Ngjarja e rëndë u raportua sot nga gazetaja Klodiana Lala, ky mësohet se drejtori i Mjedisit në IKMT ka dhunuar drejtorin e zbatimit të vendimeve, Fatmir Meta.

Ngjarja ka ndodhur në zyrën e Fatmir Metës, ky Klesti Çela dhe tre persona të tjerë e kanë dhunuar këtë të fundit me qyta pistolete.

Por për Dashnor Sulën ngjarje të tilla nuk do kalojnë papërgjegjësi. “Personat e përfshirë janë pezulluar nga detyra deri në përfundimin e hetimit administrativ dhe penal. Paralelisht, janë vënë në lëvizje të gjitha mekanizmat disiplinorë të parashikuar nga legjislacioni në fuqi”, thekson njoftimi i Inspektorit të Përgjithshëm.

Me tej shtohet se: “Inspektorati i Përgjithshëm nuk toleron asnjë formë dhune, sjelljeje të papërshtatshme apo cenim të integritetit institucional. Administrata publike duhet të jetë model korrektësie, profesionalizmi dhe përgjegjshmërie. Integriteti i institucionit dhe besimi i qytetarëve janë prioritet absolut”.

DEKLARATË PËR SHTYP, INSPEKTORI I PERGJITHSHEM

Asnjë incident nuk do të kalojë pa përgjegjësi. Pas ngjarjes së ndodhur, Inspektorati i Përgjithshëm ka marrë menjëherë masat administrative dhe ligjore ndaj personave të përfshirë.

Menjëherë pas marrjes së njoftimit zyrtar nga IKMT, strukturat përgjegjëse të Inspektoratit të Përgjithshëm kanë nisur verifikimin e plotë dhe dokumentimin e ngjarjes. Personat e përfshirë janë pezulluar nga detyra deri në përfundimin e hetimit administrativ dhe penal. Paralelisht, janë vënë në lëvizje të gjitha mekanizmat disiplinorë të parashikuar nga legjislacioni në fuqi.

Inspektorati i Përgjithshëm nuk toleron asnjë formë dhune, sjelljeje të papërshtatshme apo cenim të integritetit institucional. Administrata publike duhet të jetë model korrektësie, profesionalizmi dhe përgjegjshmërie.

Integriteti i institucionit dhe besimi i qytetarëve janë prioritet absolut.

Inspektorati i Përgjithshëm do të vijojë të informojë publikun dhe mediat mbi ecurinë e procedurave.

The post Skandali në IKMT, Klesti Çela, drejtori i mjedisit e dhunoi me qytë pistolete në zyrë Fatmir Metën! Inspektori i Përgjithshëm i pezullon nga detyra: Incidenti s’do kalojë pa përgjegjësi appeared first on Albeu.com.

“Unë ju garantoj sot këtu, në ditën e parë, që unë tre gjëra i kam të panegociueshme dhe do i zbatoj. Në radhë të parë, përkushtimin tim 24 orë, telefoni im do jetë i hapur dhe nëse do ketë një çast të vetëm që kushdo do t’i bjerë dhe unë s’do përgjigjem në çast… E kam numrin publik, e kam thënë se përkushtimi do jetë maksimal, do punojmë bashkë për ato detyra që na jep ligji, për ato reforma të rëndësishme”, tha Dashnor Sula.

Së dyti, ai përmendi integritetin e tij moral dhe trupës së institucionit, për të cilën premtoi se do ketë përmirësim të dukshëm, ndërsa paralajmëroi se asnjë person nuk do futet në punë përmes ryshfetit.

“E dyta, ju garantoj për integritetin tim moral dhe të gjithë trupës së inspektorëve, nuk ju premtoj se gjithçka do jetë mrekulli, por përmirësimi do të jetë i dukshëm, duke filluar që nga rekrutimi, masat disiplinore dhe deri në masat ndëshkuese që do këtë drejtësi”, premtoi ai, ndërsa shtoi se; “zero njerëz që do futen në punë përmes ryshfetit apo korrupsionit”, duke thënë se çdo inspektor do të jetë në nivelin e duhur profesional.

