Vokshi shprehet se janë për liri jo për mbajtje peng të të rinjve dhe të të ardhmes së tyre.

“Ky projektligj është antikushtetues dhe bie ndesh me lirine dhe të drejtat, me lirinë e levizjes, dhe me lirinë e zgjedhjes”,– tha Vokshi.

Gjithashtu, Vokshi u shpreh se fjala e Edi Ramës del mbi Gjykatën Kushtetuese.

“Nëse ju e kaloni këtë ligj në seance zonja Spahiu, në ditën më të parë që ne do të jemi në pushtet do ta rrëzojmë. Në jemi për liri dhe jo për mbajtje peng të të rinjve dhe të të ardhmes së tyre, edhe ky projektligj që na kanë sjellë kolegët deputetë, është antikushtetues dhe bie ndesh me lirine dhe të drjtat, me lirinë e levizjes, me lirinë e zgjedhjes.

Së dyti, se na keni konfuzuar pak me këtë punën e reformës në drejtësi, vendimeve të gjykatës kushtetuese, të dyja koleget, dhe zonja Gjoni dhe zonja Felaj na thanë që janëe detyruese vendimet e gjykatës kushtetuese.

Jnaë 9 vendime të gjykatës kushtetuese që nuk po i zbatoni, na sollët këtë me urgjencë të madhe, pa i pyetur fare studentët .

Na sillni këtë dhe thoni duhet zbatuam, nuk e zbatuat, e hodhët poshte me votën tuaj vendimin e gjykatës kushtetuese, thatë do shkojmë të pyesim Venecian. Pra grupi parlamentar doli mbi gjykatën kushtetuese, fjala e Edi Ramës doli mbi gjykatën kshtetuese, njejtë për vendimin për profesionet e lira. Ore ku është ai vendim i gjykatës kushtetuese di të më thotë zonja Gjonaj përse nuk zbatohet ai vendim?

Propozimet që keni sjellë, prap e mbajnë peng studentin, po mos bëni atë që nuk do ta bënit për fëmijët tuaj. A do e bënit këtë ligj për fëmijët tuaj, jo nuk do ta bënit, sepse fëmijët tuaj nuk studiojnë këtu fare. Ju i çoni jashtë, edhe shumë mirë bëni. I çoni jashtë sepse nuk do ja mbanit peng juve të ardhmen fëmijëve tuaj.

Bëjeni edhe për infermierët, mbajani peng diplomat, most ë ikin, bëjeni për stomatologët, bëjeni edhe për IT-t, a e dini që ikin cdo ditë inxhinierë, IT-t ikin tek vendet nordike sepse ka kërkesë pafund, bëjeni edhe për ata, shtrëngojeni për të gjithë, riktheni internimet si në kohën e komunizmit.

Riktheni ligjin për internimin, internojini këtu të rinjtë, mbajini këtu peng dioplomat e të gjithëve, na riktheni edhe komunizmin sepse kështu po e bëni.

Edhe me ketë ligj, edhe 100 ligje të sillni, nuk e kufizoni dot lirinë e të rinjve, nuk imbani dot peng këtu. Po e them edhe njëhere, mos bëni për fëmijët e të tjerëve atë që sdo e bënit për fëmijët tuaj”,- shprehet Vokshi.

The post Pengmarrja e diplomave për studentët e Mjekësisë/ Vokshi: Projektligj antikushtetues, bie ndesh me lirinë dhe të drejtat appeared first on Albeu.com.

Gjithashtu, Çupi theksoi se mazhoranca nuk ka hallin e studentëve, as të shërbimit cilësor në shëndetin e qytetarëve.

Fjala e Dhurata Çupit:

“Unë dhe Gazment Bardhi kemi propozuar që afatet e mbajtjes pezull të diplomës së studentëve të mjekësisê ,nga institucionet shtetërore të shuhen. Pra mos të kete afate bazuar edhe në vendimin e Gjykatës Kushtetuese. Fatkeqësisht nga mazhoranca u votua kundër.

Sepse mazhoranca nuk ka hallin e studentëve as të shërbimit cilësor në shëndetin e qytetarëve.
Dëmi finaciar prej 500 milion euro në dekatën e fundit me 4 koncesione, tendera dhe prokurimet publike abuzive me vdekshmëri të shtuar dhe përkujdesje në spitale ne rënie, me trajtime të munguara dhe abuzime të tmerrshme në rastet e sëmundjeve onkologjike , janë e vêrteta e këtij sistemi shëndetësor sot”.

