studentet shqiptare Archives - Albeu.com

Studentët shqiptarë në Maqedoninë e Veriut protestojnë sot në Shkup, kërkojnë që provimi i jurisprudencës të zhvillohet në gjuhën shqipe

V K — Mon, 18 May 2026 07:04:59 +0000

Këtë të hënë, studentët shqiptarë në Maqedoninë e Veriut, do të protestojnë sërish sot me kërkesën që provimi i jurisprudencës të mundësohet të jepet edhe në gjuhën shqipe.

Nisma organizohet nën moton “Bashkohuni me studentët – të gjithë një zë”.

Protesta do të fillojë në orën 16:30 para Urës së Gurit në Shkup, ndërsa organizatorët u kanë bërë thirrje artistëve, sportistëve dhe figurave të tjera publike që t’i bashkohen tubimit.

Protesta e sotme është e dyta me radhë që organizojnë studentët shqiptarë dhe vjen si pasojë e refuzimit të kërkesës së tyre nga ana e ministrit të Drejtësisë.

Nga ana tjetër, kryeministri Mickoski ka njoftuar se po shqyrtohen mënyra për të adresuar kërkesën e studentëve shqiptarë, që provimi i jurisprudencës të zhvillohet në gjuhën shqipe.

Ai theksoi se ekzekutivi po punon për një zgjidhje të mundshme dhe paralajmëroi se së shpejti do të prezantohet një propozim konkret lidhur me këtë çështje.

The post Studentët shqiptarë në Maqedoninë e Veriut protestojnë sot në Shkup, kërkojnë që provimi i jurisprudencës të zhvillohet në gjuhën shqipe appeared first on Albeu.com.

Studentët shqiptarë në RMV, nesër sërish në protestë/ Tubimi në Shkup për provimin e jurisprudencës në Gjuhën Shqipe, thirrje qytetarëve t’u bashkohen

V K — Sun, 17 May 2026 13:51:47 +0000

Studentët shqiptarë në Shkup, kanë paralajmëruar një tjetër protestë, e cila do të mbahet nesër, më 18 maj 2026. Protesta pritet të nisë në orën 16:30 dhe organizimi është njoftuar të mbahet në Urën e Gurit.

Protesta organizohet me kërkesën që provimi i jurisprudencës të mundësohet edhe në Gjuhën Shqipe.

Tubimi do të zhvillohet nën moton “Bashkohuni me studentët – të gjithë një”, ndërsa organizatorët bëjnë thirrje për pjesëmarrje të gjerë të qytetarëve.

“Së bashku para Urës së Gurit për gjuhën tonë”, thuhet në njoftimin e studentëve, ku theksohet rëndësia e mbrojtjes së përdorimit të gjuhës shqipe në proceset profesionale dhe institucionale.

Studentët apelojnë që qytetarët të mos mungojnë në këtë tubim.

The post Studentët shqiptarë në RMV, nesër sërish në protestë/ Tubimi në Shkup për provimin e jurisprudencës në Gjuhën Shqipe, thirrje qytetarëve t’u bashkohen appeared first on Albeu.com.

Rama: Studentët shqiptarë janë me nota më të larta në botë, universitetet kanë pune ende

E S — Mon, 03 Oct 2022 08:41:42 +0000

Kryeministri Edi Rama ka deklaruar se studentët shqiptarë janë me notat më të larta kur shkojnë në universitetet e huaja në raport me studentët vendas atje. Gjatë fjalës së tij në kongresin e Nanoteknologjisë të mbajtur ditën e sotme për arsimin në Shqipëri, Rama tha se ky raport vjen si pasojë e fuqizimit të bazës mësimore të nxënësve në gjimnazë. Por në lidhje me universitetet në Shqipëri, Rama theksoi se ka ende shumë punë për të bërë.

“Është një ide legjitime për të synuar universitetet më të mira europiane dhe është fakt që shqiptarë, vajzat dhe djemtë që mbarojnë të mesmen në Shqipëri shkëlqejnë në universitete më prestigjoze dhe kanë mesataret më të larta të studentëvë të huaj. Kjo tregon se baza në arsimim është fuqizuar por na vë para përgjegjësisë që të fuqizojmë univeristetin. Kemi shumë drejtime ku të punojmë duke rritur kapacitetet dhe rezultatet. Dua ta mbyll me një koment mbi një nismë të përbashkët mes Shqipërisë dhe Holandës për të angazhuar bashkësinë europiane në një drejtim ky synojmë konkretizim të vizionit’, tha Rama./albeu.com

The post Rama: Studentët shqiptarë janë me nota më të larta në botë, universitetet kanë pune ende appeared first on Albeu.com.