Presidenti i Republikës përshëndeti pjesëmarrësit e gjeneratës 2024 të shkollës, përfaqësues të forcave të ndryshme politike, administratës qendrore dhe vendore, shoqërisë civile dhe medias.

Duke vlerësuar punën e tyre, Begaj tha se ky takim me ta nuk është vetëm një ceremoni formale diplomimi.

“Për secilin prej jush tashmë çelet një kapitull i ri, në të cilin dijet dhe përvoja që keni fituar këtunuk i shërbejnë më vetëm avancimit personal në karrierë. Kontributi dhe angazhimi juaj konkret i shërben ndërtimit të një shoqërie më të mire”, tha Begaj.

“Shqipëria ka nevojë për një frymë të re, për një angazhim politik dhe shoqëror ku idetë duhet të ballafaqohen me argumente, ku kundërshtari shihet si bashkëkonkurrues”, tha Begaj.

“Kultura politike që kultivohet këtu duhet të reflektohet kudo: në jetën politike e publike, në administratë, në sipërmarrje dhe në media”, vijoi ai.

“Shqipëria evropiane nuk lidhet vetëm me anëtarësimin e plotë në Bashkimin Evropian, por edhe me përpjekjen e vazhdueshme për konsolidimin e demokracisë, shtetit të së drejtës dhe zhvillimin e qëndrueshëm”, u shpreh Presidenti Begaj.

Kreu i Shtetit vuri në dukje se demokracia nuk është një monument që ndërtohet një herë dhe mbetet e tillë.

“Shteti i së drejtës nuk ka të bëjë vetëm me performancën e institucioneve të drejtësisë. Ai lidhet drejt për së drejti me respektin dhe zbatimin rigoroz të ligjit nga institucione të çdo niveli, qendrore apo lokale, nga çdo drejtues dhe nëpunës i administratës publike, nga çdo qytetar”, u shpreh Begaj.

“Rruga e Shqipërisë drejt anëtarësimit në Bashkimin Evropian nuk është thjesht çështje politike, por një proces transformimi i thellë i mënyrës se si ne qeverisim, si ndërtojmë institucione dhe si mendojmë për të ardhmen”, shtoi ai.

“Shqipëria ka nevojë për ekspertë të aftë e profesionistë që adresojnë sfidat dhe ofrojnë zgjidhje për të gjitha reformat dhe problematikat në kuadër të negociatave për anëtarësim në BE”, tha Begaj.

“Shoqëria jonë duhet të avancojë pa lënë askënd mënjanë e pas.  Në qeverisje, arsim, shëndetësi, zhvillim ekonomik e teknologjik, bujqësi e kulturë, politikat tona duhet të jenë gjithëpërfshirëse”, theksoi ai.

Begaj falënderoi Këshillin e Evropës për mbështetjen e palëkundur që i ka dhënë Shqipërisë në rrugëtimin e saj demokratik, në forcimin e institucioneve dhe në edukimin e një brezi të ri drejtuesish sikundër edhe iu uroi suksese të sapodiplomuarëve.

The post Presidenti Begaj: Shqipëria evropiane lidhet me përpjekjen e vazhdueshme për shtetin e së drejtës appeared first on Albeu.com.

Edi Rama: Jemi në një kohë ku po krijohet një ekosistem i tërë për të mundësuar studimin e teknologjisë dhe punësimin e mirëpaguar falë njohjes së teknologjisë.

Sot ka një përmbysje të dinamikës midis shtetit dhe sipërmarrjes, apo strukturave të arsimit dhe sipërmarrjes.

Nëse deri dje ishte një përpjekje e vazhdueshme dhe jo shumë e suksesshme për ti bindur sipërmarrësit të investojnë në burimet njerëzore sot kompanitë janë gjithnjë e më të interesuara për tu lidhur më këto institucione dhe për të filluar të bëjnë marrëveshje për punë me punonjësin e tyre të ardhshëm që në bankën e shkollës.

Kërkesa e sipërmarrjes shqiptare për punonjës me dije në fushën e teknologjisë është vërtetë e lartë dhe ofertat e pagave janë vërtet të larta.