Së treti ai tha se: “Do të ketë drejtësi nga mua i pari me inspektorët, ata me vartësit e tyre, e deri te i fundit. Do të krijojmë një frymë pozitive për biznesin dhe sfida që na ka vërë përballe kryeministri, është dixhitalizmi i sistemi dhe ndërtimi i një sistemi jo në kuturu, siç ka qenë vite me parë, por të shkojmë te bizneset në saj të indikatorëve të riskut, por në ndërtimin e një sistemi parandalimi dhe mbrojtje të interesit publik”.

Në mbyllje të fjalës së tij, Sula i dha fjalën kryeministrit se sfida që ai i ka dhënë do të përmbushet në bashkëpunim me inspektorët e tjerë.

“Ajo dorashkë që më keni hedhur, ajo sfidë që më keni vënë përpara, do ta përmbushim bashkë me këto gra dhe burra. Do ju nderojmë dhe inspektimi do jetë model! Ju japim pa e tepruar, po flas si burrë, fjalën e nderit”, përfundoi Kryeinspektori Sula.

The post Dashnor Sula: Ju jap fjalën, përkushtim tim 24 orë, telefoni im do jete gjithmonë i hapur, s’do futet njëri në punë përmes ryshfetit appeared first on Albeu.com.

Në fjalën e tij, kreu i qeverisë vlerësoi formimin juridik të ish deputetit demokrat, Dashnor Sula, por i kujtoi atij edhe përplasjet në Parlament.

Rama kishte një sfidë personale, por serioze për Dashnor Sulën, duke i thënë; “të shohim si do ti bëjë punët, për të cilat nuk ka lënë gjë pa thënë në Parlament”.

“Kryeinspektori vjen nga një pjesë e karrierës e cila ka qenë politika, por më parë ka qenë një protagonist në sistemin e drejtësisë, ka fermiumin e nevojshëm për të ndjekur këtë punë pasi formimi juridik është i rëndësishëm, por ka edhe sfida, që ato që i ka thënë Blerinës në Parlament, tani bashkë me Blerinën dhe të tjerët ti adresojë.

Jemi vend i vogël për tu ndarë në shumë pjesë, dhe kur vjen politika ndarja është e natyrshme, por kur vjen puna tek shteti dhe objektivat për aq kohë sa në jepet mundësia mirë është të përpiqemi së bashku.

Kjo është edhe një sfidë personale, se edhe mua nuk më ka kursyer në parlament, tani të shohim si do ti bëjë detyrat për të cilat nuk na ka lënë gjë pa thënë ne. Këtë e them me sinqeritet. Të kalosh nga teoria tek praktika e punës është si të kalosh nga poezia tek romani”, u shpreh Rama.

The post Rama sfidon Dashnor Sulën: Kur ishte në Parlament s’më ka kursyer asgjë, tani të shohim si do ta bëjë detyrën… appeared first on Albeu.com.

Përmes një postimi në Facebook, sekretari i Përgjithshëm i PD Flamur Noka e ka sulmuar Sulën duke thënë se është shpërblyer nga Edi Rama pasi ka bërë opozitën e opozitës.

“Nga “o gjel deti pusho” në “o gjel deti këndo”. Shembulli sesi Edi Rama i shpërblen ata që i bëjnë opozitë-opozitës”, shkruan Noka krahas një video të marrë nga një seancë kuvendi kur Sula ishte deputet, teksa Edi Rama i drejtohet duke i thënë “pusho o gjel deti”.

The post Noka replika thumbuese pas emërimit të Dashnor Sulës si kryeinspektor: Nga “o gjel deti pusho” në “o gjel deti këndo” appeared first on Albeu.com.

Gjatë një interviste televizive, Sula tha se problemi më i madh i opozitës është që nuk po sjell më ndryshime, qoftë brenda vetes apo edhe për vendin.

“Edhe militantë të PD nuk vijnë tek protesta, sepse pjesa më e madhe është e përjashtuar. Shikoni Peqin, Gramsh kanë ngelur me gishtat e dorës, por aty kanë mbetur njerëz që nuk kanë vlera që nuk bëjnë as 200 veta. Ky është problemi që ka opozita, nëse opozita nuk sjell ndryshime brenda vetes nuk mund të ndodh asgjë”, deklaroi Sula.

Po ashtu ish-deputeti nuk i ndali kritikat ndaj PD-së,teksa tha se në kohën që duhet ta mbështesë SPAK-un dhe të jetë aleatja më e madhe e tij, e sulmojnë.

