Fadil Bytyqi ka njoftuar tërheqjen e tij nga posti i presidentit të FC Suharekës, ekip ky që konkuron në Ligën e Parë të Kosovës. Lajmin e ka bërë vetë ai i ditur përmes një komunikate zyrtare.

Si arsye kryesore për këtë vendim, Bytyqi ka përmendur përgjegjësitë e shumta që ka në sektorin privat. Vlen të rikujtohet se sezoni i kaluar, 2024/2025, ishte fatal për skuadrën, e cila pësoi rënie nga kategoria më e lartë e futbollit kosovar.

Në deklaratën e tij, ai e cilësoi dorëheqjen si të pakthyeshme, duke e përshkruar vendimin si të vështirë, por të domosdoshëm për shkak të impenjimeve të tij të shtuara jashtë futbollit. Bytyqi shprehu krenari për arritjet e përbashkëta dhe mirënjohje për besimin që iu dha nga bashkëpunëtorët, lojtarët dhe tifozët.

Megjithë largimin nga detyra zyrtare, Bytyqi siguroi se mbetet një mbështetës i flaktë i klubit. Ai u zotua se do të jetë gjithmonë i gatshëm të kontribuojë me të gjitha mundësitë e tij sa herë që FC Suhareka të ketë nevojë për të. Në fund, ai i uroi suksese udhëheqësisë së ardhshme dhe e siguroi atë për përkrahjen e tij të vazhdueshme.

The post Presidenti i klubit që pësoi rënie nga Superliga jep dorëheqjen për shkak të angazhimeve të biznesit appeared first on Albeu.com.

Eurolind Avdimetaj është zyrtarisht lojtari më i ri i Prishtinës. Portieri 20-vjeçar i ka dhënë fund eksperiencës së tij te Suhareka, duke zgjedhur të vazhdojë karrierën me ekipin kryeqytetas të Kosovës.

Me këtë lëvizje, trajneri Orges Shehi shton në grup një talent që së fundmi ka spikatur me paraqitjet e tij. Avdimetaj numëron gjithashtu edhe një ndeshje me përfaqësuesen e Kosovës U21.

“Mirë se vjen në kryeqytet”, ka shkruar klubi i Prishtinës në rrjetet sociale. Krahas këtij mesazhi, është publikuar edhe videoja e prezantimit të portierit 20-vjeçar, Eurolind Avdimetaj.

The post Prishtina afron Eurolind Avdimetajn, Orges Shehi fiton një tjetër alternativë në skuadër appeared first on Albeu.com.

“Të nderuar adhurues dhe simpatizantë të klubit tonë ju njoftojmë që kemi arritur marrëveshje bashkëpunimi për të marrë drejtimin e skuadrës me kryetrajnerin SHPETIM DURO”.

“Kryesia e klubit ishin të pajtimit që ti besojnë trajnerit Duro për udhëheqjen e skuadrën ku u betuan që do qëndrojnë afër me kushtet dhe gjitha mundësitë që klubi ynë të shkëlqejë në superligë, në anën tjetër trajneri theksoi se së bashku të bashkuar do punojmë maksimalisht dhe me plan projekt profesional”, thuhet në komunikatën e klubit.

Suhareka do të tentojë të ofrojë lojtarë me emër në futbollin vendor, por edhe më gjërë, për të krijuar një skuadër të fortë dhe rivalizuese. /Telegrafi/

The post ZYRTARE / Shpëtim Duro merr drejtimin e FC Suharekës appeared first on Albeu.com.

Skuadra nga Suhareka diktoi ritmin gjatë gjithë takimin, duke dhuruar spektakël për tifozët në “Fadil Vokrri”.

Ballkani e nis me këmbë të mbarë rrugëtimin në Conference League, ndërsa triumfoi me rezultatin 3-0 ndaj ekipit nga Irlanda e Veriut, Larne-s.

Skuadra nga Suhareka diktoi ritmin gjatë gjithë takimin, duke dhuruar spektakël për tifozët në “Fadil Vokrri”.

Ballkani nuk u ndal me aq, por vazhdoi me të njëjtin ritëm edhe në fraksionin e dytë, me Gripshin që gjeti rrjetën në minutën e 54’, por ai gol u anulua për pozicion jashtë loje.

Megjithatë në minutën e 67’ të lojës Rrahmani u tregua shumë altruist dhe i dhuroi një asist, Gripshit me këtë të fundit që realizoi golin e tretë për ekipin e tij.

Në fund gjithçka përfundon me rezultatin 3-0, me skuadrën e Ilir Dajës që i mjafton të ruajë avantazhin në ndeshjen e kthimit ndaj Larnes në Irlandë e Veriut, që do të zhvillohet javën e ardhshme dhe e cila do të vendos ekipin që kalon në raundin tjetër të Conference League.

Nëse Ballkani ia del të kalojë në raundin tjetër të Conference League, kundërshtar do të ketë ekipin nga Gjibraltari, Lincoln Red Imps.

The post Ballkani argëtohet ndaj Larnes, ekipi nga Suhareka hedh “sytë” nga raundi tjetër appeared first on Albeu.com.