The post Rama fton të rinjtë: Ofertat e pagave në fushën e teknologjisë janë të larta, kompanitë bëjnë marrëveshje me punonjësin që në bankën e shkollës appeared first on Albeu.com.

Nga 3183 kandidatë që kishin zgjedhur këtë degë vitin e kaluar, këtë vit kanë qenë vetëm 1743 maturantë që kanë aplikuar, kur nga njëra anë qeveria rriti kuotat e pranimit.

Me sa duket ky ka qenë edhe reagimi it ë rinjve ndaj vendimit të qeverisë, duke bërë të detyruara 5 vjet pune në Shqiëpri pë rata që mbarojnë në degën e Mjekësisësë Përgjithshme dhe në rast të thyerjes së kësaj kontrate, paguajnë të plotë tarifën e studimit.

Ndërkohë, me hyrjen në fuqi të këtij vendimi, u rriten me 500 kutotat e pranimit në këtë degë studimi.

Kujtojmë që për herë të parë këtë vit aplikantët në programin e Mjekësisë së Përgjithshme do i nënshtrohen një testimi të informatizuar në QSHA.

Datat e testimi do njoftohet sapo të dakortësohet me QSHA.

Më 3 gusht u mbyllën aplikimet në portalin UAlbania, në të cilin maturantët kanë pasur mundësinë që të zgjedhin 10 degët e preferuara të tyre nga 653 programe të vendosura në dispozicion, me qëllim nisjen e universitetit.

Lista e aplikimeve

The post Punë e detyruar në Shqipëri pas studimeve, maturantët “i përgjigjen” qeverisë, bie numri i aplikimeve në degën e Mjekësisë appeared first on Albeu.com.

Akullnaja ka marrë nofkën “Fundi i botës” për shkak të potencialit masiv dhe rritjes së nivelit të detit në rast të shkrirjes së saj. Është një lajm i mirë dhe i keq.

Duke përdorur një robot në formë lapsi prej tre metrash, shkencëtarët panë një pikë kritike të shndritshme në ndarjen kaotike të Thwaites.

“Akullnaja Thwaites është në thelb një masë akulli që lëviz shumë ngadalë e që po del nga kontinenti i Antarktikut dhe po lëviz në oqean. Mund ta imagjinoni atë si një lumë që rrjedh ngadalë. Është një nga akullnajat që po ndryshon më shpejt në Antarktidë. Ka potencialin më të lartë për të ndryshuar me shpejtësi në shekullin e ardhshëm. Dhe ka shumë shqetësim mbi ndikimin që mund të ketë në rritjen e nivelit të detit”, thotë Peter Davis , oqeanograf, British Antarctic Survey.

Shkencëtarët nuk kishin arritur ta vëzhgonin me parë pikën kritike të Thwaites.

Por duke ulur poshtë një çarjeje të hollë me gjatësi prej 587 metrash robotin Icefin, ata panë se sa ndikim kanë çarjet e thella në thyerjen e akullit, duke shkaktuar mbi akullnajë dëmin më të madh, madje më shumë sesa shkrirja.

Gjetjet u publikuan në dy studime në revistën Nature.

Gjetjet vijnë si rezultat i një pune kërkimore shumëvjeçare ndërkombëtare me mbështetje financiare prej 50 milionë dollarësh për të kuptuar më mirë akullnajën më të gjerë në botë.

“Kjo shkrirje ekstreme po ndodh brenda çarjeve dhe nëpër shtresat e akullit, në zonat që ne i quajmë tarraca. Pra, çështa nuk është se si po vijon shkrirja, por si funksionon dhe ku ndodh”, thotë Britney Schmidt , shkencëtare, Universiteti Cornell.

Lajmi i mirë është se pjesa më e madhe e zonës nënujore që ata eksploruan po shkrihet shumë më ngadalë nga sa pritej.

