Peach ka thënë se Britania e Madhe e përkrah dialogun dhe se procesi duhet të shkojë drejt krijimit të një ardhmeje multietnike dhe respektit të ndërsjellë, transmeton Gazeta Express.

I pyetur se si duhet të duket procesi i dialogut, Peach ka thënë se shembull i mirë për këtë është Marrëveshja e Belfastit apo që njihet ndryshe si “Marrëveshja e të Premtes së Mirë”, marrëveshje që mundësoi paqen në Irlandë të Veriut para 25 vitesh.

Peach ka thënë se kjo marrëveshje është një mësim i mirë për pajtim, pasi palët kishin bërë lëshime dhe negociata.

“Dhe ky është një mësim i mirë për pajtim. Bëhet fjalë për lëshime, ka të bëjë me negociata, por mbi të gjitha ka të bëjë me vazhdimin e dialogut”, ka thënë Peach.

The post Emisari britanik: Marrëveshja e Belfastit një mësim i mirë për pajtim mes Kosovës dhe Serbisë, u bënë negociata e koncesione appeared first on Albeu.com.

“Për ne mbetet çështja kyçe formimi i Asociacionit të Komunave me Shumicë Serbe, siç janë obligimet e marra dhe të pranuara të Prishtinës në përputhje me marrëveshjet ndërkombëtare, si dhe siguria serbëve në Kosovë për të cilën ne presin mbështetjen e plotë të Mbretërisë së Bashkuar”, ka shtuar ai.

Vuçiç ka pretenduar se janë rritur incidentet në Kosovë, derisa ka shtuar se “në thelb rrezikojnë sigurinë dhe mbijetesën e serbëve dhe joshqiptarëve në Kosovë”.

“Theksova se Serbia si gjithmonë mbetet sinqerisht e përkushtuar për ruajtjen e paqes në rajon, e dëshmuar nga iniciativat e shumta të ndërlidhjes rajonale të drejtuara nga vendi ynë”.

Kjo vizitë e Peach vjen pasi ky i fundit më 5 janar ishte në Kosovë ku ishte takuar krerët e shtetit.

I dërguari i posaçëm i Mbretërisë së Bashkuar për Ballkanin Perëndimor, Stuart Peach, ka qëndruar të enjten për një vizite zyrtare në Kosovë, ku ka takuar krerët e institucioneve – presidenten e vendit, Vjosa Osmani, dhe kryeministrin Albin Kurti.

Emisari britanik ka përshëndetur përpjekjet për të zbutur tensionet në veriun e Kosovës, dhe ka inkurajuar riintegrimin e serbëve të Kosovës në institucionet kosovare, ka njoftuar Ambasada e Mbretërisë së Bashkuar në Prishtinë.

“Është e rëndësishme që të gjithë të përfshirët të ndalin ciklin e krizave dhe të retorikës së rrezikshme, dhe të punojnë për një marrëveshje gjithëpërfshirëse të normalizimit”, thuhet në njoftimin e Ambasadës britanike.

Peach është njoftuar nga presidentja Osmani lidhur me zhvillimet e fundit në Kosovë, ndërsa ajo ka theksuar përkushtimin dhe angazhimin e institucioneve të vendit për paqe dhe siguri, ka bërë të ditur Presidenca e Kosovës.

Gjithashtu, është thënë se Kosova vazhdon të jetë e koordinuar me partnerët ndërkombëtar për adresimin e sfidave të sigurisë dhe në këtë kontekst, presidentja Osmani ka kërkuar “përfshirje më të madhe të Britanisë së Madhe si një anëtare kyçe e NATO-s dhe një partnere historike e Kosovës”.

“Presidentja Osmani ka theksuar se Kosova në vazhdimësi është palë konstruktive në raport me dialogun me Serbinë, porse pala serbe nëpërmjet përpjekjeve për destabilizim të Kosovës përpiqet ta zhvendosë fokusin nga dialogu”, thuhet në njoftimin e Zyrës së Presidentes së Kosovës.

Në këtë frymë, siç thuhet në njoftim, presidentja Osmani ka kërkuar që “ndaj tendencave destabilizuese të Serbisë, bashkësia ndërkombëtare ta mbajë një qëndrim unik duke dënuar veprime e tilla dhe duke mos bërë barazimin e palëve kur dihet qartë se kush është agresori”.

Ndërkaq, në një njoftim nga Zyra e Kryeministrit të Kosovës, thuhet se gjatë takimit me Stuart Peach, kryeministri Kurti theksoi marrëdhëniet e shkëlqyera bilaterale dhe rëndësinë e mbështetjes së Mbretërisë së Bashkuar për Republikën e Kosovës, sidomos në fushën e sigurisë.

“U diskutua edhe për sfidat me të cilat po përballet rajoni i Ballkanit Perëndimor, rrezikun që paraqet për sigurinë dhe progresin ndikimi i Rusisë dhe rolin e rëndësishëm të NATO-s në parandalimin dhe sprapsjen e synimeve të Moskës për rajonin tonë”, thuhet në njoftim.

Kryeministri Kurti tha se “në Kosovë ka progres demokratik, ligjor, ekonomik dhe social, që duhet të mbrohet, bashkë me partnerë dhe aleatë”.

Stuart Peach është emëruar i dërguar i posaçëm i Mbretërisë së Bashkuar për Ballkanin Perëndimor në dhjetor të vitit 2021.

Asokohe, ish-kryeministri britanik, Boris Johnson, tha se emërimi i Peach është pjesë e përkushtimeve të vazhdueshme të Mbretërisë së Bashkuar për stabilitet dhe paqe në rajonin e Ballkanit Perëndimor./express

The post Dy javë pas Kurtit, Peach takohet me Vuçiç: Diskutime për themelimin e Asosacionit appeared first on Albeu.com.

Gjatë vizitës së tij në Maqedoninë e Veriut, përfaqësuesi Special Sir Stuart Peach do të pritet nga kryeministri Dimitar Kovaçevski dhe do të ketë takime të veçanta me ministrin e Jashtëm Bujar Osmani dhe ministren e Mbrojtjes Slavjanka Petrovska.

Ish-shefi i Shtabit të Përgjithshëm të Ushtrisë së Mbretërisë së Bashkuar, Stuart Peach, tani si përfaqësues special i kryeministrit Boris Johnson, do të pritet në vendin tonë nga presidenti i Republikës së Maqedonisë së Veriut, Stevo Pendarovski.

Gjatë vizitës së tij në vendin tonë, Përfaqësuesi Special Peach do të diskutojë me bashkëbiseduesit e tij për zhvillimin e mëtejshëm të marrëdhënieve të forta dypalëshe ndërmjet Mbretërisë së Bashkuar dhe Maqedonisë së Veriut dhe përkushtimin e fortë të Mbretërisë së Bashkuar për integrimin euroatlantik të Ballkanit Perëndimor.

Gjatë qëndrimit të tij të punës në Shkup, i cili më pas me takime vazhdon në Bullgari, Përfaqësuesi Special Sir Stuart Peach do të takohet edhe me përfaqësues të opozitës dhe disa nga organizatat rinore të vendit./alsat

The post Përfaqësuesi Special i Mbretërisë së Bashkuar për Ballkanin Perëndimor mbërrin sot në Maqedoninë e Veriut appeared first on Albeu.com.