“Fatkeqësisht opozita e vërtetë sot në Shqipëri përballë politikës është SPAK dhe GJKKO. Në një vende demokratike rotacioni duhet të ndodh në forcat politike nëpërmjet votës. Ndërkohë, opozita e godet fortë SPAK, ndërkohë që duhet ta bënte aleatë të saj. Berisha e quan organizatë kriminale. Pas protestave në 2011 Rama hoqi dorë nga protestat e dhunshme dhe pas dy vitesh erdhi në pushtet sepse pa që duhet një model ndryshe”, tha ai.

The post “As militantët nuk marrin pjesë”, Sula për protestën e PD-së: Nuk sjellin më as 200 veta! Opozita nuk po bën ndryshime appeared first on Albeu.com.

I ftuar në Euronews, Sula u shpreh se lideri ka peshë specifike.

Sipas tij, tani Rama është politikan i vjetër dhe nuk mund të zëvendësohet me një makinë akoma më të vjetër, duke iu referuar Berishës.

“Lideri ka peshë specifike të madhe. Ai e ka provuar 3-4 herë, tani u bë Rama politikan i vjetër nuk mund ta zëvendësosh me një makinë më të vjetër akoma”, tha Sula.

Ish-deputeti i PD-së është shprehur se nuk do të jetë më pjesë e PD-së derisa të jetë Sali Berisha në atë parti.

Ai ka deklaruar se Berisha i ka mbyllur derën dhe ai nuk troket më në një derë ku nuk e pranojnë apo nuk e dëgjojnë, pasi për këtë arsye sot është jashtë asaj partie.

“Unë atë prag nuk e kaloj. Sa të jetë Berisha nuk shkoj. S’ka vend për mua aty! Ma ka mbyll derën baba. Në një vend kur nuk të dëgjojnë dhe nuk të pranojnë, unë nuk trokas në derë, prandaj jam jashtë”, ka deklaruar Dash Sula.

Kujtojmë se Dash Sula mbeti jashtë listave për të garuar në zgjedhjet e 11 Majit. Pas kësaj pati një përplasje me PD-në dhe deklaratat e tij kundër Berishës kanë qenë të njëpasnjëshme.

The post Humbja e PD-së/ Sula: Rama politikan i vjetër, nuk mund të zëvendësohet me një makinë akoma më të vjetër appeared first on Albeu.com.

Ai u shpreh se; nëse drejtimin e partisë vijojnë ta mbajnë figura si Berisha, Flamur Noka apo Albana Vokshi, ai nuk do të ketë më asnjë lidhje me PD-në.

Sula la të hapur edhe mundësinë për të nisur një nismë të re politike, duke përmendur idenë e krijimit të një poli të tretë në skenën politike shqiptare.

Dashnor Sula: Nëse Sali Berisha jep dorëheqjen nga kryetari i PD, jam alternativë për të kandiduar. Nëse në PD janë Sali Berisha, Flamur Noka e Albana Vokshi, unë nuk e shkel më atë prag. Nëse këta persona rrinë në Partinë Demokratike, PD do të zhbëhet. Do doja të jap kontribut, ndoshta për krijimin e një poli të tretë.

The post Çfarë do të bëni në të ardhmen? Dashnor Sula: Nëse Berisha jep dorëheqjen nga drejtimi i PD, jam alternativë për të kandiduar appeared first on Albeu.com.

Sula theksoi se nuk priste të fitonte primaret dhe se është një prej depuettëve më të kërkuar të Elbasanit.

“Zemra ime nuk rreh më për Berishën. Mu përplas dera në fytyrë nga Berisha, më preku karrierën politike në kulmin e saj. Ditët dhe javët dhe muajt në vijim gjithsecili do marrë përgjigjen e vet, unë po pres 12 majin dhe 15 majin deri në 28 korrik që të shkojë në parlament dhe aty do shikoj, o do shoh Ramën duke qesh dhe duke qarë Berishën ose e kundërta. Unë do jem i kënaqur në të dyja rastet. Në 2005 u futa në politikë me kërkesën e demokratëve të Peqinit.