“Kur shkuam në Thwaites dhe vëzhguam nën akullnajë, gjetëm ujë jashtëzakonisht të ngrohtë. Ishte rreth një shkallë e gjysmë mbi ngrirjen dhe kjo duhet të nxiste një shkallë relativisht të lartë të shkrirjes. Por ajo që vumë re gjithashtu ishte se kjo shtresë uji të ëmbël, pikërisht në bazën e akullit, krijon një pjerrësi të dendur dhe pikërisht kjo pjerrësi ndalon nxehtësinë të kalojë nga oqeani në akull. Modelet tona kompjuterike, ato nuk janë në gjendje të përfaqësojnë këtë shtresë të ujit të ëmbël. Pra, ato prodhojnë ose parashikojnë një shkallë shumë më të lartë të shkrirjes nga sa në fakt kemi vërejtur në fakt, sepse nuk përmbajnë fizikën e nevojshme për t’i përshtatur plotësisht ato”, thotë Peter Davis , oqeanograf, British Antarctic Survey.

Lajmi i keq është se kjo realisht nuk e ndryshon sasinë e akullit që shkëputet nga akullnaja dhe do të ngreje nivelin e detit, thotë Davis, autori kryesor i një prej studimeve.

Zoti Davis thotë se për akullnajën Thwaites shkëputja është problem më i madh sesa shkrirja. Sa më shumë që akullnaja thyhet apo shkëputet, aq më shumë akulli noton në ujë.

Kur akulli është pjesë e akullnajës, ai nuk ngre nivelin e detit, por kur shkëputet, ai shton nivelin e përgjithshëm të ujit, njësoj sikurse ndodh kur hedhim në gotë një kub akulli, i cili e ngre menjëherë nivelin e ujit./voa

The post Akullnaja e ashtuquajtur “Fundi i Botës” dhe rreziqet që paraqet appeared first on Albeu.com.

Mjekët ju kanë thënë se, ju duhet të prisni sa të ndaloni së bëri më fëmijë. Epo kjo nuk është e vërtetë. Disa studime tregojnë se ka shumë mënyra për t’i larguar ato nga trupi. Ekspertët përdorin metodën me ultratinguj, për të identifikuar valvulet jofunksionale brenda variceve.

Studimet thonë se, gjatë çdo shtatzënie variacet përkeqësohen gjithmonë e më shumë. Në disa raste, fryheshin, skuqeshin, madje disa pacientë kishin edhe dhimbje. Ja pra nuk duhet t’i shmangni këto shenja të këqija, por të bëni trajtimin me ultratinguj për t’i zhdukur përgjithmonë.

Ka edhe mënyra të tjera, për të trajtuar varicet. Nëse ju keni dhimbje, atëherë sugjerohet n që të bëni pak joga ose sport. Damarët do t’ju lehtësohen dhe do të ndiheni më mirë.

Nëse varicet kanë arritur në një gjendje më të keqe, dhimbje, gjakderdhje etj, ju gaboni rëndë nëse rrini në shtëpi duke pritur që të qetësohen vetë. Ekspertët thonë se, ju menjëherë duhet t’i nënshtroheni trajtimeve profesionale.

Shumë mjekë, tani përdorin metoda të ndryshe, largim i variceve me laser ose energji radiofrekuente. Por ju mund t’i nënshtroheni edhe një skleroterapie, e cila vetëm me një injektim largon varicet dhe rikthen këmbët e bukura. Është thjeshtë një procedurë 1 orëshe, nuk ka shtrim në spital, jo anestezi dhe jo humbje gjaku.

The post Keni varice, atëherë kurrë s’duhet t’i bëni këto gabime! appeared first on Albeu.com.

Sipas një studimi të vitit 2016 të publikuar në Journal of Basic and Clinical Physiology and Pharmacology, studiuesit arritën në përfundimin se kafeina kishte një ndikim të fortë në shpenzimin dhe marrjen e energjisë.

“Kafeina është zbuluar se ndikon në balancën e energjisë duke rritur shpenzimin e energjisë dhe duke reduktuar marrjen e energjisë, kështu që mund të jetë potencialisht e dobishme si një rregullator i peshës”.

Studiuesit zbuluan gjithashtu se oksidimi i yndyrës u përmirësua përmes procesit të termogjenezës përmes kafeinës.

