Një tjetër pikë ku është ndalur Këlliçi është rezoluta e miratuar nga delegatët e PD-së të cilët janë distancuar dhe kanë dënuar mënyrën se si Basha ka drejtuar partinë dhe se pika më e rëndësishme ishte zotimi se brenda 2025, në strukturat drejtuese do ketë 40% gra dhe 30% të rinj nën moshën 30 vjeçare.

Këlliçi: Ai profil kryetari që i mungon PD-së është ai profil që e çon PD-në në fitore, ai që humbjen nuk e quan fitore dhe që ëshë i zoti që të mbledhë të gjitha fraksionet dhe të jetë një figurë e gjithëpranuar në kampin opozitar dhe të mbledhë të gjitha fraksionet bashkë për të garuar përballë Edi Ramës. Një njeri që e njeh Edi Ramën politikisht dhe që të galvanizojë të gjithë energjinë opozitare që është sot në Shqipëri që për momentin nuk po adresohet aty ku duhet.

22 maji është një lajm i mirë sepse merr fund dilema kush do të jetë kryetari si proces jo për emër dhe pas kësaj date të fokusohemi të bëjmë opozitë. Më vjen shumë keq sepse në pjesën dërrmuese të muajve të fundit, një pjesë e deputetëve të PD-së por edhe të funsksionarëve që nuk kanë qënë dakord me mbështetjen e ‘Foltores’, më shumë kohë harxhojnë në Facebook duke kritikuar PD-në dhe njëri tjetrin se sa të bëjnë opozitë jo më që të zbresin në terren që janë inekzistent. Qytetarët duan zgjidhje dhe këtë zgjidhje do ja ofrojë opozita e pakapur PD-ja që uroj që brenda tre javësht të jetë kompakte në luftën e saj përballlë qeverisë dhe Edi Ramës.

Në kuvend u miratua një rezolutë ku u dënua dhe u kërkua distancimi e delegatëve ndaj mënyrës se si Basha e drejtoi PD-në dhe nuk është vetëm ky lajmi, pasi këto praktika e çuan PD-në drejt asgjësimit total të përfaqësimit politik në të gjithë vendin dhe mbi të gjitha dënohet edhe lobimi në mënyrë të habitshme dhe me fonde të padeklaruara dhe ndërhyrja në politika të brendshme të shteteve të huaja dhe mbledhja e fondeve në mënyra ekstraligjore dhe padiskutim pika më e rëndësishme e rezolutës është se garantohet se brenda 2025 plotë 40% e strukturave do duhet të jenë të përfaqësuara nga gra, pra ishte 30% dhe bëhet 40% dhe minimalisht 30% do të përfaqësoheën nga të rinjtë nën moshën 30 vjeç. Ky është një lajm i mirë dhe një ftesë për këdo të ri që do të bëjë karrierë në PD.

The post Këlliçi: PD-së i mungon kryetari që e çon në fitore strukturat do përbëhen nga 40% gra appeared first on Albeu.com.

Gjatë takimit, Nano prezantoi strukturën e re të Njësisë së Informacionit të Pasagjerit, si një kapacitet më shumë në luftën e përbashkët kundër krimit dhe në rritjen e sigurisë në përgjithësi e të asaj kombëtare në veçanti.
Nano: “Policia e Shtetit është tërësisht e angazhuar dhe e fokusuar në bashkëpunimin me partnerët dhe agjencitë e tjera ligjzbatuese, për të luftuar bashkërisht në një front kundër krimit të organizuar dhe terrorizmit. Në këtë kuadër jam shumë i vendosur dhe i motivuar që të përkrah e jetëzoj çdo iniciativë që i shërben këtij qëllimi. Rritja teknologjike me hapin e kohës do të bëjë të mundur që strukturat e Policisë së Shtetit të jenë më të afta dhe t’i godasin në kohë aktivitetet kriminale.

Forcimi i bashkëpunimit me oficerët ndërlidhës dhe agjencitë e tjera ligjzbatuese ndërkombëtare, shkëmbimi në kohë i informacioneve dhe zhvillimi i hetimeve të përbashkëta janë format e duhura për të bërë të mundur rritjen akoma më shumë të forcës goditëse ndaj krimit të organizuar, brenda dhe jashtë vendit. Besoj fort se Njësia e Informacionit të Pasagjerit e Policisë së Shtetit do të veprojë dhe do të arrijë suksese bashkë me partnerët, duke u siguruar atyre të njëjtat standarde”, – ka përfunduar fjalën e tij Drejtor Nano.

Në këtë takim morën pjesë të gjithë përfaqësuesit diplomatikë të organizatave policore homologe në Shqipëri, organizatat ndërkombëtare partnere, si edhe autoritetet kompetente që janë pjesë e Njësisë së Informacionit të Pasagjerit.

Njësia e Informacionit të Pasagjerit në Departamentin e Policisë Kriminale është një njësi inteligjente dhe do të jetë e përqendruar në parandalimin e veprave terroriste, krimeve të rënda dhe trafiqeve të paligjshme, duke u ofruar më shumë siguri qytetarëve dhe vendeve tona.

The post “Struktura e Njësisë së Informacionit të Pasagjerit”, Nano: Kapacitet për luftën kundër trafiqeve dhe terrorizmit appeared first on Albeu.com.