Ai shprehet gjithashtu se mund të ketë një vazhdë të një historie më të hershme që e kanë çuar autorin në këtë akt, por thekson se asgjë nuk e justifikon krimin.

“Autori ka probleme të shëndetit mendor. Mund të jenë si pasojë e gjendjes në të cilën ndodhen. Mendoj se aty brenda ka dhe motive të tjera, të dobëta, xhelozie. Duke futur dhe dy prindërit e autorit në këtë skenë, mund të themi se është një ngjarje brenda familjes që është diskutuar. Ka diçka më tepër se një problem shëndetësor mendor. Ka një vazhdë të një historie më të hershme që e kanë cuar në këtë akt, por nuk e justifikon në asnjë moment krimin”, tha Hajdarmataj.

Edhe gazetari Mentor Kikia ndan të njëjtin mendim, se autori vuante nga problemet e shëndetit mendor, ndërsa tha se krime të tilla në SHBA janë të njohura për shoqërinë amerikane.

“Këto lloj ngjarjesh nuk janë të panjohura për shoqërinë amerikane. Kjo ka tjetër impakt te ne se çifti është shqiptar, dhe besoj se do të shkohet te një njeri me çekuilibrime të shëndetit mendor. Nuk është thjesht vrasje, por masakrim. Si dhe rrëmbimi i fëmijës. Është një seri krimesh”, tha Kikia.

The post “Mendoj se aty brenda ka dhe motive të tjera”- Ish-drejtuesi i lartë i policisë për vrasjen e Suela Saliajt: Ka një vazhdë të një historie më të hershme appeared first on Albeu.com.

Ajo shprehet e lënduar dhe falënderon të gjithë që i kanë dhënë mbështetje.

Më tej, ajo shprehet se vajza e tyre Alessia është pranë njerëzve më të dashur, ku të gjithë po përpiqen t’i japin ndihmën e duhur.

“Faleminderit të gjithë për mesazhet dhe mbështetjen tuaj. Familja jonë është në zi dhe e kemi të pamundur të pranojmë apo besojmë lajmin për ikjen e papritur të Suelës. Na mungon shumë. Nuk do arrijmë dot të jemi të njëjtët njerëz pa Suelën. Alessia është me njerëzit e saj më të dashur dhe po përpiqemi t’i japim ndihmën e duhur dhe të vazhdueshme për të cilën ajo ka nevoje. Suela ishte një vajzë shembull dhe e dashur për të gjithë ata që e kanë njohur.

Ëndrrat dhe planet e saj ishin te mëdha por fatkeqësisht u prenë në mes. Duam që çdo gjë që ajo ka dëshiruar apo ka pasur në planet e saj, ta realizojmë me Alessian. Suela je gjithmonë ne zemrat tona. Asnjë nuk meriton fatin tënd. Ti ishe një vajze kinge dhe e pavarur. Çdo sfidë në rrugën tënde e ke fituar me sukses. Sa shumë njerëz të duan e shkruajnë për ty! Na fal që nuk të shpëtuam dot në kohë. Je shpirti jonë! Të duam përgjithmonë! Shpirti jot u prehtë në paqe”, shkruan e familjarja.

The post U vra nga ish-bashkëshorti, reagon familjarja e Suela Saliaj: Na fal që nuk të shpëtuam dot në kohë appeared first on Albeu.com.

Sipas mediave amerikane, 32-vjeçarja u gjet e vdekur në dyshemenë e dhomës së saj të gjumit, e mbuluar në gjak.

E reja u vra nga ish-bashkëshorti i saj, 34-vjeçari Renato Muhaj, në apartamentin e saj Belleair Place në Clearwater, Florida.

Sipas mediave vendase, Muhaj i ka prerë fytin viktimës në sy të vajzës së tyre 8-vjeçare.

Autoritetet thanë se Muhaj, u gjet bashkë me vajzën disa orë më vonë në automjetin e tij dhe ai u arrestua menjëherë.

Vajza është bashkuar me anëtarët e tjerë të familjes.

Pas ngjarjes së rëndë, një anëtar i komunitetit ka hapur një llogari në GoFundMe në emër të familjarëve, për të ndihmuar në pagesën e shpenzimeve të funeralit dhe për të mbështetur vajzën 8-vjeçare të Suela Saliajt.

“Të dashur miq dhe familjarë, ne jemi bashkë në një kohë pikëllimi për të kërkuar mbështetjen tuaj për shpenzimet e varrimit dhe kujdesin e Alessia-s në kujtim të Suelës sonë të dashur. Bujaria juaj gjatë kësaj kohe të vështirë do të na ndihmojë të nderojmë kujtimin e saj dhe të sigurojmë fëmijën e saj të çmuar”, shkroi një prej familjarëve.

Vrasja ndodhi më 30 Janar, ndërsa në dëshminë e saj vajza 8-vjeçare, tha se e dinte se nëna e saj kishte vdekur dhe e kishte pyetur të atin “pse e bëri këtë”?

The post Detaje tronditëse nga vrasja e shqiptares në SHBA, ish-burri i preu fytin në sy të vajzës appeared first on Albeu.com.

Ajo u gjet e vdekur në banesë nga punonjësit e policisë, ndërkohë që 34-vjeçari Renato Muhaj, rrëmbeu më pas vajzën e çiftit, e cila u arrit që të shpëtohej disa orë më vonë.

Suela jetonte prej disa vitesh në SHBA, ku kishin emigruar më pas dhe prindërit si dhe vëllai i saj.

Motivet e krimit të rëndë nuk dihen ende, për shkak se policia ka qenë tepër e rezervuar në dhënien e informacioneve.

Sipas policisë, Renato Muhaj, ka sulmuar edhe prindërit e tij në banesë të cilët janë dërguar për mjekim në spital.

Në profilin e saj në Linkedin, Suela liston një sërë aftësish të saj, ndërkohë që ka më shumë se 5 vite eksperiencë në shërbimin e klientit në banka.

The post Kush ishte Suela Saliaj, shqiptarja që u vra nga bashkëshorti në SHBA (FOTO) appeared first on Albeu.com.