëndësishme është që furra të jetë e nxehtë para. Më pas byreku pritet në aq copa, sa anëtarë ka familja. Pasi tepsia të rrotullohet tre herë, secili zgjedh nga një pjesë.

Atij që i qëllon leku, do të ketë më shumë fat këtë vit. Ndërsa kujt i qëllon fasulja, apo misri, gojëdhënat thonë se këtë vit, do të punojnë shumë!

The post Sot Sulltan Novruzi, receta e byrekut me lekë appeared first on Albeu.com.