Stuhia mbërriti në Paris rreth orës 15:00, duke përfshirë qytetin me reshje intensive breshëri për disa minuta. Pamje të shpërndara në rrjetet sociale tregonin rrugë, trotuare dhe çati të mbuluara me të bardhë, ndërsa breshëri i madhësisë së kokrrave të mermerit godiste qytetin.

Shërbimi kombëtar i motit, Météo France, kishte paralajmëruar më herët për rrezik stuhish, duke vendosur rajonin e Ile-de-France në alarm të verdhë. Temperaturat në Paris kishin arritur deri në 26°C gjatë ditës, përpara se të binin ndjeshëm në orët e mbrëmjes.

Situatë e ngjashme u raportua edhe në Lyon, ku stuhia mbërriti rreth orës 17:00. Banorët u befasuan nga reshjet e forta të breshërit, të cilat disa i përshkruan si “të madhësisë së topave të golfit”, duke i detyruar kalimtarët të kërkonin strehim.

Fatmirësisht, nuk janë raportuar dëme serioze apo të lënduar në asnjërin nga qytetet.

Ky episod shënon një fund të papritur të valës së të nxehtit të hershëm të pranverës në Francën qendrore dhe veriore. Sipas Météo France, kushtet e paqëndrueshme pritet të vazhdojnë gjatë fundjavës, sidomos në jug të vendit, ku disa departamente janë vendosur në alarm për stuhi ditën e diel. Në të gjithë vendin pritet një rënie temperaturash prej 5-6°C.

The post Pas temperaturave të larta, Franca goditet nga stuhi breshëri appeared first on Albeu.com.

Stuhia u shoqërua nga erëra të forta dhe shi, si dhe nga një rënie e madhe në temperatura.

Instituti Hidrometeorologjik i Serbisë (IHS) njoftoi më herët se moti në Serbi do të jetë shumë i paqëndrueshëm, me shi, rrebeshe të mëdha, bubullima dhe kohë pas kohe breshër, posaçërisht pasdite dhe në mbrëmje.

IHS pret që temperaturat të bien për rreth pesë deri në tetë gradë.

Temperatura aktuale në shumicën e vendeve në Serbi është mes 26 dhe 32 gradë Celsius, sipas IHS.

Ministria e Brendshme e Serbisë (MBS) njoftoi të premten, 4 gusht, se i ka ndërmarrë të gjitha masat e nevojshme, në mënyrë që të reagojë ndaj pasojave të shirave të mëdha, si dhe për t’i mbrojtur popullin dhe pronat.

Stuhia në Serbi mbërriti nga Evropa veriore, e cila më herët i dëmtoi vendet e tjera si Slloveninë dhe Kroacinë, ku pritet një rritje e madhe e nivelit të ujit në lumenjtë Mura, pritet të rritet. Alarmi për motin e lig është aktivizuar edhe në Bosnja e Hercegovinë.

Më së keqi është goditur Sllovenia. Shiu i madh që ra gjatë natës së 4 gushtit dhe mëngjesit së 5 gushtit në provincat e Sllovenisë, Gorenjska dhe Karinthia, shkaktoi vërshime. Niveli i ujit në lumenjtë e Sllovenisë jugore, të cilat kanë dalë nga shtrati në disa vende, janë në rritje, dhe si pasojë shumë rrugë mbesin të mbyllura.

Agjencia e Mjedisit të Sllovenisë, ARSO, rriti alarmin në nivelin më të lartë pas shirave të rrëmbyeshme që kanë goditur më së keqi pjesë veriore, veriperëndimore dhe qendrore të shtetit.

Policia sllovene tha për agjencinë e lajmeve STA se tre persona kanë vdekur që kur shteti u godit nga stuhitë e shiut të enjten mbrëma. Një sllovene vdiq në qytetin Kamnik, ndërkaq dy shtetas holandez vdiqën në një zonë malore afër qytetit Kranj.

“Vdekja në Kamnik mund të jetë shkaktuar nga vërshimet, ndërkaq vdekjet në mal mund të jenë shkaktuar nga vetëtimat. Megjithatë, rrethanat e vdekjeve janë duke u hetuar”, tha zyrtarja policore, Maja Adleshiq Ciperle.

Ushtria e shtetit është angazhuar në ndihëm e qytetarëve pas motit të lig.

The post Beogradi goditet nga stuhia e breshërit appeared first on Albeu.com.