Drejtoresha e Operatorit të Kujdesit Shëndetësor në Shkodër, ka vetëm 1 muaj e gjysmë që ishte emëruar në këtë institucion, duke pasur akses në kontrollin e tregut, të ilaçeve në farmacitë që operojnë në zonën veriore të Shqipërisë.

Tregu i medikamenteve është më fitimprurësi dhe pa dyshim, lufta për të kapur këtë treg është e madhe.

Aq më tepër kjo luftë shtohet dhe bëhet më e egër, për disa medikamente që rimbursohet financiarisht nga qeveria, dhe e gjithë procedura e subvencionimit  ndiqet nga drejtoria që përfaqëson, Suida Kuka.

Sipas burimeve të policisë Shkodër, pista e detyrës është parësore dhe kjo përforcohet akoma dhe më tepër nga përmbajtja e një SMS-je, që ka mbërritur ditën e ngjarjes, në telefonin e drejtoreshës dërguar nga një person anonim.

“Ora News” mëson përmbajtjen e tekstit të sms, ku personi me një numër të huaj i shkruan drejtoreshës, vetëm pak minuta pasi ishte vendosur lënda shpërthyese poshtë makinës së saj.

“…largohu dhe mos qëndro asnjë sekondë në atë zyrë, duhet të na qëndrosh larg… të ikësh edhe prej Shkodrës…” – thuhet në dokumentet e policisë.

Pas këtij mesazhi Suida Kuka, ka njoftuar bashkëshortin dhe babain e saj, biznesmenin Agim Kuka.

Më tej drejtoresha ka njoftuar dhe policinë e Shkodrës, duke bërë që në vendngjarje të shkojnë forca të shumta.

Megjithëse autorët janë përpjekur qartësisht që përmes këtij mesazhi të lidhin ngjarjen me detyrën e drejtoreshës, në fakt policia e Shkodrës po kryen veprime hetimore edhe në pistën e gjobëvënies.

Babai i Suida Kukës, Agim Kuka, është një nga biznesmenët më të njohur në Shkodër. Ai zotëron kompaninë e elektroshtëpiakeve “Arjoni” dhe është një nga bizneset që shet pajisje elektronike dhe elektrike të firmave të njohura.

Dyshimet për një gjobëvënie të mundshme ndaj babait të Suidës, kanë bërë që policia dhe prokuroria e Shkodrës të verifikojë këtë pistë me shpresën e zbulimin e provave që do çonte në zbardhjen e autorëve të kësaj ngjarje.

The post Atentati ndaj Suida Kukës, pistat ku është përqëndruar policia për hetim appeared first on Albeu.com.

Aksidente

Dita e hënë nisi me një aksident tragjik në Berat, ku një mjet tip “ML” humbi kontrollin dhe ra në lumin Osum. Për pasojë ndërroi jetë  25-vjeçarja Klaudia Xhaferaj dhe djali i saj, 6 vjeç. Burimet zyrtare të policisë kanë dalë në përfundimin se, shkak për aksidentin e rëndë është bërë “pakujdesia në drejtimin e mjetit” nga vetë 25-vjeçarja, e cila kishte bërë fillimisht një parakalim të gabuar dhe më pas kishte humbur kontrollin e mjetit, duke u përplasur me kangjellat e rrugës e duke rënë në lumë.

Atentat

Mbrëmjen e djeshme, në Mirditë iu bë atentat me armë zjarri ku mbeti i plagosur Martin Prenga.  Sot, policia vuri pranga autorin,  dërsa proceduan në gjendje të lirë vëllain e tij, i cili e ndihmoi të largohej nga vendi i ngjarjes. Policia ka bërë të mundur sekuestrimin e armës së zjarrit tip pistoletë e cila dyshohet se është përdorur për plagosjen. Autori i ngjarjes dhe vëllai e tij janë identifikuar si Florin dhe Altin Gjoka. Sipas “bluve” Florin Gjoka ka tentuar ta vrasë 51-vjeçarin, por plumbat e kanë kapur nga këmbët duke e plagosur rëndë.

Projektligji për legalizimin e kanabisit mjekësor dhe reagimet

Qeveria ka hedhur për konsultim publik projektligjin “Për kontrollin e kultivimit dhe përpunimit të bimës së kanabisit dhe prodhimit të nënprodukteve të saj për qëllime mjekësore dhe industriale”.