The post Mbajtja pezull e diplomës për studentët e Mjekësisë/ Dhurata Çupi: Të shuhen afatet e mbajtjes pezull të diplomës appeared first on Albeu.com.

Ditën e sotme ata kanë dalë sërish në protestë dhe kundërshtojnë ligjin që i detyron të punojnë 5 vite në Shqipëri pas përfundimit të studimeve.

Me pankarta në duar dhe me thirrjet “nuk dorëzohemi para padrejtësisë”, edhe ditën e sotme studentët marshuan nga ambientet e Universitetit të Mjekësisë drejt Ministrisë së Arsimit.

Ndërkohë, vetëm një ditë më parë u miratua edhe pagesa që studentët duhet të paguajnë nëse nuk firmosin kontratën që u mban peng për 5 vite diplomën.

Bordi i administrimit të Universitetit të Mjekësisë Tiranë ka përllogaritur koston e një studenti, në vlerën 240 mijë lekë të reja për një vit akademik.

The post “Mjekësia” bojkoton sërish mësimin, marshim drejt ministrisë së Arsimit: Nuk dorëzohemi! appeared first on Albeu.com.

Kreshnik Hoxha është studenti ekselent i Cili ka përfituar bursë nga Spitali Amerikan se bashku me programin Chevening te akorduar nga CEO i spitalit Dr.Klodian Allajbeu, për të vijuar studimet master në University College London në Britaninë e Madhe.

Kjo mbeshtetje vjen falë bashkëpunimit të shkëlqyer 3-vjeçar që Spitali Amerikan ka me Ambasadën Britanike në Shqipëri në kuadër të programit ndërkombëtar të bursave Chevening.

Falë këtij programi shumë studentë të ekselencës mund të përfitojnë bursa studimi në universitetet më prestigjoze në Mbretërinë e Bashkuar, një mundësi shumë e mirë jo vetëm për të përfituar njohuritë dhe përvojën e vendeve më të zhvilluara, por edhe për t’i implementuar ato më pas në vendin e tyre.

Spitali Amerikan, përqafoje jeten

Spitali Amerikan, përqafoje jetën!
#spitaliamerikan

The post Lajm i mirë! Spitali Amerikan dhe Ambasada Britanike ofrojnë bursa për studentët ekselentë të mjekësisë appeared first on Albeu.com.

Studentët thonë se ligji “Për trajtimin e veçantë të studentëve që ndjekin programin e integruar të studimit të ciklit të dytë Mjekësi e Përgjithshme në institucionet publike të arsimit të lartë” u shkel të drejtat dhe liritë e tyre si studentë, mjekë të ardhshëm dhe si qytetarë.

Kërkesa drejtuar Avokates së Popullit, Znj. Erinda Ballanca është bërë nga përfaqësuesit e studentëve te mjekësisë: Dea Guri, Eliot Sulçaj, Mikel Seferi, Arbëri Shehu, Zino Veleshnja.

“Deri më tani kemi përdorur mjere të ndryshme të shprehjes së pakënaqësive, duke filluar nga formulimi i potecionit dhe mbledhja e firmave të studentëve të mjekësisë, ku mbajmë qëndrim kategorikisht kundër projektligjit, dhe pjesëmarrjen tonë në komisione, konkretisht Komisioni për punën, Çështjet Sociale dhe Shëndetësinë, Komisioni për Edukimin dhe Mjetet e Informimit Publik dhe Komisioni për Çështjet Ligjore, Administratën Publike dhe të  Drejtat e Njeriut.  Ju bëjmë me dije që në komisionin e fundit, përfaqësueve tanë ju mohua e drejta për të marrë pjesë dhe për t’u dëgjuar denjësisht, pavarësisht kërkesave për pjesëmarrje si  grup interesi që dërguam drejtuar Komisionit. Kemi kërkuar gjithashtu të dëgjohemi edhe në seancën plenale përkatëse, kërkesë që na u mohua sërish”-thuhet në kërkesën e tyre.

Më 21 korrik 2023 në seancën e fundit plenare, Kuvendi miratoi me 71 vota pro, 23 kundër dhe asnjë abstenim projektligjin për studentët e Mjekësisë. Sipas ligjit, studentët aplikantë në Mjekësi që futen këtë vit në sistem, janë të detyruar të firmosin një marrëveshje në bazë të së cilës ata duhet të punojnë në spitalet shqiptare për një periudhë 5 vjeçare pas diplomimit.