Jam ndër deputetët më të votuar të qarkut të Elbasanit dhe në 2005 më nxorën të parin në Shqipëri. Kisha dyfishin e votave të mia krahasuar me partinë. Qoftë Berisha apo njerëzit e tij të cilët nuk është më Berisha i 2005 që i merr vendimet vetë. Nëse do isha unë në Elbasan bashkë me disa bashkëpunëtor të tjerë, nga 7 bashki të Elbasanit 6 janë të papërfaqësuar për herë të parë. Disa figura të tjera, Alesia Balliu, Doris Madhi e cila është mbesa e Arjan Madhit mbaruar në La Sapienza, në listë futën të tjerë pëfshirë

Nuk prisja të fitoja primaret sepse në raport me foltoren ka qenë në jokoherencë. Unë isha në Sicili as në Shqipëri jo”, tha ai.

The post ‘Zemra ime nuk rreh më për Berishën’/ Sula: PD e papërfaqësuar në Elbasan appeared first on Albeu.com.

Deputeti demokrat ka marrë me vete presh, patate, lakër dhe një lopatë, ndërsa në fjalën për mediat para hyrjes në seancë, u shpreh se ky pritet që të jetë një vit i vështirë për të ardhurat e bujqve.

Sula shtoi se edhe pse është rritur pagesa për vjeljen e ullinjve, periudhë kjo e ngarkuar për fermerët e zonës së Peqinit dhe Belshit, sërish nuk është e mundur gjetja e punëtorëve.

“Periudha e vjeljes së ullirit, 30 mijë lekë kuintali i vjeljes dhe sërish nuk ka persona për të kryer punën. Litri i vajit po bie dhe do të jetë i tmerrshëm sërish ky vit për të ardhurat e bujqve”, tha ai.

The post Dashnor Sula i drejtohet Kuvendit me presh, patate dhe lopatë me vete: Vit i tmerrshëm për të ardhurat e fermerëve appeared first on Albeu.com.

Në një postim në Facebook, Sula shkruan se vetëm në 3 muajt e fundit çmimet e ushqimeve dhe pijeve joalkoolike janë rritur me rreth 3%, sipas të dhënave zyrtare të INSTAT-it.

“S’ndalen çmimet, pensionet në vend numëro.

Të akuzosh qeverinë, këtë mazhorancë se ka lënë në ditët më të errta 800 mijë pensionistë nuk është një trend, por është një realitet i hidhur që duhet të ndryshohet.

Shikoni pak të dashur qytetarë: Vetëm në 3 muajt e fundit sipas INSTAT-it të qeverisë, çmimet e ushqimeve dhe pijeve joalkolike janë rritur me afro 3%. (Theksoj se këto janë shifrat zyrtare dhe se realiteti është pak më ndryshe, janë rritur edhe më shumë). Ndërkohë edhe më shqetësuese e bën faktin se trendi është rritës. Nëse krahasohet me një vit më parë gjithmonë referuar shifrave të INSTAT, në 2024 kanë vijuar rritjen gjatë gjithë mujve.

Çka do të thotë: në qoftë se në 2023 me 100 lekë mund të bleje bukë, në 2024 duhet të hash më pak sepse nuk të mjafton ai buxhet. Cfarë kemi nga ana tjetër, a ka marr ndonjë masë qeveria për ti ardhur në ndihmë pensionistëve dhe shtresave në nevojë për të frenuar rritjen e çmimeve apo për të rritur pensionet?!

Përgjigja është: jo, jo dhe jo

Buxheti i 2025 nuk parashikon as heqje dhe as ulje të TVSH për shportën e ushqimeve. Buxheti i 2025, nuk parashikon as rritje pensionesh. Çfarë bëri qeveria? Në një kohë që vetëm në 3 muaj çmimet rriten me 3%, mazhoranca indeksoi me vetëm me 4% për gjithë vitin pensionet. Tallje, trajtim çnjerëzor.

Suficiti për këtë vit, pra paratë që nuk janë harxhuar në buxhetine shtetit përllogariten në 700 mln euro. Do mjaftonin vetëm një pjesë e tyre në mënyrë që pensionistëve tu rritej minimalisht sa gjysmën që rriti Kosovë, pra me 10%.

Por kjo qeveri nuk e bëri. Nuk e bëri sepse pensionistët I sheh vetëm si vota dhe që I konsideron vota të sigurta në shportën e vetë. Nuk ka trajtim dinjitoz për ata që kanë 40 vite kontribute në arkën e shtetit”, shkruan ai.

The post “Shpërthen” Dashnor Sula: Në 3 muajt e fundit çmimet u rriten më 3%, pensionet në vend numëro appeared first on Albeu.com.