Në bazë të ligjit, në Shqipëri do të krijohet Agjencia Kombëtare e Kontrollit dhe Monitorimit të Kultivimit dhe Përpunimit të Bimës së Kanabisit për qëllime mjekësore dhe industriale dhe Prodhimit të Nënprodukteve të saj. Agjencia do të jetë institucioni përgjegjës për monitorimin e zbatimit të parashikimeve të këtij ligji në lidhje me kontrollin dhe mbikëqyrjen e kultivimit dhe përpunimit të bimës së kanabisit si dhe prodhimit të nënprodukteve të saj. Ky lajm ka sjellë reagime të shumta nga opozita, të cilët e cilësojnë si vendim të gabuar pasi do të kanabizojë vendin. Ish-kryeministri Sali Berisha tha se Rama, me këtë vendim, do të bëjë vendin Escobar të Europës. Ndërsa vetë kryeministri u shpreh se në vazhdim, mund edhe ta legalizojnë për përdorim vetjak.

I nxehti afrikan

Vendi ynë ditët e fundit është pushtuar nga i nxehti afrikan. Ky muaj nis i nxehtë, megjithëse kemi vetëm 1 gradë rritje të vlerave termike, temperaturat janë tashmë mjaft të larta në territor, përjashtuar ato të mëngjesit. Në zonat malore mëngjesi i sotëm është mjaft i freskët, ku vlera minimale është 14°C. Ndërsa në zonat e ulëta dhe bregdetare termometri luhatet 18-24 gradë celsius vlera minimale. Ndërkohë në zonat e tjera, temperaturat kanë arritur vlerën deri në 40 gradë celsius. Edhe ditët në vijim, kushtet e motit do të jenë po njësoj, madje duke tejkaluar temperaturat 40 gradë./albeu.com

The post Tritol atentate e aksidente tragjike, zhvillimet më të rëndësishme të kësaj jave në vend appeared first on Albeu.com.

Ende policia nuk ka një autor të dyshuar për  këtë ngjarje, edhe pse nga kqyrja e kamerave të sigurisë është parë autori i cili ka ardhur në vendin e ngjarjes më një motoçiletë dhe pasi ka vendosur sasinë e eksplozivit të mbledhur me një qese kroasanti dhe të pajisur për t’u telekomanduar, është larguar, bën të ditur BalkanWeb.

Nga pamjet e sigurisë nuk është shquar dot fytyra e autorit, ndërsa në dëshminë e saj Kuka tha se nuk kishte asnjë konflikt me askënd.

“Nuk kam konflikte me askënd. Nuk e di nga erdhi nga ngjarje. S’kam asnjë shqetësim apo konflikt as në punë”, mësohet të këtë thënë para oficerëve të policisë.

Policia ka dyshime se ngjarja mund të ketë ndodhur për shkak të detyrë së Kukës./albeu.com

The post Eksplozivi poshtë “Range Rover-it” të drejtoreshës në Shkodër, autori lëvizte me motoçikletë: Ku dyshon policia? appeared first on Albeu.com.

Alarmi u ngrit pasditen e sotme, dhe policia rrethoi menjëherë zonën.

Kohët e fundit ka pasur shumë raste të pakove dhe çantave të dyshimta, por thuajse në të gjitha rastet kanë rezultuar alarm i rremë.

Njoftimi i policisë:

Shkodër/Informacion shtesë

Në vijim të informacionit paraprak për një pako të dyshimtë që u konstatua në lagjen “Vojo Kushi”, Shkodër, në afërsi të një mjeti “Range Rover”, në pronësi të shtetases S. K., banuese në fshatin Demiraj, Malësi e Madhe, me detyrë Drejtoreshë e Drejtorisë së Shëndetit Publik Shkodër, ju informojmë se:

Në vendin ku u konstatua pakoja e mbyllur erdhi njësia antieksploziv e RENEA-s, e cila bëri shpërthim të kontrolluar të pakos, brenda së cilës rezultoi se kishte lëndë eksplozive.

Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, vijon veprimet për zbardhjen e rrethanave të ngjarjes, identifikimin dhe kapjen e autorit./albeu.com

The post Parandalohet atentati në Shkodër, forcat xhenerike gjejnë tritol poshtë makinës së drejtores së operatorit të kujdesit shëndetësor appeared first on Albeu.com.