Edhe pse ky hulumtim tingëllon premtues, studime të tjera kanë gjetur rezultate të ngjashme. Një studim i vitit 2021 i publikuar në Physiological Research zbuloi se kafeja mund të zvogëlojë rezervat e yndyrës në trup duke mbështetur mikroflorën e zorrëve.

Më konkretisht, studimi theksoi se “Rezultatet shkencore konfirmojnë aplikimin e ekstraktit të kafesë për humbje peshe dhe trajtimin e disa çrregullimeve metabolike (diabeti, obeziteti, etj.)”. Dhe ndërsa ky studim shpjegon efektet e rëndësishme dhe të drejtpërdrejta të kafesë në yndyrën e trupit , studime të tjera tregojnë gjithashtu efekte indirekte në humbjen e yndyrës./albeu.com

The post Humbja e peshës, si kafeja ju ndihmon të digjni yndyrën appeared first on Albeu.com.

Një tjetërt studim që gjen një lidhje midis mediave sociale dhe gjasave për simptoma depresive. Por pa specifikuar se deri në çfarë mase platformat online thjesht po nxjerrin në dritë ose po përkeqësojnë problemet para-ekzistuese të shëndetit mendor që nuk kanë ndodhur më parë.

Studiuesit, së bashku me Dr. Roy Perlis nga Shkolla e Mjekësisë e Universitetit të Harvardit dhe Spitali i Përgjithshëm i Masaçusets, i cili botoi studimin në revistën mjekësore amerikane JAMA Netëork Open, analizuan të dhënat për gati 5400 të rritur me një moshë mesatare 56 vjeç. 2/3 gra), asnjëra prej të cilave nuk u diagnostikua me depresion të lehtë në fillim të studimit (maj 2020). Por një vit më vonë (maj 2021), pothuajse 1/10 përdorues (9%) kishte shfaqur shenja depresioni.

Rreziku u rrit me përdorimin e tre mediave të njohura: Snapchat, Facebook dhe TikTok. Por kishte dallime në moshë: rreziku ishte më i lartë për përdoruesit e TikTok dhe Snapchat mbi moshën 35 vjeç, por jo më të rinj, ndërsa e kundërta ishte e vërtetë për Facebook, ku rreziku i depresionit ishte më i lartë për përdoruesit nën moshën 35 vjeç, por jo më të vjetrit.

“Marrëdhënia mes mediave sociale dhe shëndetit mendor ka qenë objekt debati intensiv”, tha Perlis, duke vënë në dukje se nuk është e qartë, as nga hulumtimi i ri, nëse vetë mediat sociale shkaktojnë depresion. Siç tha ai, “një shpjegim i mundshëm është se njerëzit me rrezik të lartë për depresion, edhe nëse nuk kanë ende depresion, kanë më shumë gjasa të përdorin mediat sociale. “Një shpjegim tjetër është se mediat sociale me të vërtetë rrisin rrezikun”. /albeu.com

The post Studimet e reja: Si mediat online çojnë në depresion appeared first on Albeu.com.

Alketa ka bërë një bisedë me ndjekësit në rrjete sociale dhe një prej tyre i ka shkruar “Projektet janë rrugës! A po zhvendosesh në Londër me familjen tënde? Keni një kohë të gjatë këtu”.

Moderatorja nuk ka hezituar të japë një përgjigje, duke treguar dhe se çfarë e lidh me Londrën. Ajo ka treguar se po punon atje për sezonin e ri televiziv, ndërsa vajza e saj po kryen studimet.

Për më tepër, Alketa ka shtuar se ka mundësi të fillojë masterin në Biznesin Ndërkombëtar në Londër. “Selia e Kompanive më të Mira të Prodhimit të TV -së është këtu, kështu që po punoj për Sezonin e ri të TV. Vajza ime studion këtu. Dhe po, unë ndoshta do të filloj masterin tim në Biznesin Ndërkombëtar!”, ka shkruar ajo.

Nuk dihet se kur do të largohet përfundimisht për të jetuar atje, pasi dhe këtë sezon do e shohim në ekran me “Love Story 2”.

The post Alketa Vejsiu zhvendoset në Londër, arsyeja do t’ju habisë (FOTO LAJM) appeared first on Albeu.com.

