Tani, falë një studimi mbi trurin e brejtësve gjatë gjumit, ne mund të themi me më shumë besim se pse ndodhin këto lëvizje të shpejta të syve (REM).

Studiuesit e kanë studiuar që nga vitet 1950 fenomenin e lëvizjes së syve në gjumë gjatëmomentit të shikimit të ëndrrave. Personat që zgjoheshin pasi kishin parë ëndrra që duheshin gati si reale, shfaqnin lëvizje veçanërisht të ekzagjeruara të syve, duke e bërë të lehtë të supozohej se sytë e tyre bartnin “gjurmët” e peizazheve të krijuara në peizazhin e tyre të ëndrrave.

Edhe pse ky pohim duket shumë i arsyeshëm, është një hipotezë sfiduese për ta mbështetur eksperimentalisht. Shumica e studimeve të deritanishme, janë bazuar tek njerëzit që flinin,dhe më pas vetë-raportonin mbi ëndrrat e tyre, të cilat studiuesit i lidhën me lëvizjet e syve të tyre.

Por kjo qasje lë shumë hapësirë ​​për dyshime. Studiues të tjerë, kanë vënë në dukje se gjumi REM mund të ndodhë edhe në mungesë të ëndrrave, sidomos tek foshnjat dhe njerëzit me trauma të trurit, që me sa duket kanë mbetur të paaftë për të vizualizuar ëndrrat e tyre.

Por ne mund të ëndërrojmë edhe pa hyrë në gjumin e fazës REM. Më e rëndësishmja:jo të gjitha studimet mbështesin atë që quhet “hipoteza e skanimit”. Përndryshe, lëvizja e shpejtë e syrit nën kapakë – e përshkruar si sakada – mund të jetë thjesht një përgjigje nervore ndaj aktivitetit më themelor që shfaqet kur truri nuk është më i lidhur me vetëdijen .

Për ta tejkaluar këtë ngërç, shkencëtarët nga Universiteti i Kalifornisë në San Francisko, përdorën minjtë për një testim. Ata matën aktivitetin e qelizave nervore në talamusin e miut, të cilat janë përgjegjëse për drejtimin e kokës në një kahje të caktuar.

Tek minjtë që ishin zgjuar, sakada–t priren të përputhen me lëvizjet e kokës. Përputhja e lëvizjeve të syve me impulset nervore me drejtimin e kokës, do të ishte një provë kryesore

në mbështetje të “hipotezës së skanimit”. Ekipi përdori sonda të vogla të implantuara nëkokë, për të regjistruar aktivitetin nervor të minjve, duke i dhënë mundësi të eksploroninlirshëm mjediset e tyre ndërsa ishin zgjuar.

Ndërkohë, një sërë kamerash regjistruan çdo mbyllje të syve. Kur ato u shtrinë për një sy gjumë, sensorët nisën të regjistronin. Linjat bazë në aktivitetin nervor dhe sakada–t e krijuara gjatë periudhave të zgjimit u përdorën për të përcaktuar se sa e mundur ishte që lëvizjet e syve gjatë fazës REM, të lidheshin gjithashtu me drejtimin e tyre të synuar përmes botës së tyre mendore.

Rezultatet e tyre ofrojnë prova mjaft të qarta:lëvizjet e shpejta të syve të miut lidhen me kontrollin e trurit të tij mbi lëvizjet e kokës. Ashtu siç jeni zgjuar, lëvizjet më të mëdha dhe më të turbullta parashikojnë ndryshime më të forta në drejtimin e kokës, sikurse ndodh përmes talamusit.

Natyrisht, tani duhen përputhur rezultatet të një eksperimenti mbi minjtë, me të njëjtën sjellje tek njerëzit. Neurologët Kethrin Kanto dhe Kris De Zeu nga Instituti Holandez për Neuroshkencën, thonë se leximi i lëvizjeve të syve gjatë gjumit mund të ndihmojë në pasjen e terapive më cilësore për përmirësimin e kujtesës ose menaxhimin e traumave. Po ashtu mund të na japë më shumë njohuri për vetë synimin e “bredhjeve” tona të pavetëdijshme. / science alert

The post Pse na lëvizin sytë kur shohim ëndrra? Ja çfarë thotë studimi më i fundit appeared first on Albeu.com.

Vitamina është thelbësore për mbajtjen e shëndetshme të gjakut dhe qelizave nervore, dhe mund të mbrojë flokët tuaj nga thinjat.

Edhe pse thinja e parakohshme është një problem i zakonshëm, mund t’i bëjë disa njerëz të ndjehen keq me veten.

Disa studime të kohëve të fundit kanë treguar se një mangësi ushqyese mund të ketë një ndikim të madh në flokët tuaj, dhe rekomandojnë që njerëzit të sigurohen që po konsumojnë mjaftueshëm Vitaminë B12.

Ajo është e përfshirë në ndihmën e trupit që të bëjë qelizat e kuqe të gjakut dhe mbajtjen e sistemit nervor të shëndetshëm.

Mikronutrientët, veçanërisht Vitamina B12, mund të ndikohen nga zakonet dietike. Nëse hani mish, peshk ose ushqime të qumështit, duhet të jeni në gjendje të merrni mjaftueshëm vitaminë B12 nga dieta juaj, këshillon NHS.

Vitamina B12 nuk gjendet natyrshëm në ushqime të tilla si frutat, perimet dhe drithërat, kështu që veganët mund të kenë më shumë gjasa të zhvillojnë një mangësi. Burimet e mira të vitaminës përfshijnë mishin, peshkun, djathin, vezët dhe disa drithëra që hahen për mëngjes.

The post Studimi/ Mungesa e kësaj vitamine po u shkakton thinjën e parakohshme të flokëve appeared first on Albeu.com.

Parkinsoni është një sëmundje progresive neurodegjenerative që çon në një rënie të vazhdueshme të kontrollit motorik dhe cilësisë së jetës. Pothuajse 10 milion njerëz vuajnë nga kjo sëmundje dhe do të ketë 40 milion në 2040 si rezultat i rritjes progresive të jetëgjatësisë, shkruan ANSA.

Deri më sot, nuk ka ilaçe me të vërtetë efektive, sepse molekulat e mundshme të dobishme nuk janë në gjendje të kapërcejnë pengesën e trurit në gjak që ndan trurin nga qarkullimi i gjakut.

Duke u nisur nga informacioni i marrë në pothuajse 50 vjet aktivitet kërkimor në fushën e sistemit nervor qendror, ekipi i Universitetit ka hartuar një molekulë, përkatësisht një oligosakarid të quajtur OligoGM1, e cila imiton disa përbërës të membranave të neuroneve. Injektuar në gjitarë, OligoGM1 u zbulua se ishte në gjendje të kapërcente barrierën e trurit në gjak.

Qëllimi i studiuesve është të kryejnë të gjithë rrugën e eksperimentimit deri në provat klinike mbi njerëzit, me shpresën se oligosakaridet mund të bëhen një ilaç i dobishëm për pacientët. Projekti është kryer nga një ekip kërkimor i formuar nga Sandro Sonnino, Elena Chiricozzi, Laura Mauri, Maria Fazzari dhe Giulia Lunghi.

The post Studimi i fundit: Gjendet molekula që kuron sëmundjen e Parkinsonit appeared first on Albeu.com.