Ndërsa ata që vijojnë studimet nga viti i dytë deri në të gjashtin, kanë mundësi të firmosin marrëveshjen që i detyron të punojnë 2 ose 3 vite në Shqipëri.

Në të kundërt do të paguajnë tarifë të plotë studimi.

Më 25 korrik studentët patën një takim me Presidentin  Begaj për t’i kërkuar mosdekretimin e ligjit të ri.

Studentët e Mjekësisë kanë paralajmëruar bojkot të procesit mësimor nëse ligji miratohet në Kuvend, ata janë shprehur se do të vijojnë protestat deri në fund madje kanë parlajmëruar se ligjin do ta çojnë në Gjykatë Kushtetuese./Albeu.com/

The post “5 vite punë me detyrim”, studentët e Mjekësisë kërkojnë të takohen me Avokatin e Popullit appeared first on Albeu.com.

Me megafon, studentët kanë bërë thirrje në kor, përmes disa vargjeve kundër qeverisë.

“Parlamentit i bëjmë thirrje; ne studentët duam zgjidhje, nuk pranojmë në internim

Koston e mban veç prindi im

Mos u dehni nga marria,

lini të vendosë drejtësia!

Nuk kam borxhe për të larë,

s’jam i ulët e as tradhtar

Nuk do të ngrihem për të ikur,

por për shpresën që na keni fikur!”, thuhet në vargjet që përsëritën disa herë në kor studentët e mjekësisë.

The post “5 vite punë në Shqipëri, pastaj diploma” studentët e Mjekësisë protestë para Kuvendit: Nuk pranojmë të na internoni! appeared first on Albeu.com.

Ata kundërshtojnë draftin për të lidhur kontratë pune me detyrim në Shqipëri, pas përfunfimit të studimeve.

Studentëtë thonë për mediet se një propzim i tillë është i papranueshëm nga ana e tyre dhe se punëisimi me detyrim nuk mund të praktikohet në Shqipëri. Ata thonë se ndihen të tradhtuar që ky vendim po konkretizohet në Qershor, në periudhënm k kur studentët kanë sezonin e provimeve .

“Jemi kundër kësaj ideje, për fenomenin e largimit. Detyrimi për të punuar në vend nuk është zgjidhja e duhur. Detyrimi në një formë apo një tjetër i mjekëve bie ndesh me parimet demokratike. Një vend si Shqipëria nuk mund të veprojë në një formë të tillë.
E pakuptimtë që shkollimi i studentit i kushton shtetit 5 mijë Euro, nuk mund të pretendohet që shkollimi vlen kaq shtrenjtë në vend. Ndjehemi të tradhtuar që ky vendim po konkretizohet në Qershor kur studentët kanë sezonin e provimeve. Nuk duam ta pranojmë këtë ide as tani dhe as gjatë sezonit të pushimeve. Nuk duam që në Shtator të gjendemi para firmosjes së kontratës. Para se të fajësoni mjekët, ktheni gishtin nga vetja dhe “çfarë duhet të bëjmë për t’i mbajtur”, tha një nga studentet.

Rritja e pagave të mjekëve ishte një nga hapat e parë të propozuar nga qeveria për të frenuar eksodin e mjekëve drejt Gjermanisë. Universiteti i Mjekësisë ka hartuar një paketë propozimesh për t’i mbajtur në vend ata.

Politikat frenuese do të nisin nga studentët e Mjekësisë. Para se të hyjnë në fakultet do të firmosin kontratën për të punuar së paku tre vjet në Shqipëri.

Edhe diplomën e Mjekësisë do ta marrin vetëm pasi të kenë përmbyllur këtë detyrim. Studentët që nuk pranojnë këto kushte do të paguajnë tarifën e shkollimit njësoj si në vendet e tjera, afro 18 mijë dollarë.

Që nga viti  2016, universiteti i Mjekësisë raporton mbi 1 mijë mjekë të larguar nga Shqipëria, 20% e të cilëve ishin me përvojë dhe në specialitete të ndryshme./Albeu.com/

The post “Ndihemi të tradhtuar”, studentët e mjekësisë protestojnë kundër punësimit me detyrim appeared first on Albeu.com.