Camila Elle kishte vetëm pak muaj që të përfundonte shkollën dhe të merrte diplomën e saj para-mjekësore në kimi dhe psikologji, në Universitetin Ndërkombëtar të Floridas, Miami, kur vendosi që të bënte një ndryshim total në jetën e saj.

21-vjeçarja mori vendimin që të niste të shiste përmbajtje seksi në internet. Teksa për muaj me radhe po jetonte shumë e shqetësuar se nuk kishte para, shumë shpejt e gjeti veten me mijëra dollarë.

“Jetoja vazhdimisht e shqetësuar për paratë dhe përpiqesha që të qëndroja në këmbë dhe të paguaja tarifat. Nuk kam marrë asnjë ndihmë nga familja ime. Unë isha marrë edhe më parë me faqet online dhe shisja fotografi e video seksi, por kurrë nuk kisha shkuar më tej. Krijova një llogari në “OnlyFans dhe shumë shpejt fitova para mjaftueshëm për të paguar shkollimin dhe jetesën time”, ka thënë e reja për “Jam Press”.

Camila ka shtuar se pasi është diplomuar, ka paguar edhe të gjitha kreditë e saj studentore. 21-vjeçarja, e cila gjithashtu ndan foto “hot” me 55 mijë ndjekësit e saj në “Instagram”, ka treguar se ka punuar edhe si asistente mësimore.

“Të qenit mjeke ka qenë gjithmonë ëndrra ime, por stresi për të studiuar dhe për të qenë vazhdimisht e lodhur, kishte ndikuar në shëndetin tim mendor”, ka shtuar modelja.

Kjo e fundit ka shtuar se kur përfundoi kursin e saj dhe u diplomua me nderime, në vend që të shkonte në shkollën e mjekësisë siç kishte planifikuar gjithmonë, zgjodhi një lëvizje krejtësisht të ndryshme.

“Pas diplomimit, u fokusova plotësisht tek ‘OnlyFans’. Vendosa gjithë vëmendjen time aty që të kisha sukses. Shumë shpejt unë fitova mbi 150 000 dollarë në shumicën e muajve”, ka zbuluar e reja.

Por pavarësisht kësaj, ndryshimi i karrierës pati edhe një kosto personale. Shumica e familjes së saj nuk e miratonin ndryshimin e profesionit dhe ajo tashmë nuk flet me ta.

“Më pëlqen puna ime, e dua jetë time, pse do ta braktisja atë?”, ka përfunduar 21-vjeçarja.

The post Nuk kishte mundësi të studionte mjekësi, 21-vjeçarja fiton 1 milion dollarë në vit me faqen +18 (FOTO LAJM) appeared first on Albeu.com.

Kur bëhet fjalë për zemrën, cigaret elektronike në të vërtet janë më të dëshme sesa duhani tradicional, sipas dy studimeve.

Në dy studimet, hulumtuesit arritën në përfundimin se cigaret elektronike ndikojnë negativisht në faktorët e rrezikut të sëmundjeve të zemrës, të tilla si kolesteroli, trigliceridet dhe nivelet e glukozës, si dhe ulin qarkullimin e gjakut në zemër më shumë sesa cigaret tradicionale.

Kjo mund të jetë vetëm maja e ajsbergut, thotë Dr. Florian Rader, një studiues kryesor i hulumtimit.

“Dëmet e cigareve elektronike janë treguar qartë tani për mushkëritë. Rezultatet tona janë pjesë e të dhënave të reja që tregojnë dëmtime të mundshme për zemrën”, tha Rader për Healthline. “Ka të ngjarë që organet dhe sistemet e tjera të preken në mënyra për të cilat ne nuk jemi ende në dijeni”.

Shumë njerëz, veçanërisht fëmijët dhe adoleshentët, kanë besimin se cigaret elektronike janë të padëmshme. Por, ata duhet të dinë se ka shumë kimikate në to, që dëmtojnë shëndetin e zemërës./albeu.com

The post Studimet: Cigaret elektronike janë më të dëmshme sesa cigaret tradicionale appeared first on Albeu.com.