Kështu deri në shkurt numri i turistëve arriti në 1 milion me rritje 33% nga një vit më parë. Por, një nga kritikat kryesorë për turizmin ka qenë ardhja e turistëve me të ardhura të ulëta. Trendi po ndryshon, ndërsa shifrat tregojnë se gjithnjë e më shumë ka rritje të numrit për turistët nga Evropa perëndimore, por edhe zona më e pasur e kontinenti siç është Evropa Veriore, ku përfshihen edhe vendet skandinave, që kanë dhe pagat mesatare më të larta.

Shifrat tregojnë se në 2023-in turistët nga Suedia, Norvegjia dhe Finlanda ishin 109 mijë me rritje 76%. Përfaqësuesi i bizneseve nordike shprehet se skandinavët po gjejnë gjithnjë e më shumë interes te Shqipëria.

“Hapja e Shqipërisë është një mundësi e madhe për ta për të parë një vend ish-komunist që është transformuar në muajt e fundit, ndërkohë që natyra e virgjër është një nga elementët e veçantë ndryshe nga ata që shohin në Spanjë apo vende të tjera të zhvilluara. Është një vend i larmisë i veçantë, sepse është një vend i vogël dhe ofron një llojshmëri ngjyrash si dhe ofron një llojshmëri klimaterike ku distanca nga deti në mal është relativisht 2-3 orë”, tha Bujar Zhuri, përfaqësues i “Grupi i Bizneseve Nordike”.

Këtë vit numri i tyre jo vetëm për turizëm, por dhe investime pritet të ketë rritje të ndjeshme nga Skandinavia

“Vendet që skandinavët kanë udhëtuar më së shumti në Evropë është Spanja, Greqia apo Turqia. Kohët e fundit Shqipëria është futur në listën e tyre dhe është prioritet për të vizituar Shqipërinë. Ka shumë artikuj, madje në një nga më të fundit ishte me titull “Harojeni Spanjën dhe Turqinë, por shikoni Shqipërinë”. Interesi jo vetëm, për turistë, por edhe si investitorë është mjaft i madh, pasi në Sarandë 600 norvegjezë kanë blerë shtëpitë e tyre”, tha Zhuri.

Shqipëria gjithashtu ishte mbajtësja e nderit në Panairin më të madh të turizmit në Berlin, ndërsa më herët promovimi nuk ka munguar as në konferencën e famshme botërore në Spanjë. Promovimi i Shqipërisë turistike nuk ka munguar as nga mediumet më të famshme evropiane.

The post Skandinavët preferojnë Shqipërinë/ Një milionë turistë në dy muajt e parë, rritet numri i suedezëve dhe norvegjezëve appeared first on Albeu.com.

“Nga specialistët për Hetimin e Krimeve në Komisariatin e Policisë Sarandë u bë arrestimi në flagrancë i shtetasit suedez S. L., 33 vjeç, banues në Sarandë, pasi ka ushtruar dhunë fizike ndaj bashkëjetueses së tij. Materialet i kaluan Prokurorisë, për veprime të mëtejshme”, thuhet në njoftimin e policisë.

Gjithashtu, policia bën me dije se, mëngjesin e sotëm është dërguar për ndihmë mjekësore, në spitalin e Vlorës, një shtetase ende e paidentifikuar, rreth moshës 25 vjeçe, e cila dyshohet të jetë rrëzuar aksidentalisht në det duke zbritur nga një anije të ankoruar pranë portit Vlorë. Paraprakisht dyshohet se kjo shtetase ka qënë nën efektin e alkoolit.

Grupi hetimor po kryen veprimet e mëtejshme në lidhje me identifikimin e shtetases dhe sqarimin e rrethanave të rastit./albeu.com

The post Dhunoi bashkëjetuesen, arrestohet suedezi në Sarandë appeared first on Albeu.com.