Silvio Merkaj mund të jetë në prag të një transferimi të ri, me ditën e fundit të merkatos së verës që pritet të sjellë zhvillime për të ardhmen e tij. Sulmuesi shqiptar po ndiqet nga Vicenza, e cila synon ta afrojë për sezonin e ri dhe ta largojë nga Sudtiroli.

Edhe pse 28-vjeçari ka ende një vit kontratë me Sudtirolin, interesimi i klubit të sapongjitur në Serie B mund të ndikojë në ndryshimin e situatës. Merkaj e ka nisur sezonin në mënyrë pozitive, duke shënuar në përballjen kundër Beneventos më 30 gusht.

Pas rikthimit në Serie B, Vicenza po punon për të shtuar alternativat në repartin ofensiv dhe e konsideron futbollistin shqiptar një përforcim të përshtatshëm për të rritur konkurrencën në sulm.

Gazetari i njohur italian Gianluca Di Marzio raporton se negociatat mes palëve vijojnë, ndërsa orët e ardhshme do të jenë përcaktuese për vendimin që lidhet me të ardhmen e Merkajt.

The post Merkaj pranë largimit nga Sudtiroli, orët e fundit mund të vendosin të ardhmen e sulmuesit shqiptar appeared first on Albeu.com.

Frederik Veseli do të vijojë të jetë pjesë e Sudtirolit, të paktën për momentin. Mbrojtësi i Kombëtares shqiptare, i lidhur me klubin e Serie B, ka marrë një ofertë nga Trevizo, skuadër që militon një kategori më poshtë.

Klubi i Trevizos i kishte propozuar 33-vjeçarit një kontratë shumëvjeçare. Negociatat mes palëve kishin avancuar, por futbollisti ka vendosur ta refuzojë përfundimisht këtë mundësi.

Veseli do ta përqendrojë vëmendjen te Sudtiroli, pasi kampionati i Serie B nis javën e ardhshme. Aktualisht, objektivi i tij kryesor është përgatitja për sezonin e ri.

The post Frederik Veseli refuzon ofertën shumëvjeçare dhe qëndron te Sudtirol appeared first on Albeu.com.